ಮೇ18-24: ಸುರಿಬೈಲ್ ಶ್ರೀ ಸದಾಶಿವ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ
ಕಾಸ್ರೋಡು ಜಿಲ್ಲೆ ಸುರಿಬೈಲ್ ಶ್ರೀ ಸದಾಶಿವ ದೇವಲ್ಯಡ್ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಉಚ್ಚಯ ಮೇ18-24 ಮುಟ್ಟ ನಡಪರೆ ಉಂಡು.
ಬಡಾಜೆ ಬೂಡು ಶ್ರೀ ಮಹಾಗಣಪತಿ ದೇವೆರೆನ ಅನುಗ್ರಹರ್ದ್ ಬಡಾಜೆ ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.
ಮೇ18 ಗುರುವಾರ ಮಧ್ಯಾಹ್ನ ಪುದೆಕಾಣಿಕೆ ಕೊನೊಯೆರೆ ಉಂಡು. ಬಯ್ಯಗ್ ಸಾಮೂಹಿಕ ಪ್ರಾರ್ತನೆ, ವಾಸ್ತುಹೋಮ, ವಾಸ್ತುಪೂಜೆ, ವಾಸ್ತುಬಲಿ, ರಾತ್ರೆಗ್ ರಾತ್ರೆಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು.
ಮೇ19 ಸುಕ್ರಾರ ಬೊಲ್ಪುಗು ಗಣಪತಿ ಹೋಮ, ಶಾಂತಿ ಹೋಮ, ಅಂಕುರ ಪೂಜೆ, ಮಹಾಪೂಜೆ, ಭಜನೆ ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಸುದರ್ಶನ ಹೋಮ, ಧರ್ಮ ಸಭೆ, ರಾತ್ರೆ ವಿಠಲ ನಾಯಕ್ ಕಲ್ಲಡ್ಕ ಮೆರೆರ್ದ್ ಗೀತಾ ಸಾಹಿತ್ಯ ಸಂಭ್ರಮ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಮೇ20 ಸನಿಯಾರ ಬೊಲ್ಪುಗು 108 ತಾರಾಯಿ ಮಹಾಗಣಪತಿಯಾಗ, ಭಜನೆ, ಮಧ್ಯಾಹ್ನ ಅನ್ನಸಂತರ್ಪಣೆ ಆದ್ ಶ್ರೀ ವಿಷ್ಣು ಯಕ್ಷ ಬಳಗ ಮಣಿಬೈಲ್ ಮಂಜೇಶ್ವರ ಮೊಕ್ಲೆರ್ದ್ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ಪ್ರತಿಷ್ಠೆ ಹೋಮ, ಧರ್ಮಸಭೆ, ರಾತ್ರೆ ಅನ್ನಸಂತರ್ಪಣೆ, ಬೊಕ್ಕ ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ವೈಭವ, ಉಮೇಶ್ ಕಲ್ಲುಗದ್ದೆ, ಲೋಕೇಶ್ ಮೀಪುಗುರಿ ಕಾಸ್ರೋಡು ಬೊಕ್ಕ ಕೂಟದಕ್ಲೆರ್ದ್ ಜಾದೂ ಪ್ರದರ್ಶನ ನಡಪರೆ ಉಂಡು.
ಮೇ21 ಐತಾರ ಬೊಲ್ಪುಗು ಗಣಪತಿ ಹೋಮ, ಪವಮಾನ ಹೋಮ, ಶ್ರೀ ದೇವೆರೆನ ಅಷ್ಟಬಂಧ ಪೂರ್ವಕ ಪ್ರತಿಷ್ಠಾ ಜೀವ ಕಲಶಾಭಿಷೇಕ, ನಾಗದೇವೆರೆಗ್ ಬೊಕ್ಕ ಗುಳಿಗ, ರಕ್ತೇಶ್ವರಿ ದೈವೊದ ಪ್ರತಿಷ್ಠೆ, ಕಲಶಾಭಿಷೇಕ, ಧರ್ಮಸಭೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ಆದ್ ಸುದನ್ವ ಮೋಕ್ಷ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ವನದುರ್ಗಾ ಹೋಮ, ಬ್ರಹ್ಮಕಲಶ ಮಂಡಲ ರಚನೆ, ಬೊಕ್ಕ ಕಟೀಲ್ ಮೇಳದಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
ಮೇ22 ಸೋಮಾರ ಬೊಲ್ಪುಗು ಗಣಪತಿ ಹೋಮ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಕಲಾರತ್ನ ಶಂ. ನಾ ಅಡಿಗ ಕುಂಬ್ಳೆ ಮೆರೆರ್ದ್ ಭಕ್ತ ಮರ್ಕಾಂಡೇಯ ಹರಿಕಥಾ ಸತ್ಸಂಗ, ಧರ್ಮಸಭೆ, ರಾತ್ರೆ ಕೇಶವ ಕನಿಲ ಸಾರಥ್ಯದ ಇಂಚರ ಮೆಲೋಡೀಸ್ ಮಂಜೇಶ್ವರ ಮೊಕ್ಲೆನ ಗಾನ ಸುಧಾ ಲೇಸ್ ನಡಪರೆ ಉಂಡು.
ಮೇ23 ಬೊಲ್ಪುಗು ಗಣಪತಿ ಹೋಮ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಗುರುನರಸಿಂಹ ಯಕ್ಷ ಬಳಗ ಮೀಯಪದವು ಮೊಕ್ಲೆರ್ದ್ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ದುರ್ಗಾಪೂಜೆ, ಧರ್ಮಸಭೆ, ರಾತ್ರೆ ಮಹಾಪೂಜೆ, ಅನ್ನಸಂತರ್ಪಣೆ ಆದ್ ನಾಟ್ಯ ನಿಲಯಂ ಬಾಲಕೃಷ್ಣ ಮಾಸ್ತರ್ ಮಂಜೇಶ್ವರ ಮೆರೆನ ಶಿಷ್ಯ ವೃಂದರ್ದ್ ನಾಟ್ಯ ವೈಭವ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಮೇ24 ಬುಧಾರ ಬೊಲ್ಪುಗು ಗಣಪತಿ ಹೋಮ, ಬೊಕ್ಕ ಸದಾಶಿವ ದೇವೆರೆಗ್ 505 ಬ್ರಹ್ಮಕಲಶಾಭಿಷೇಕ, ಅನ್ನಸಂತರ್ಪಣೆ, ದಾನ ಸಂಕೀರ್ತನೆ, ಧರ್ಮಸಭೆ, ರಾತ್ರೆ ರಂಗಪೂಜೆ, ಶ್ರೀ ದೇವೆರೆನ ಬಲಿ ಉಚ್ಚಯ, ಅನ್ನಸಂತರ್ಪಣೆ, ಬೊಕ್ಕ ಸಾಯಿಶಕ್ತಿ ಕಲಾ ಕೂಟ ಕುಡ್ಲ ಮೊಕ್ಲೆರ್ದ್ ಬೊಳ್ಳಿಮಲೆತ ಶಿವಶಕ್ತಿಲು ನಾಟಕ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಬತ್ತ್ ದ್, ಮಾತ ರೀತಿದ ಸರಕಾರ ಕೊರ್ದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಸಮಿತಿದ ಗೌರವಾಧ್ಯಕ್ಷೆರ್ ಬಡಾಜೆ ಬೂಡು ಗೋಪಾಲಕೃಷ್ಣ ತಂತ್ರಿ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಕುಳೂರು, ಗೌರವಾಧ್ಯಕ್ಷೆರ್ ಯೋಗಾನಂದ ಸರಸ್ವತಿ ಸ್ವಾಮೀಜಿ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಶಶಿಧರ ಶೆಟ್ಟಿ ಗ್ರಾಮಚಾವಡಿ ಶಿರಿಯ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಕಾರ್ಯಾಧ್ಯಕ್ಷೆರ್, ಆಡಳಿತ ಸಮಿತಿದ ಅಧ್ಯಕ್ಷೆರ್ ಬಲರಾಮ ಭಟ್ ಕಾಕುಂಜೆ ಲೆಪ್ಪೋಲೆಡ್ ತೆರಿಪಾದೆರ್.
