ಉಳ್ಳಾಲ: ಬೋಳಿಯಾರ್ ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರದ ಉದಿಪನ, ಬಿಂಬ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ಮೇ20-21 ಮುಟ್ಟ ನಡಪರೆ ಉಂಡು.
ಕಂಕನಾಡಿ ಗರಡಿ ಕ್ಷೇತ್ರದ ತಂತ್ರಿಲಾಯಿನ ಬಿ. ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.
ಮೇ20 ಸನಿಯಾರ ಬೊಲ್ಪುಗು ಗಣಹೋಮ, ಉಗ್ರಾಣ ಮೂರ್ತ, ನವಗ್ರಹ ಹೋಮ, ಮೃತ್ಯುಂಜಯ ಹೋಮ, ಬಯ್ಯಗ್ ಪುದೆಕಾಣಿಕೆ ಮೆರವಣಿಗೆ, ರಾತ್ರೆ ಅನ್ನಸಂತರ್ಪಣೆ, ಧರ್ಮಸಭೆ, ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ವೈಭವ, ಬೊಕ್ಕ ತುಳುನಾಡ ಕಲಾವೇದಿಕೆ ಅರ್ಪಣೆ ಮಲ್ಪುನ ಲಹರಿ ಮೆಲೋಡೀಸ್ ಬೋಳ್ಯಾರ್ ಮೊಕ್ಲೆರ್ದ್ ಭಕ್ತಿ ರಸ ಮಂಜರಿ ನಡಪರೆ ಉಂಡು.
ಮೇ22 ಐತಾರ ಬೊಲ್ಪುಗು ಗಣಹೋಮ, ರಕ್ತೇಶ್ವರಿ ಗುಳಿಗನ ಪ್ರತಿಷ್ಠೆ, ಬ್ರಹ್ಮಕಲಶ ಪೂಜೆ, ಬ್ರಹ್ಮಶ್ರೀ ನಾರಾಯಣ ಗುರು ಬಿಂಬ ಪ್ರತಿಷ್ಠೆ, ಕಲಶಾಭಿಷೇಕ, ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಧರ್ಮಸಭೆ, ರಾತ್ರೆ ಮಂಜೇಶ್ವರ ಶಾರದಾ ಕಲಾ ಆರ್ಟ್ಸ್ ಕೂಟದ ಐಸಿರಿ ಕಲಾವಿದೆರೆರ್ದ್ ಬಂಜಿಗ್ ಹಾಕೊಡ್ಚಿ ನಾಟಕ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಗುರುಕ್ಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಂದಿರದ ನಿರ್ಮಾಣ ಸಮಿತಿದ ಅಧ್ಯಕ್ಷೆರ್ ಗಣೇಶ್ ಸಾಲ್ಯಾನ್ ಬೋಳ್ಯಾರ್, ಗೌರವಾಧ್ಯಕ್ಷೆರ್ ಸುಂದರ ಯಾನೆ ತಿಮ್ಮ ಪೂಜಾರಿ ಗುತ್ತಿನಬೈಲ್ ಚೇಳೂರು, ಸಂಚಾಲಕೆರ್ ಯಶವಂತ ಪೂಜಾರಿ ದೇರಾಜೆಗುತ್ತು, ಉಪಾಧ್ಯಕ್ಷೆರ್ ಮೋಹನ್ ಅಂಗಣೆಮಾರ್, ರಾಜೀವ ಸಾಲಿಯಾನ್, ಸುರೇಶ್ ಪೂಜಾರಿ ಬಂಗುಳೆ, ಪ್ರಧಾನ ಕಾರ್ಯದರ್ಶಿ ಯೋಗೀಶ್ ಪೂಜಾರಿ ಬೋಳ್ಯಾರ್, ಕೋಶಾಧಿಕಾರಿ ಶ್ರೀನಿವಾಸ್ ಪೂಜಾರಿ ಬೋಳ್ಯಾರ್, ಕಾರ್ಯದರ್ಶಿ ಹರಿಪ್ರಸಾದ್ ಅಂಚನ್ ಕಿನ್ನಾಜೆ, ಸುರೇಶ್ ಮಜಿ, ಬೊಕ್ಕ ಗೌರವ ಸಲಹೆಗಾರೆರ್ ಲೆಪ್ಪೋಲೆಡ್ ತೆರಿಪಾದೆರ್.
