ಕುಡ್ಲ : ಕೆಲವೇ ಗಂಟೆಡ್ ತುಳುನಾಡ್ ಸೇರ್ದ್ ರಾಜ್ಯದ ಕೆಲವು ಕಡೆಟ್ಟ್ ಭಾರಿ ತೆಡಿಲ್, ಗಾಳಿ, ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಎಚ್ಚೆರ್ಗೆ ಕೊರ್ತುಂಡು.
ನನದ 3 ಗಂಟೆಡ್ ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಶಿವಮೊಗ್ಗ ಬೊಕ್ಕ ಒಡಿಪು ಜಿಲ್ಲೆಡ್ ಕೆಲವು ಸ್ಥಳಟ್ಟ್ ಮಿಂಚಿ ಬೊಕ್ಕ ಬಿರುಗಾಳಿ ಸಮೇತ ಸಾಧಾರಣ ತೆಡಿಲ್ ಸಹಿತ ಗಂಟೆಗ್ 40ರ್ದು 50 ಕಿ.ಮೀ. ಬಿರ್ಸ್ ಡ್ ಗಾಳಿ ಬೀಜುನ ಸಾಧ್ಯತೆ ಉಂಡು ಪಂದ್ ಇಲಾಖೆ ತೆರಿಪಾದ್ಂಡ್.
ಬೆಂಗ್ಲೂರ್: ಒಡಿಪು ಶಾಸಕೆರ್ ಯಶಪಾಲ್ ಸುವರ್ಣ ಮೇರ್ ವಿಧಾನಸಭೆಟ್ಟ್ ಇನಿ ಶಾಸಕೆರಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್.
ಮೇರ್ ಶ್ರೀಕೃಷ್ಣ ಮುಖ್ಯಪ್ರಾಣ, ಗೋಮಾತೆ ಬೊಕ್ಕ ಅದಮಾರು ಮಠತ್ತ ವಿಭುದೇಶ ತೀರ್ಥ ಸ್ವಾಮೀಜಿನ ಪುದರ್ ಡ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್.
ಬೆಂಗ್ಲೂರ್: ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ ಮೇರ್ ಇನಿ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್.
ಮೇರ್ ಶ್ರೀರಾಮಚಂದ್ರ ಪುದರ್ ಡ್ ಪ್ರಮಾಣವಚನ ಸ್ವೀಕಾರ ಮಲ್ದೆರ್.
ಹಳೆಯಂಗಡಿ: ಪುಗರ್ತೆದ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ ಉದಿಪನ ಆದ್ ರಡ್ಡೇ ವರ್ಷದ ಅವಧಿಡ್ ರೂ. 118 ಕೋಟಿ ವೈವಾಟ್ ಮಲ್ತ್ ದ್ ಠೇವಣಿದಾರೆರ್, ಗ್ರಾಹಕೆರ್ ಅಂಚೆನೆ ಜನಕ್ಲೆನ ಮೆಚ್ಚಿಗೆಗ್ ಕಾರಣ ಆತ್ಂಡ್ ಪಂದ್ ಸೊಸೈಟಿದ ಅಧ್ಯಕ್ಷೆರಾಯಿನ ಎಚ್. ವಸಂತ್ ಬೆರ್ನಾರ್ಡ್ ತೆರಿಪಾಯೆರ್.
ಹಳೆಯಂಗಡಿ ದ ಪ್ರಿಯದರ್ಶಿನಿ ಸಹಕಾರಿ ಸಂಘದ ರಡ್ಡನೇ ವರ್ಷದ ಸ್ಥಾಪನೇ ದಿನ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಪಾತೆರಿಯೆರ್.
ಕೊರೊನಾ ಕಾಲರ್ದ್ ಬೊಕ್ಕದ ದಿನೊಕ್ಲೆಡ್ ಉದಿಪನ ಆಯಿನ ಪ್ರಿಯದರ್ಶಿನಿ ಸೊಸೈಟಿ, ಕಡಿಮೆ ಅವಧಿಡ್ ಠೇವಣಿದಾರೆರ್ ಗ್ರಾಹಕೆರ್ ಬೊಕ್ಕ ಸಿಬ್ಬಂದಿಲೆನ ಸಹಕಾರಡ್ ಈತ್ ಮಲ್ಲ ಸಾಧನೆ ಮಲ್ಪರೆ ಆಂಡ್ ಪಂಡೆರ್.
ದುಂಬುದ ದಿನೊಕ್ಲೆಡ್ ಸೊಸೈಟಿನ್ ನನಲ ಎಡ್ಡೆ ರೀತಿಡ್ ಅಭಿವೃದ್ಧಿ ಮಲ್ಪುನೆತ್ತೊಟ್ಟಿಗೆ ಕಾಲಿ ಲಾಭದ ಉದ್ದೇಶ ದೀವಂದೆ ಶಾಖೆಲೆನ್ ಕಟ್ಟ್ ದ್ ಒಂಜಾತ್ ಜನಕ್ಲೆಗ್ ಉದ್ಯೋಗ ದೆಪ್ಪಾದ್ ಕೊರ್ಪಿನ ಉದ್ದೇಶಲ ಉಂಡು ಪಂಡೆರ್.
*ಮಲ್ಲ ಬಿನ್ನೆರಾದ್ ಬತ್ತಿನ ಸ್ವರ್ಣಕುಂಭ ವಿವಿಧೋದ್ದೇಶ ಸಹಕಾರ ಸಂಘ (ನಿ.) ಸುರತ್ಕಲ್ ನೆತ್ತ ಅಧ್ಯಕ್ಷೆರ್ ನಾಗೇಶ್ ಕುಲಾಲ್ ಪಾತೆರ್ದ್,ಸಹಕಾರಿ ಸಂಘ ಬುಲೆವೊಡ್ಡ ನಂಬಿಕೆ ಮುಖ್ಯ. ಆ ನಂಬಿಕೆ ಒರಿಪುನವು ಮುಖ್ಯವಾದುಂಡು. ಅಂಚೆನೆ ಪ್ರಿಯದರ್ಶಿನಿ ಸೊಸೈಟಿದ ಉದಿಪನದ ಪೊರ್ತುಡು ಎಂಕುಲು ಕೊರ್ತಿನ ಸಕಾಯೊನು ನನ ದುಂಬಗ್ ಲ ಕೊರೊಂದುಲ್ಲ ಪಂದ್ ಪಂಡೆರ್.
ಕುಡೊರಿ ಬಿನ್ನೆ, ನಾದಶ್ರೀ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ, ಒಡಿಪು ನೆತ್ತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕಾರ್ತಿಕ್ ಕುಮಾರ್ ಪಾತೆರ್ದ್, ಇತ್ತೆದ ಸ್ಪರ್ಧಾತ್ಮಕ ಯುಗೊಟ್ಟು ಸಹಕಾರಿ ಸಂಘೊನು ನಡಪಾವೊಂದು ಪೋಪಿನ ಮಲ್ಲ ಸವಾಲ್ ಆತ್ಂಡ್.ಇಂಚಿನ ಪೊರ್ತುಡು ಸಹಕಾರ ಸಂಘೊಲು ಒಂಜೆಕ್ಕೊಂಜಿ ಸಕಾಯ ಮಲ್ತ್ಂಡನೇ “ಸಹಕಾರ” ಪನ್ಪಿನ ಶಬ್ದಗ್ ಮಲ್ಲ ಅರ್ಥ ಬರ್ಪುಂಡು ಪಂಡೆರ್.
ನಿರ್ದೇಶಕೆರ್ ಡಾ.ಗಣೇಶ್ ಅಮೀನ್ ಸಂಕಮಾರ್ ಪ್ರಾಸ್ತಾವಿಕ ವಾದ್ ಪಾತೆರ್ದ್, ಪ್ರಿಯದರ್ಶಿನಿ ಸೊಸೈಟಿ ಪನ್ಪಿನ ರಡ್ಡ್ ವರ್ಷದ ಬಾಲೆ ಆಂಡಲ 20 ವರ್ಷದ ಜವನಾದಿಗೆದಾತ್ ಬುಲೆಚಿಲ್ ಆವರೆ ಮಾತಾ ಠೇವಣಿದಾರೆರ್ ಅಂಚೆನೆ ಜನಕ್ಲೆನ ಸಹಕಾರ ಕಾರಣ ಆತ್ಂಡ್. ನನ ದುಂಬುದ 5 ವರ್ಷಡ್ 100 ಕೋಟಿ ವೈವಾಟ್ ಆವಡ್, ಒಂಜಾತ್ ಜನಕ್ಕ್ ಉದ್ಯೋಗ ತಿಕ್ ದ್ ಅಕ್ಲೆನ ಕುಟುಂಬೊನು ಸಾಂಕುನ ಬೇಲೆ ಆವಡ್ ಪಂಡೆರ್.
ಸಿಇಒ ಸುದರ್ಶನ್ ಸಭೆ ಸುಧಾರಿಕೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.
ಈ ಲೇಸ್ ಡ್ ಗನ್ಯೆರಾಯಿನ ಶಶೀಂದ್ರ ಎಮ್ ಸಾಲ್ಯಾನ್, ರೆ. ಸ್ಟೀವನ್, ಸರ್ವೋತ್ತಮ ಮುಲ್ಕಿ, ಅಬ್ದುಲ್ ಖಾದರ್, ಅನಿಲ್ ಸಸಿಹಿತ್ಲು, ಚಂದ್ರ ಸಸಿಹಿತ್ಲು, ಉಪಾಧ್ಯಕ್ಷೆರಾಯಿನ ಪ್ರತಿಭಾ ಕುಳಾಯಿ, ನಿರ್ದೇಶಕೆರಾಯಿನ ಧನಂಜಯ ಮಟ್ಟು, ಗೌತಮ್ ಜೈನ್, ಶರತ್ ಶೆಟ್ಟಿ ಪಂಚವಟಿ, ಉಮಾನಾಥ್ ಜೆ. ಶೆಟ್ಟಿಗಾರ್, ಜೈಕೃಷ್ಣ ಕೋಟ್ಯಾನ್, ಗಣೇಶ್ ಪ್ರಸಾದ್ ದೇವಾಡಿಗ, ಧನ್ರಾಜ್ ಕೋಟ್ಯಾನ್, ಮಿರ್ಜಾ ಅಹಮ್ಮದ್, ಶೆರಿಲ್ ಅಯೋನ ಐಮನ್, ಹರೀಶ್ ಪುತ್ರನ್, ನವೀನ್ ಸಾಲ್ಯಾನ್ ಪಂಜ, ಸಂದೀಪ್ ಇತ್ತೆರ್.
ಕುಡ್ಲ: ಮರಿಯಲ ಸುರುವಾಪಿನ ನಿಲೆಟ್ಟ್ ಸಿಆರ್ಝಡ್ ಪ್ರದೇಶಡ್ ಇನಿರ್ದ್ ಅಕ್ಟೋಬರ್ 15 ಮುಟ್ಟ ಪೊಯ್ಯೆ ದೆಪ್ಪರೆ ನಿಷೇಧ ಜಾರಿಗ್ ಬೈದ್ಂಡ್.
ಲೈಸೆನ್ಸ್ ದ ಅವಧಿ ಮುಗಿನ ಬಗೆಟ್ ಮಾ.4ಕ್ಕ್ ಸಿಆರ್ಝಡ್ ವ್ಯಾಪ್ತಿದ ಪೊಯ್ಯೆ ದ ದಿಬ್ಬರ್ದ್ ಪೊಯ್ಯೆ ಕೊನೊಪಿನವು ಉಂತುದುಂಡು. ಅವೆರ್ದ್ ಬೊಕ್ಕ ಇಸಿ (ಪರಿಸರ ಕ್ಲಿಯರೆನ್ಸ್) ಕುಡ ದೆತೊನಿಯೆರೆ ಬೋಡಾಯಿನ ಬೆಥಮೆಟ್ರಿ ಸರ್ವೇ ಮುಗಿತ್ಂಡ್. ಆಂಡ ವರದಿ ಬರಿಯೆರೆ ಬಾಕಿ ಉಂಡು. ಅತ್ತಂದೆ ಈ ನಡುಟ್ ವೋಟುದ ಪ್ರಕ್ರಿಯೆ ಇತ್ತಿನ ಬಗೆಟ್ ಜಿಲ್ಲಾಧಿಕಾರಿ ಮುತಾಲಿಕೆದ ಜಿಲ್ಲಾ ಮಟ್ಟದ ಸಮಿತಿ ಸಭೆ ಸೇರ್ಸಾಯೆರೆ ಸಾಧ್ಯ ಆತಿಜಿ.
ನನ ಬೆಥಮೆಟ್ರಿ ವರದಿ ಬತ್ತಿನ ಬೊಕ್ಕ ಡಿಸಿ ಸಮಿತಿಡ್ ನೆಕ್ಕ್ ಅನುಮೋದನೆ ಕೊರ್ದು ಸರಕಾರದ ಕರ್ನಾಟಕ ಕರಾವಳಿ ವಲಯ ನಿರ್ವಹಣೆ ಸಮಿತಿ (ಕೆಸಿಝಡ್ಎಂ)ದ ಅನುಮತಿ ಪಡೆಪುನ ಪ್ರಕ್ರಿಯೆ ಬಾಕಿ ಉಂಡು.
No sand mining in CRZ till October 15 th
With rainy season to commence soon sand mining has been restricted in CRZ ( coastal regulations zone ) areas till October 15 th.
ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (DFCCIL) ಡ್ 535 ಎಕ್ಸಿಕ್ಯೂಟಿವ್ ಬೇಲೆಗ್ ಸಂಬಂಧಪಟ್ಟಿನಂಚೆನೆ ಅಧಿಸೂಚನೆ ಕೊರ್ತುಂಡು.
ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಆನ್ ಲೈನ್ ಡ್ ಅರ್ಜಿ ಸಂದಾವೊಲಿ. ಅಭ್ಯರ್ಥಿಲೆನ್ ಕಂಪ್ಯೂಟರ್ ಬೇಸ್ಡ್ ಟೆಸ್ಟ್, ಕಂಪ್ಯೂಟರ್ ಬೆಸ್ಟ್ ಆಪ್ಟಿಟ್ಯೂಡ್ ಟೆಸ್ಟ್, ಎನ್ರೋಲ್ಮೆಂಟ್ ವೆರಿಫಿಕೇಶನ್, ಮೆಡಿಕಲ್ ಟೆಸ್ಟ್ ದ ಮುಖೇನ ಆಯ್ಕೆ ಮಲ್ಪುವೆರ್. ಜೂನ್ 19 ಅರ್ಜಿ ಸಂದಾಯೆರೆ ಅಕೇರಿದ ತಾರೀಕ್ ಆತ್ಂಡ್. ನೆತ್ತ ವೆಬ್ಸೈಟ್: https://dfccil.com
DFCCIL calls for 535 posts in its executive sector
DFCCIL – Dedicated Freight Corridor Corporation India Limited calls for applications from eligible candidates for 535 vacancies in its executive sector.
For more details log on to:
https://dfccil.com
ದಕ್ಷಿಣ ಅಮೆರಿಕಾದ ಗಯಾನಾದ ರಾಜಬೂಡು ಜಾರ್ಜ್ ಟೌನ್ ರ್ದ್ 320 ಕಿಮೀ ದೂರಡ್ ಇಪ್ಪುನ ಮಹದಿಯಾ ಪೇಂಟೆದ ಶಾಲೆದ ಹಾಸ್ಟೆಲ್ ಡ್ ತೂ ಪೊತ್ತ್ ದ್ 19 ಜನ ತೀರ್ ಪೋಯೆರ್.
ಅಂಚೆನೆ ಕೆಲವು ಕಲ್ಪಾರ್ಥಿಲೆಗ್ ಮಾಸ್ತ್ ಪೆಟ್ಟಾತ್ಂಡ್. ತೀರ್ ಪೋಯಿನಕುಲು 12-18 ವರ್ಷರ್ದ್ ಕಮ್ಮಿದಕುಲು ಪಂದ್ ಅಧಿಕಾರಿಲು ತೆರಿಪಾದೆರ್. ಈ ಘಟನೆಗ್ ಕಾರಣ ದಾದ ಪಂದ್ ತನಿಖೆ ನಡತೊಂದು ಉಂಡು.
ಕಾಂಗ್ರೆಸ್ ಶಾಸಕೆ ಯುಟಿ ಖಾದರ್ ವಿಧಾನಸಭೆತ್ತ ಸ್ಪೀಕರ್ ಆಪಿನ ಗ್ಯಾರಂಟಿ ಆತ್ಂಡ್. ಅಂಚಾದ್ ಮೇರ್ ವಿಧಾನಸಭೆ ಕಾರ್ಯದರ್ಶಿ ವಿಶಾಲಾಕ್ಷಿ ಮೆರೆಡ ಸ್ವೀಕರ್ ತಾನನ್ ನಾಮಪತ್ರ ಸಂದಾಯೆರ್.
ಈ ಪೊರ್ತುಡು ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿಕೆ ಶಿವಕುಮಾರ್, ಶಾಸಕೆರ್ ಅಜಯ್ ಸಿಂಗ್ ಸೇರಿನಂಚನೆ ಸುಮಾರ್ ಇತ್ತೆರ್. ಬೊಕ್ಕ ಖಾದರ್ ಮೇರ್ ಸಿದ್ದರಾಮಯ್ಯ ಮೆರೆನ್ ಭೇಟಿ ಆದ್ ಸೊಲ್ಮೆ ಸಂದಾಯೆರ್.
ಕುಡ್ಲ: ರಾಜ್ಯದ 16ನೇ ವಿಧಾನಸಭೆತ್ತ ಸುರುತ್ತ ಇಸೇಸ ಅಧಿವೇಶನ ಕೋಡೆರ್ದ್ ಮೇ24 ಮುಟ್ಟ ನಡಪರೆ ಉಂಡು.
ಬೆಂಗ್ಲೂರ್ ಡ್ ಕೋಡೆ ನಡತಿನ ಸುರುತ್ತ ಅಧಿವೇಶನಡ್ ಬಂಟ್ವಾಳ ಕ್ಷೇತ್ರದ ಶಾಸಕೆರ್ ರಾಜೇಶ್ ನಾೖಕ್ ದೇವೆರೆ ಪುದರ್ ಡ್ ಅಧಿಕಾರ ಪದ ಬೊಕ್ಕ ಗೌಪ್ಯತಾ ಪ್ರಮಾಣವಚನ ಸ್ವೀಕಾರ ಮಲ್ತೆರ್.
DRDO ಡ್ ಗ್ರಾಜುಯೇಟ್, ಡಿಪ್ಲೊಮಾ, ಐಟಿಐ ಅಪ್ರೆಂಟಿಸ್ ಬೇಲೆಗ್ ಆನ್ ಲೈನ್ ಮುಖೇನ ಅರ್ಜಿ ಪಾಡೊಲಿ.
ಪದವೀಧರ, ಡಿಪ್ಲೊಮಾ, ಐಟಿಐ ಪಾಸ್ ಆಯಿನ ಅಭ್ಯರ್ಥಿಲು drdo.gov.in ವೆಬ್ಸೈಟ್ ಗ್ ಭೇಟಿ ಕೊರ್ಪಿನ ಮುಖೇನ ಅರ್ಜಿ ಸಂದಾವೊಲಿ. ಆನ್ ಲೈನ್ ಅಪ್ಲಿಕೇಶನ್ ಮೇ20 ರ್ದ್ ಸುರು ಆಪುಂಡು. ಮೇ30 ಅಕೇರಿದ ತಾರೀಕ್ ಆತ್ಂಡ್. ಆಯ್ಕೆಯಾಯಿನ ಬೊಕ್ಕ, ಗ್ರಾಜುಯೇಟ್ ಇಂಜಿನಿಯರ್ ಅಪ್ರೆಂಟಿಸ್ ಗ್ 12 ಸಾರ, ಡಿಪ್ಲೊಮಾ ಅಪ್ರೆಂಟಿಸ್ ಗ್ 11 ಸಾರ, ಐಟಿಐ ಅಪ್ರೆಂಟಿಸ್ ಗ್ ತಿಂಗೊಲ್ ಗ್ 10 ಸಾರ ತಿಕ್ಕುಂಡು.
Vacancies in DRDO
Applications invited online from graduates, Diploma and ITI apprentice in DRDO.
For more information visit their website
drdo.gov.in
