May 11, 2023

May 13th Vote counting day: Prohibtionary orders in DK district ಮೇ13 ಕ್ಕ್ ವೋಟು ಗೆನ್ಪರೆ: ದಕ್ಷಿಣ ಕನ್ನಡ ಜಿಲ್ಲೆಡ್ ನಿಷೇಧಾಜ್ಞೆ

ಕುಡ್ಲ: ಸುರತ್ಕಲ್ ಎನ್.ಐ.ಟಿ.ಕೆಡ್ ಮೇ13 ಕ್ಕ್ ವೋಟುದ ಲೆಕ್ಕ ನಡಪರೆ ಉಂಡು. ಈ ಬಗೆಟ್ ದಕ್ಷಿಣ ಕನ್ನಡ ಜಿಲ್ಲೆ ಇಡೀ ನಿಷೇಧಾಜ್ಞೆ ಜಾರಿ ಆಪುಂಡು ಪಂದ್ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್.

ಸಾರ್ವತ್ರಿಕ ವೋಟುದ ಲೆಕ್ಕದ ಪೊರ್ತುಡು ದಾಲ ತೊಂದರೆ ಆವಂದಿಲೆಕ ಬೊಕ್ಕ ಜಿಲ್ಲೆಡ್ ಕಾನೂನು ಸುವ್ಯವಸ್ಥೆ ಕಾಪಾಡುನ ಉದ್ದೇಶರ್ದ್ ಮುಂಜಾಗ್ರತೆ ಕ್ರಮವಾದ್ ಮೇ13 ಕ್ಕ್ ಬೊಲ್ಪುಗು 5 ಗಂಟೆರ್ದ್ ನಡುರಾತ್ರೆ 12 ಗಂಟೆ ಮುಟ್ಟ ಜಿಲ್ಲೆ ಇಡೀ ನಿಷೇಧಾಜ್ಞೆ ಪಾಡ್ದ್ ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್. ಮೇರ್ ಆದೇಶ ಮಲ್ದೆರ್.

Murder at Gantalkatte in Moodbidri ಬೆದ್ರದ ಗಂಟಲ್ ಕಟ್ಟೆಡ್ ಮರ್ಡರ್

ಬೆದ್ರ: ರಡ್ಡ್ ಜನತ್ತ ನಡುಟ್ ಜೋಕುಲೆನ ಇಸಯಗ್ ಪಾತೆರಕತೆಯಾದ್ ಬಿಸತ್ತಿ ಪಾರ್ದ್, ಕೆರಿನ ಘಟನೆ ಬೆದ್ರದ ಗಂಟಲ್ ಕಟ್ಟೆಡ್ ನಡತ್ಂಡ್.

ಈ ಘಟನೆಡ್ ಜಮಾಲ್ ತೀರ್ ಪೋಯಿನಾರ್. ಮೆರೆನ ಭಾವ ಸುಹೈಲ್ ಬಿಸತ್ತಿ ಪಾಡ್ದ್ ಕೆರಿನ ಆರೋಪಿ. ಮೆರೆನ್ ಬೆದ್ರ ಪೊಲೀಸೆರ್ ವಶಕ್ಕ್ ಪಡೆತೆರ್.

ದಕ್ಷಿಣ ಕನ್ನಡ ಜಿಲ್ಲೆಡ್ ಶೇ.76.15%,ವೋಟು

ಕುಡ್ಲ: ರಾಜ್ಯದ 224 ವಿಧಾನಸಭೆ ಕ್ಷೇತ್ರಡ್ ಕೋಡೆ ವೋಟು ನಡತ್ಂಡ್.

ದಕ್ಷಿಣಕನ್ನಡಡ್ ಕೋಡೆ 76.15% ದಾತ್ ವೋಟು ಪಾಡ್ದೆರ್ ಪಂದ್ ಚುನಾವಣಾ ಆಯೋಗ ಪೊಲಬು ಕೊರ್ತುಂಡು.

ಬೊಲ್ತೇರ್-80.80%,

ಕುಡ್ಲ-77.60%,

ಕುಡ್ಲ ಉತ್ತರ- 72.32%,

ಕುಡ್ಲ ದಕ್ಷಿಣ 65.10%,

ಬೆದ್ರ-76.11%,

ಬಂಟ್ವಾಳ-80.17%,

ಸುಳ್ಯ-78.94%,

ಪುತ್ತೂರ್-80.02% ದಾತ್ ಮತದಾನ ಆತ್ಂಡ್.

ಎಲ್ಲೆ 37 ದೇಶಡ್ ದಿ ಕೇರಳ ಸ್ಟೋರಿ ಪಿಕ್ಚರ್ ಬುಡುಗಡೆ

ಐಸಿಸ್ ಉಗ್ರೆರೆನ ಕತೆತ್ತ ದಿ ಕೇರಳ ಸ್ಟೋರಿ ಪಿಕ್ಚರ್ ಎಲ್ಲೆ 37 ದೇಶಡ್ ಬುಡುಗಡೆ ಆವರೆ ಉಂಡು.ಈ ಬಗೆಟ್ ಪೊಲಬು ಕೊರ್ನ ಚಿತ್ರದ ಪ್ರಮುಖ ಪಾತ್ರಧಾರಿ ನಟಿ ಅದಾ ಶರ್ಮಾ, ಎಕ್ಲೆನ ಪಿಕ್ಚರ್ ತೂದು, ಆಯಿನ್ ಟ್ರೆಂಡ್ ಮಲ್ತೊಂದು ಇಪ್ಪುನ ಬೊಕ್ಕ ಎನ್ನ ನಟನೆನ್ ಮೆಚ್ಚಿನ ಮಾತೆರೆಗ್ಲಾ ಸೊಲ್ಮೆಲು. ಉಂದುವೇ 12 ತಾರೀಕ್ ಗ್ ದಿ ಕೇರಳ ಸ್ಟೋರಿ 37 ಬೇತೆ ಬೇತೆ ದೇಶಡ್ ಅಂತರಾಷ್ಟ್ರೀಯ ಮಟ್ಟಡ್ ಬುಡುಗಡೆ ಆಪುಂಡು ಪಂದ್ ಪಂಡೆರ್.

ಆಸ್ಕರ್ ಪ್ರಶಸ್ತಿ ಗೆಂದಿನಕ್ಲೆಗ್ ತಮ್ಮನ ಮಲ್ತಿನ ಧೋನಿ

ಡೆಲ್ಲಿ: ಚೆನ್ನೈದ ಚಿದಂಬರಂ ಸ್ಟೇಡಿಯಂಡ್ ದಿ ಎಲಿಫೆಂಟ್​ ವಿಸ್ಪರರ್ಸ್​ ಸಾಕ್ಷ್ಯಚಿತ್ರಡ್ ನಟನೆ ಮಲ್ತಿನ ದಂಪತಿ ಬೊಮ್ಮನ್‌ ಬೊಕ್ಕ ಬೆಳ್ಳಿ, ನಿರ್ಮಾಪಕಿ ಕಾರ್ತಿಕಿ ಗೊನ್ಸಾಲ್ವಿಸ್ ಮೆರೆಗ್ ತನ್ನ ಸಿಎಸ್​ಕೆ ಜೆರ್ಸಿನ್ ನಾಯಕೆ ಧೋನಿ ಉಡುಗೊರೆಯಾದ್ ಕೊರ್ತೆರ್.‌

7ನೇ ನಂಬರ್​ದ ಜೆರ್ಸಿನ್ ಉಡುಗೊರೆಯಾದ್ ಕೊರ್ದು ಮಾನಾದಿಗೆ ಮಲ್ತೆರ್. ಈ ಪೊರ್ತುಡು, ಮೆರೆಗ್ ಚೆನ್ನೈ ಸೂಪರ್ ಕಿಂಗ್ಸ್ ಪರವಾದ್ ನೆಂಪಯ ಕಾಣಿಕೆ ಕೊರ್ಪುನೆತ್ತೊಟ್ಟಿಗೆ ಆನೆದ ಆರೈಕೆಗಾದ್ ಮುದುಮಲೈ ಪಿಲಿ ಸಂರಕ್ಷಣಾ ಪ್ರತಿಷ್ಠಾನಗ್ ದೇಣಿಗ್ ಕೊರಿಯೆರ್.

ದೇಶಡೇ ಬೆಂಗ್ಲೂರ್ ದ ಎಂ.ಜಿ ರೋಡ್ ಗ್ ನಂ.1 ತಾನ

ರಿಯಲ್ ಎಸ್ಟೇಟ್ ಕನ್ಸಲ್ಟಂಟ್ ನೈಟ್ ಫ್ರ್ಯಾಂಕ್ ಇಂಡಿಯಾ ಬುಡುಗಡೆ ಮಲ್ತಿನ, ಥಿಂಕ್ ಇಂಡಿಯಾ ಥಿಂಕ್ ರೀಟೇಲ್ 2023- ಹೈ ಸ್ಟ್ರೀಟ್ ರಿಯಲ್ ಎಸ್ಟೇಟ್ ಔಟ್ ಲುಕ್ ಸಮೀಕ್ಷಾ ವರದಿದ ಪ್ರಕಾರ ದೇಶದ 8 ಮಲ್ಲ ಪೇಂಟೆಡ್ 30 ಪ್ರಮುಖ, ಎಡ್ಡೆ ಗುಣಮಟ್ಟದ ಮಾರ್ಗಲೆಡ್ ಬೆಂಗ್ಲೂರ್ ದ ಮಹಾತ್ಮ ಗಾಂಧಿ ಮಾರ್ಗ ಸುರುತ್ತ ತಾನಡ್ ಉಂಡು.

ಟಾಪ್ 10 ಮಾರ್ಗಡ್ ಬೆಂಗ್ಲೂರ್ ದ 4 ಮಾರ್ಗ ಉಂಡು. ನೆಟ್ಟ್ ಕಮರ್ಷಿಯಲ್ ಮಾರ್ಗ 7, ಬ್ರಿಗೇಡ್ ಮಾರ್ಗ 9, ಬೊಕ್ಕ ಚರ್ಚ್ ಮಾರ್ಗ 10 ನೇ ತಾನಡ್ ಉಂಡು.

Case of the death of a model from Kumpala- accused commits suicide after two years ಕುಂಪಲದ ರೂಪದರ್ಶಿ ಸೈದಿನ ಕೇಸ್: 2 ವರ್ಷೊದ ಬೊಕ್ಕ ಬಲ್ಲ್ ಪಾಡೊಂದು ತೀರ್ ಪೋಯಿನ ಆರೋಪಿ!

ಉಳ್ಳಾಲ: ರಡ್ಡ್ ವರ್ಷದ ಪಿರವು ಕುಂಪಲದ ಆಶ್ರಯ ಕಾಲನಿದ ಇಲ್ಲಲ್ ಆತ್ಮಹತ್ಯೆ ಮಲ್ತೊನ್ನ ಸ್ಥಿತಿಡ್ ಪತ್ತೆಯಾದಿತ್ತಿನ ರೂಪದರ್ಶಿ ಪ್ರೇಕ್ಷಾ ಸಾವುಗು ಪ್ರಚೋದನೆ ಕೊರ್ನ ಆರೋಪಿ ಬಲ್ಲ್ ಪಾಡೊಂದು ತೀರ್ ಪೋಯೆರ್.

ಕುತ್ತಾರುದ ಮುಂಡೋಳಿ ನಿವಾಸಿ ಯತಿರಾಜ್ ಗಟ್ಟಿ (20) ಆತ್ಮಹತ್ಯೆ ಮಲ್ತೊನ್ನ ಆರೋಪಿ. ಮೇರ್ ತನ್ನ ಇಲ್ಲದ ಪಿರವು ಇತ್ತಿನ ಚಿಕ್ಕಮ್ಮನ ಇಲ್ಲದ ಎದುರುದ ಸಿಟ್ ಔಟ್‌ ದ ಕರ್ಬದ ಹುಕ್ಸ್ ಒಂಜೇಕ್ಕ್ ಬಲ್ಲ್ ಪಾಡೊಂದು ತೀರ್ ಪೋತೆರ್. ಈ ಘಟನೆದ ಜಾಗೆಗ್ ಉಳ್ಳಾಲ ಪೊಲೀಸೆರ್ ಭೇಟಿ ಕೊರ್ದು ಪುನನ್ ಮರಣೋತ್ತರ ಪರೀಕ್ಷೆಗ್ ಕೊನೊತೆರ್. ಮೆರೆಗ್ ಪೊಪ್ಪ, ಅಮ್ಮ, ಮೆಗ್ಗಿ ಉಲ್ಲೆರ್.

Person dies of a heart attack while dancing at a marriage party ಮದಿಮೆಡ್ ಡಾನ್ಸ್ ಮಲ್ತೊಂದು ಇತ್ತಿನ ಸಂಬಂಧಿಕೆ ತಿಗಲೆ ಬೇನೆಡ್ ತೀರ್ ಪೋಯೆರ್

ರಾಯ್ಪುರ: ಮದಿಮೆಯೊಂಜೆತ್ತ ಚಾವಡಿದ ಮಿತ್ತ್ ಡಾನ್ಸ್ ಮಲ್ತೊಂದು ಇತ್ತಿನ ಒಂಜಿ ಜನ ತಿಗಲೆ ಬೇನೆಡ್ ತೀರ್ ಪೋಯಿನ ಘಟನೆ ಛತ್ತೀಸ್‍ಗಢದ ರಾಜ್‍ನಂದಗಾಂವ್ ಜಿಲ್ಲೆದ ಡೊಂಗರ್‌ಗಢಡ್ ನಡತ್ಂಡ್.

ಛತ್ತೀಸ್‍ಗಢದ ಬಲೋದ್ ಜಿಲ್ಲೆದ ನಿವಾಸಿ ದಿಲೀಪ್ ರೌಜ್ಕರ್ ತೀರ್ ಪೋಯಿನಾರ್. ಮೇರ್ ಎಲೆಕ್ಟ್ರಿಕಲ್ ವಿಭಾಗದ ಉದ್ಯೋಗಿಯಾದಿತ್ತೆರ್.

ಮೇರ್ ತನ್ನ ಸಂಬಂಧದ ಮದಿಮೆಡ್ ಡಾನ್ಸ್ ಮಲ್ಪುನಗ ತಿಗಲೆ ಬೇನೆ ಆತ್ಂಡ್.‌ ಈ ಘಟನೆದ ವೀಡಿಯೋ ಕ್ಯಾಮೆರಾಡ್ ಸೆರೆಯಾತ್ಂಡ್.

463 crore rupees worth material confiscated in connection with elections in Karnataka ವೋಟುದ ಪ್ರಕ್ರಿಯೆರ್ದ್ ಇಡೇ ಮುಟ್ಟ 463 ಕೋಟಿ ರೂ.ದ ಸೊತ್ತು ವಶಕ್ಕ್

ರಾಜ್ಯ ವೋಟುದ ಪ್ರಕ್ರಿಯೆಡ್ ಇಡೇ ಮುಟ್ಟ 463 ಕೋಟಿ ರೂ. ಬಿಲೆತ್ತ ನಗದು, ಪದ್ದೆಯಿ, ಡ್ರಿಂಕ್ಸ್ ಬೊಕ್ಕ ಡ್ರಗ್ಸ್ ಸೊತ್ತುಲೆನ್ ವಶಕ್ಕ್ ಪಡೆತೆರ್ ಪಂದ್ ಚುನಾವಣಾ ಆಯೋಗ ತೆರಿಪಾದ್ಂಡ್.

2018 ತ್ತ ಎಲೆಕ್ಷನ್ ತೂಂಡ ಈ ಬಿಲೆ 5 ಪಟ್ಟ್ ಎಚ್ಚ ಆತ್ಂಡ್. ‌ವಶಕ್ಕ್ ಪಡೆಯಿನ ಸೊತ್ತುಲೆಡ್ 147.46 ಕೋಟಿ ನಗದು, 83.66 ಕೋಟಿ ಬಿಲೆತ್ತ ಮದ್ಯ, 23.67 ಕೋಟಿ ಬಿಲೆತ್ತ ಅಮಲ್ ಸೊತ್ತು, 91.06 ಕೋಟಿ ಬಿಲೆತ್ತ ಬಂಗಾರ್, ಬೊಳ್ಳಿ ಪದ್ದೆಯಿನ್ ಬೊಕ್ಕ 24.21 ಕೋಟಿ ಬಿಲೆತ್ತ ಬೇತೆ ಸೊತ್ತುಲು ಸೇರ್ ದ್ಂಡ್.

21 persons die in a fire mishap in Ural region of Western Russia ರಷ್ಯಾದ ಪಶ್ಚಿಮ ಉರಲ್ ಪ್ರದೇಶಡ್ ತೂ ಪೊತ್ತಾದ್ 21 ಜನ ತೀರ್ ಪೋಯೆರ್

ರಷ್ಯಾದ ಪಶ್ಚಿಮ ಉರಲ್ ಪ್ರದೇಶಡ್ ತೂ ಪೊತ್ತ್ ದ್ 21 ಜನ ತೀರ್ ಪೋಯೆರ್.

ಈ ತೂ ರ್ದ್ ಸುಮಾರ್ 5 ಸಾರರ್ದ್ ಎಚ್ಚ ಇಲ್ಲ್ ಬೊಕ್ಕ ಸುಮಾರ್ ಹೆಕ್ಟೇರ್ ಕೃಷಿ ಭೂಮಿಗ್ ತೊಂದರೆ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ಅಂಚೆನೆ ಈ ಘಟನೆಡ್ ಪೆಟ್ಟಾಯಿನಕುಲು ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಕೆಲವೆರೆನ ಸ್ಥಿತಿ ಗಂಭೀರ ಆತ್ಂಡ್. ಇಂಚಾದ್ ಸಾವುದ ಸಂಖ್ಯೆ ಎಚ್ಚಾಪುನ ಪೋಡಿಗೆ ಪುಟ್ಟುದುಂಡು. ನನ ಈ ಘಟನೆ ನಡತಿನ ಪ್ರದೇಶಡ್ ಸರ್ಕಾರ ತುರ್ತು ಪರಿಸ್ಥಿತಿ ಘೋಷಣೆ ಮಲ್ದ್ಂಡ್.