ಪೂಂಛ್ ಜಿಲ್ಲೆಡ್ ಸೇನೆದ ಗಾಡಿದ ಮಿತ್ತ್ ನಡತಿನ ದಾಳಿದ ಕೇಸ್ ದ ಬಗೆಟ್ ತನಿಖೆ ನಡತೊಂದು ಉಂಡು.
ಈ ತನಿಖೆದ ಬಗೆಟ್ ಧಾರ್ಮಿಕ ಮುಖಂಡೆಯೊರಿನ್ ಪೊಲೀಸೆರ್ ವಶಕ್ಕ್ ಪಡೆತೆರ್. ಮರ್ಕಝ್-ಉಲ್-ಮಾರಿಫ್ ಮದರಸಾದ ಮೌಲ್ವಿ ಮನ್ಸೂರ್ ಮೆರೆಗ್ ದಾಳಿಕೋರೆರೆನೊಟ್ಟಿಗೆ ಸಂಪರ್ಕ ಇಪ್ಪುನ ಸಂಸಯದ ಬಗೆಟ್ ಮೆರೆನ್ ಅರೆಸ್ಟ್ ಮಲ್ದೆರ್. ಅತ್ತಂದೆ ಈ ಕೇಸ್ ಡ್ ಇಡೇ ಮುಟ್ಟ 7 ಜನನ್ ಅರೆಸ್ಟ್ ಮಲ್ದೆರ್.
ಬೆಂಗ್ಲೂರ್: ಕರ್ನಾಟಕ ವಿಧಾನಸಭೆ ವೋಟುದ ಬಗೆಟ್ ಸೋಮಾರ ಬಿಜೆಪಿ ಜನಕುಲೆನ ಪುದರ್ ಡ್ ‘ಪ್ರಜಾ ಪ್ರಣಾಳಿಕೆ’ ಬುಡುಗಡೆ ಮಲ್ದ್ಂಡ್.
ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆಪಿ ನಡ್ಡಾ ಮೇರ್ ಬೆಂಗ್ಲೂರ್ ದ ಖಾಸಗಿ ಹೋಟೆಲ್ಡ್ ಬಿಜೆಪಿ ಪ್ರಣಾಳಿಕೆ ಬುಡುಗಡೆ ಮಲ್ದೆರ್.
ಈ ಪೊರ್ತುಡು ಪಕ್ಷದ ಸಂಸದೀಯ ಮಂಡಳಿ ಸದಸ್ಯೆರ್ ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ, ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ, ಚುನಾವಣೆ ಪ್ರಣಾಳಿಕೆ ಸಲಹಾ ಸಮಿತಿ ಸಂಚಾಲಕೆರ್, ಸಚಿವೆರ್ ಡಾ.ಕೆ.ಸುಧಾಕರ್, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲು ಇತ್ತೆರ್.
ಕಾಂಗ್ರೆಸ್ ದಲೆಕ್ಕನೇ ಬಿಜೆಪಿಲ ವೋಟುದಕ್ಲೆನ್ ಮನಸ್ ಗೆಂದರೆ ಸುಮಾರ್ ಯೋಜನೆದ ಪ್ರಣಾಳಿಕೆನ್ ಘೋಷಣೆ ಮಲ್ತ್ಂಡ್.
ಮಹಾನಗರ ಪಾಲಿಕೆ ವ್ಯಾಪ್ತಿಡ್ ಅಟಲ್ ಆಹಾರ ಕೇಂದ್ರ ಸ್ಥಾಪನೆ, ಬಿಪಿಎಲ್ ಕುಟುಂಬಗ್ ಧರ್ಮಗ್ 3 ಗ್ಯಾಸ್ (ಯುಗಾದಿ, ಚೌತಿ, ಪರ್ಬೊಗ್ ಧರ್ಮಗ್ ಗ್ಯಾಸ್), ಪೋಷಣೆ ಸ್ಕೀಮ್ (ಬಿಪಿಎಲ್ ಕುಟುಂಬಗ್ ಪ್ರತಿ ದಿನ ಅರ್ಧ ಲೀಟರ್ ನಂದಿನಿ ಪೇರ್, ಏಕ ನಾಗರೀಕ ಸಂಹಿತೆ ಜಾರಿಗ್ ಭರವಸೆ, ಕರ್ನಾಟಕ ಅಪಾರ್ಟ್ಮೆಂಟ್ ಓನರ್ಶಿಪ್ ಆಕ್ಟ್ ತಿದ್ದುಪಡಿಗ್ ಭರವಸೆ, ಒನಕೆ ಓಬವ್ವ ಯೋಜನೆದಡಿಟ್ಟ್ 10 ಸಾರ ರೂ, 5 ವರ್ಷದ ಭವಿಷ್ಯ ನಿಧಿ, ಸರ್ಕಾರಿ ಶಾಲೆದ ಉನ್ನತೀಕರಣ ಭರವಸೆನ್ ಬಿಜೆಪಿ ಕೊರ್ತುಂಡು.
Free LPG cylinder during the festival of Yugadhi, Ganesh Chaturthi and deepavali – announcement in BJP citizens manifesto
Bangalore: In the BJP manifesto released for the upcoming Vidhana Sabha elections in Karnataka BJP national president J P Nadda announced that LPG cylinder will be given free of cost during festivals along with other benifits to the common man.
ಬೆಂಗ್ಲೂರ್: ಬೆಂಗ್ಲೂರ್ ದ ಗ್ರೇಟ್ ಸಿಎಂಆರ್ ಯುನಿವರ್ಸಿಟಿ ಕಾಲೇಜ್ ದ ಎಂಬಿಎ ಕಲ್ಪಾರ್ಥಿ ರಾಧೇಶ್ ಮಯ್ಯ ಮೇರ್ ಕಾಲೇಜ್ ದ ಫ್ರೆಶರ್ ಪ್ರಶಸ್ತಿ ಗೆಂದ್ ದೆರ್.
ಕಾಲೇಜ್ ಡ್ ಕರಿನ ವಾರ ನಡತಿನ 2023ನೇ ಸಾಲ್ ದ ಫ್ರೆಶರ್ಸ್ ಡೇ ಲೇಸ್ ಡ್ ರಾಧೇಶ್ ಮಯ್ಯ ಮೆರೆಗ್ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.
ಬೆಂಗ್ಲೂರ್ ದ 12 ಕಾಲೇಜ್ ಲೆರ್ದ್ ರೇವಾ ವಿಶ್ವವಿದ್ಯಾಲಯದ ಕಾಲೇಜ್ ಪಾಲ್ ಪಡೆಪಿನೆಟ್ಟ್ 2ನೇ ತಾನ ಗೆಂದ್ ದ್ಂಡ್. ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ಮೂಲದ ರಾಧೇಶ್ ಮಯ್ಯ ಮೇರ್ ಮಾರ್ಕೆಟಿಂಗ್ ಪ್ರಮೋಶನ್ ಮಲ್ಪುನ ಚಾಲೆಂಜ್ ಡ್ ರಡ್ಡನೇ ತಾನ ಪಡೆತೆರ್. ನೆಟ್ಟ್ 12 ಕಾಲೇಜ್ ದ ಕಲ್ಪಾರ್ಥಿಲು ಪಾಲ್ ಪಡೆತೆರ್.
ಉಂದು ಎಂಬಿಎ ಕಲ್ಪಾರ್ಥಿಲೆಗ್ ಮೀಸಲಾಯಿನ ಚಾಲೆಂಜ್ ಆತ್ಂಡ್. ನೆನ್ ಫ್ರೆಶರ್ ಅವಾರ್ಡ್ ಕಾಲೇಜ್ ಡ್ ಹಾಡುಗಾರಿಕೆ, ಕಲಿಕೆ ಇಂಚ ಬೇತೆ ಬೇತೆ ಮತ ಚಟುವಟಿಕೆಲೆಡ್ ಆಯ್ಕೆ ಆಯಿನ ಏಕೈಕ ಕಲ್ಪಾರ್ಥಿಲೆಗ್ ಮೀಸಲಾಯಿನ ಅವಾರ್ಡ್ ಆದುಂಡು.
ನಿವೃತ್ತ ಕಂದಾಯ ಅಧಿಕಾರಿ, ಸಂಗೀತ ವಿದ್ವಾಂಸೆರ್ ಡಾ. ಎನ್. ಸೋಮಶೇಖರ್ ಮಯ್ಯ ಬಂಟ್ವಾಳ, ಬೊಕ್ಕ ಶಿಕ್ಷಕಿ ಶ್ರೀವಾಣಿ ಮಯ್ಯ ದಂಪತಿಲೆನ ಮಗೆ ಆಯಿನ ಮೇರ್ ಬೆದ್ರ ಆಳ್ವಾಸ್ ಕಾಲೇಜ್ ದ ಹಳೇ ವಿದ್ಯಾರ್ಥಿ. ಇತ್ತೆ ಬೆಂಗ್ಲೂರ್ ದ ಸಿಎಂಆರ್ ಯುನಿವರ್ಸಿಟಿ ಕಾಲೇಜ್ ಡ್ ಎಂಬಿಎ ಕಲ್ತೊಂದು ಉಲ್ಲೆರ್.
ಭಾರತಡೇ ತಯಾರ್ ಆಯಿನ ವಿಶೇಷ ಕಾರ್ ನ್ ಚಾಲನೆ ಮಲ್ತೊಂದು ತುಳುನಾಡ ಕೊಡಿ ರಾಪಾವೊಂದು ಜಗತ್ತ್ ದ 75 ದೇಶೊಲೆನ್ ತಿರ್ಗಾಟ ಮಲ್ಪುನ ಐತಿಹಾಸಿಕ ” ಕರ್ನಾಟಕ ಟು ಲಂಡನ್” ಯಾತ್ರೆಗ್ ಪುತ್ತೂರ್ದ ಜವನೆ ಸಿನಾನ್ ಬಿ.ಸಿ ತಲೆಬೈಲ್ ಮೇರ್ ಪಿದಾಡ್ದೆರ್.
ಯಾತ್ರೆದ ಉದಿಪನ ಲೇಸ್ ಕುಡ್ಲದ ಫೋರಂ ಮಾಲ್ ಡ್ ಸನಿಯಾರ ಬಯ್ಯಗ್ ನಡತ್ಂಡ್.
ಈ ಲೇಸ್ ಗ್ ಮಾಜಿ ಶಾಸಕೆರ್ ಯುಟಿ ಖಾದರ್ ಬತ್ತ್ ದ್, ಸಿನಾನ್ ಮೆರೆನ ಯಾತ್ರೆಗ್ ಎಡ್ಡೆಪ್ಪು ಬಯಕಿಯೆರ್. ಅತ್ತಂದೆ ಮೇರ್ ಪೋಪಿನ ಕಾರ್ ಡ್ ತುಳುತ್ತ ಕೊಡಿನ್ ರಾಪಾದೆರ್. ನೆತ್ತೊಟ್ಟಿಗೆ ಕರ್ನಾಟಕದ ಕೊಡಿಲ ಇತ್ತ್ಂಡ್.
ಮೇರ್ ಪುತ್ತೂರ್ ಈಶ್ವರಮಂಗಲದ ಬೆಳ್ಳಿ ಚೆದವು ನಿವಾಸಿ ಇಬ್ರಾಹಿಂ ಬೊಕ್ಕ ಸಫಿಯಾ ದಂಪತಿಲೆನ ಮಗೆ.
ಮಹಾರಾಷ್ಟ್ರ: ಭಿವಂಡಿ ಪೇಂಟೆಡ್ ರಡ್ಡ್ ಮಾಳಿಗೆದ ಕಟ್ವಾನ ಬೂರ್ದು 8 ಜನ ತೀರ್ ಪೋಯೆರ್.
ನೆಟ್ಟ್ ಸುಮಾರ್ ಜನಕ್ಕ್ ಪೆಟ್ಟಾತ್ಂಡ್. ಈ ಕಟ್ವಾನ ಪತ್ತ್ ವರ್ಷ ಪಿರವುದವು ಆತ್ಂಡ್. ಕಟ್ವಾನದ ಮಾಲಿಕೆರ್, ಆಹಾರ ಉತ್ಪನ್ನದ ಕಂಪೆನಿದ ಇಂದ್ರಪಾಲ್ ಪಾಟೀಲ್ ಮೆರೆನ್ ಘಟನೆಗ್ ಸಂಬಂಧ ಪಟ್ಟಿನಂಚೆನೆ ಪೋಲಿಸೆರ್ ಅರೆಸ್ಟ್ ಮಲ್ದೆರ್.
ಭಿವಂಡಿ ತಹಸೀಲ್ದಾರ್ ಆದಿಕ್ ಪಾಟೀಲ್ ಈ ಬಗೆಟ್ ಪೊಲಬು ಕೊರ್ದು, ನೆಲ ಬೊಕ್ಕ ಸುರುತ್ತ ಮಾಳಿಗೆಡ್ ಗೋದಾಮುಲು ಬೊಕ್ಕ ಮಿತ್ತ್ ದ ಮಾಳಿಗೆಡ್ ನಾಲ್ ಕುಟುಂಬಲು ವಾಸ ಇತ್ಂಡ್. ಮುಲ್ಪ ಒರನೇ ಕಟ್ವಾನ ಬೂರ್ದುಂದು. ಕೂಡ್ಲೆ ಜಾಗೆಗ್ ಬತ್ತಿನ ರಾಷ್ಟ್ರೀಯ ವಿಪತ್ತ್ ನಿರ್ವಹಣಾ ಪಡೆ ಕಟ್ವಾನದಡಿಟ್ಟ್ ತಿಕ್ ದ್ ತೀರ್ ಪೋಯಿನಕ್ಲೆನ್ ಬೊಕ್ಕ ಪೆಟ್ಟಾಯಿನಕ್ಲೆನ್ ಪಿದಯಿ ದೈದೆರ್ ಪಂದ್ ತೆರಿದ್ ಬೈದ್ಂಡ್.
ಘಟನೆದ ಜಾಗೆಗ್ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಮೇರ್ ಭೇಟಿ ಕೊರಿಯೆರ್. ಬೊಕ್ಕ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಇಪ್ಪುನ ಪೆಟ್ಟಾಯಿನಕ್ಲೆನ್ ಭೇಟಿ ಮಲ್ತ್ ದ್ ಸಾಂತ್ವನ ಪಂಡೆರ್.
A two storied building collapses leaving 8 persons dead
The incident was reported from Bhiwandi in Maharashtra.Many persons were injured in the incident.The building was very old and the owner of the building was arrested in connection with the incident.
ಡೆಲ್ಲಿ: ತೈಲ ಮಾರ್ಕೆಟ್ ಕಂಪೆನಿದಕುಲು ಸೋಮಾರ (ಮೇ 1) ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಬಿಲೆನ್ ಕಮ್ಮಿ ಮಲ್ದೆರ್.
ಸಿಲಿಂಡರ್ ಬಿಲೆ ಒಂಜೇ ಸರ್ತಿಗ್ 171.50 ರೂ. ಕಮ್ಮಿ ಆತ್ಂಡ್.
ಮಾರ್ಚ್ಡ್ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಬಿಲೆ 350 ರೂ.ರ್ದ್ ಎಚ್ಚಾದಿತ್ತ್ಂಡ್.
ಆಂಡ, 14.2 ಕೆಜಿ ಗೃಹಬಳಕೆದ ಅಡಿಗೆ ಅನಿಲದ ಬಿಲೆಟ್ಟ್ ಒವ್ವೇ ಬದಲಾವಣೆ ಇಜ್ಜಿ. ತೈಲ ಕಂಪನಿಲು ತನ್ನ ವೆಬ್ಸೈಟ್ಡ್ ಪೊಸ ಬಿಲೆನ್ ಪಾಡ್ದ್ಂಡ್.
Commercial gas LPG rate reduced by rupees 171.50.
Delhi: The rate of LPG cylinder has been reduced by rupees 171.50 by the oil companies.
The rate of 14.2 kg consumer cylinder used for household cooking has not been changed.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 5ನೇ ಸಂಚಿಕೆ ಮೇ1 ಸೋಮಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಮೇ2 ಕ್ಕ್ ಮಧ್ಯಾಹ್ನ 12.15ಕ್ಕ್ ಕುಡೊರ ಪ್ರಸಾರ ಆಪುಂಡು.
ಬೊಲ್ತೇರ್: ಬೈಲಂಗಡಿ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಮೇ17-22 ಮುಟ್ಟ ನಡಪರೆ ಉಂಡು.
ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದದೊಟ್ಟಿಗೆ, ಪ್ರೊ.ಎಸ್ ಪ್ರಭಾಕರ್ ಮೆರೆನ ಗೌರವಾಧ್ಯಕ್ಷತೆಡ್, ನೀಲೇಶ್ವರ ಆಲಂಬಾಡಿ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ನಡಪರೆ ಉಂಡು.
ಮೇ17 ಬುಧಾರ ಬೊಲ್ಪುಗು ಬ್ರಹ್ಮಕಲಶ ಉಚ್ಚಯ ಕಚೇರಿ ಉದಿಪನ, ಉಗ್ರಾಣ ಉದಿಪನ, ಪುದೆಕಾಣಿಕೆ ಮೆರವಣಿಗೆ, ಪುದೆ ಕಾಣಿಕೆ ಸಮರ್ಪಣೆ, ಮಧ್ಯಾಹ್ನ ಅನ್ನಚತ್ರ ಉದಿಪನ, ಪಲ್ಲಪೂಜೆ ನಡಪರೆ ಉಂಡು.
ಮೇ18 ಗುರುವಾರ ಬೊಲ್ಪುಗು ಗಣಪತಿ ಹೋಮ, ಕಲಶಪೂಜೆ, ಕಲಶಾಭಿಷೇಕ, ಹೋಮಕಲಶಾಭಿಷೇಕ, ಮಹಾಪೂಜೆ, ಮಧ್ಯಾಹ್ನ ಭಜನೆ ಲೇಸ್ ದ ಉದಿಪನ, ಮಹಾಪೂಜೆ ರಾತ್ರೆ ಧಾರ್ಮಿಕ ಸಭೆ, ಬೊಕ್ಕ ಊರುದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ವೈಭವ, ಅವೆರ್ದ್ ಬೊಕ್ಕ ಶಬರಿ ಕಲಾವಿದೆರ್ ತೋಟತ್ತಾಡಿ ಅಭಿನಯದ ಆಲ್ ಎನ್ನಾಲ್ ನಾಟಕ ನಡಪರೆ ಉಂಡು.
ಮೇ19 ಸುಕ್ರಾರ ಬೊಲ್ಪುಗು ಗಣಪತಿ ಹೋಮ, ಶಾಂತಿಹೋಮ, ಕಲಶಪೂಜೆ, ಭಜನೆ ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ ಬಯ್ಯಗ್ ತ್ರಿಕಾಲಪೂಜೆ, ರಾತ್ರೆಪೂಜೆ ಬೊಕ್ಕ ಸುರೇಶ್ ಎಮ್ ಎನ್ ಬೆಂದ್ರಾಳ ಬೊಕ್ಕ ಕೂಟದಕ್ಲೆರ್ದ್ ಭಕ್ತಿ ರಸಮಂಜರಿ, ರಾತ್ರೆ, ಧಾರ್ಮಿಕ ಸಭೆ, ಬೊಕ್ಕ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಶಿವದೂತೆ ಗುಳಿಗೆ ನಾಟಕ ನಡಪರೆ ಉಂಡು.
ಮೇ20 ಸನಿಯಾರ ಬೊಲ್ಪುಗು ಗಣಪತಿ ಹೋಮ, ಭಜನೆ ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬಯ್ಯಗ್ ಕಲಶಪೂಜೆ, ಬೊಕ್ಕ ಸಾಯಿ ನೃತ್ಯಾಲಯ ಬೆಂದ್ರಾಳ ಮೊಕ್ಲೆರ್ದ್ ನೃತ್ಯ ವೈವಿಧ್ಯ, ನಯನಾ ಸತ್ಯನಾರಾಯಣ ಮೊಕ್ಲೆನ ಶಿಷ್ಯೆರೆರ್ದ್ ನೃತ್ಯಾಂಜಲಿ ರಾತ್ರೆ ಧಾರ್ಮಿಕ ಸಭೆ ಆದ್ ಪುತ್ತೂರ್ ಜಗದೀಶ್ ಆಚಾರ್ಯ ಬೊಕ್ಕ ಕೂಟದಕ್ಲೆರ್ದ್ ಸಂಗೀತ ಗಾನ ಸಂಭ್ರಮ ನಡಪರೆ ಉಂಡು.
ಮೇ21 ಐತಾರ ಬೊಲ್ಪುಗು ಗಣಪತಿ ಹೋಮ, ಜೀವಕಲಶ, ಬ್ರಹ್ಮಕಲಶ ಪೂಜೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಶ್ರೀ ವಿಷ್ಣು ಕಲಾವಿದೆರ್ ಮದ್ದಡ್ಕ ಮೊಕ್ಲೆರ್ದ್ ಚಿಲ್ಲರೆ ಕಾಸ್ ದಾಯೆ ನಾಟಕ, ಬಯ್ಯಗ್ ಕಲಶಾಭಿಷೇಕ, ಮಂಡಲಪೂಜೆ ಬೊಕ್ಕ ಶ್ರೀದೇವಿ ಸಚಿನ್ ಬೊಕ್ಕ ಕೂಟದಕ್ಲೆರ್ದ್, ನಿನಾದ ಕ್ಲಾಸಿಕಲ್ ಅರ್ಪಣೆ ಮಲ್ಪುನ ದಾಸವಾಣಿ ಬೊಕ್ಕ ಸುಗಮ ಸಂಗೀತ, ರಾತ್ರೆ ಧಾರ್ಮಿಕ ಸಭೆ, ಬೊಕ್ಕ ಕೀರ್ತನಾ ಕಲಾ ತಂಡ ಮುಂಡಾಜೆ ಮೊಕ್ಲೆರ್ದ್ ಬೈಲಂಗಡಿ ಶ್ರೀ ಸೋಮನಾಥೇಶ್ವರ ಕ್ಷೇತ್ರ ಮಹಾತ್ಮೆ ಆಟ ನಡಪರೆ ಉಂಡು.
ಮೇ22 ಸೋಮಾರ ಬೊಲ್ಪುಗು ಗಣಪತಿ ಹೋಮ, ಶ್ರೀ ಸೋಮನಾಥೇಶ್ವರ ದೇವೆರೆನ ಪ್ರತಿಷ್ಠೆ, ಪರಿವಾರ ದೇವೆರೆನ ಪ್ರತಿಷ್ಠೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬೊಕ್ಕ ಡ್ರೀಮ್ ಸಿಂಗರ್ಸ್ ಮೆಲೋಡಿಸ್ ಬೈಲಂಗಡಿ ಮೊಕ್ಲೆರ್ದ್ ಭಾವಗೀತೆ, ಜನಪದಗೀತೆ, ಭಕ್ತಿಗೀತೆ, ಬಯ್ಯಗ್ ಸಂತೋಷ್ ಕಾರ್ಲ ಕೂಟದಕ್ಲೆರ್ದ್ ಕೊಳಲು ಬೊಕ್ಕ ನಾದಸ್ವರ ಲೇಸ್, ರಾತ್ರೆ ಧಾರ್ಮಿಕ ಸಭೆ, ಬಪ್ಪನಾಡ್ ಮೇಳದಕ್ಲೆರ್ದ್ ಭಂಡಾರ ಚಾವಡಿ ಆಟ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಬಾಲಕೃಷ್ಣ ಗೌಡ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪೂಂಜ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕಮಲಾಕ್ಷ ಪೂಜಾರಿ, ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಮೆಕ್ಸಿಕೋದ ನಯರಿತ್ ರಾಜ್ಯಡ್ ನಡತಿನ ಮಾರ್ಗ ಆಕ್ಸಿಡೆಂಟ್ ಡ್ 18 ಜನ ತೀರ್ ಪೋಯೆರ್.
ಬಸ್ ತ್ತ ಅಕಲ್ ತತ್ತ್ ದ್ ಗುಂಡಿಗ್ ಬೂರ್ದುಂಡು ಪಂದ್ ತೆರಿದ್ ಬೈದ್ಂಡ್. ತೀರ್ ಪೋಯಿನಕ್ಲೆಟ್ಟ್ 11 ಜನ ಪೊಂಜೋವ್ ನಕುಲು ಉಲ್ಲೆರ್. 33 ಜನಕ್ಕ್ ಮಸ್ತ್ ಪೆಟ್ಟಾದ್ ಆಸ್ವತ್ರೆಗ್ ದಾಖಲ್ ಆತೆರ್. ಪೆಟ್ಟಾಯಿನಕ್ಲೆಟ್ಟ್ 11 ಜನ ಎಲ್ಯ ಅಕುಲು ಇತ್ತೆರ್ ಪಂದ್ ಪೊಲೀಸೆರ್ ತೆರಿಪಾದೆರ್.
SBI ಡ್ ಖಾಲಿ ಇಪ್ಪುನ 217 ಸ್ಪೆಷಲಿಸ್ಟ್ ಆಫೀಸರ್ ಬೇಲೆಗ್ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲು ವೆಬ್ ಸೈಟ್ sbi.co.in ಗ್ ಭೇಟಿ ಕೊರ್ದು ಅರ್ಜಿ ಸಂದಾವೊಲಿ.
ಎ.29 ರ್ದ್ ಅರ್ಜಿ ಸಂದಾಯೆರೆ ಸುರು ಆಪುಂಡು. ಮೇ19 ಕ್ಕ್ ಅಕೇರಿದ ದಿನ ಆತ್ಂಡ್. ಆಯ್ಕೆ ಪ್ರಕ್ರಿಯೆ ಸಂದರ್ಶನ ಬೊಕ್ಕ ದಾಖಲೆ ಪರಿಶೀಲನೆದ ಆಧಾರದ ಮಿತ್ತ್ ಇಪ್ಪುಂಡು. ಅರ್ಜಿ ಪಾಡಿಯೆರ್ ಅಭ್ಯರ್ಥಿಲು 750 ರೂ. ಫೀಸ್ ಕಟ್ಟೊಡು. ಮೀಸಲಾತಿ ವರ್ಗದ ಅಭ್ಯರ್ಥಿಲೆಗ್ ಫೀಸ್ ರ್ದ್ ವಿನಾಯಿತಿ ಕೊರ್ತುಂಡು.
SBI calls for vacancies in 217 posts
SBI has called for vacancies in217 posts of Specialist Officers from eligible candidates. For further information log on to: sbi.com.in
