ಹಿಂದೂಮಹಾಸಾಗರಡ್ ಚೀನಾದ ಪಡವು ಮುರ್ಕುದು 39 ಜನ ನಾಪತ್ತೆ

ಹಿಂದೂ ಮಹಾ ಸಾಗರಡ್ ಮೀನುಗಾರಿಕೆಗ್ ಪೋಯಿನ ಚೀನಾದ ಪಡವು ಮುರ್ಕುದು, ಆಯಿಟ್ಟ್ ಇತ್ತಿನ 39 ಜನ ನಾಪತ್ತೆ ಆತೆರ್ ಪಂದ್ ವರದಿ ಆತ್ಂಡ್.

ಈ ಪಡವುಡ್ ಚೀನಾದ 17, ಇಂಡೋನೇಷ್ಯಾದ 17, ಫಿಲಿಫೈನ್ಸ್ ದ 5 ಜನ ಇತ್ತೆರ್ ಪಂದ್ ಚೀನಾ ಸೆಂಟ್ರಲ್ ಟೆಲಿವಿಷನ್ ಪಂತ್ಂಡ್. ಮೊಕ್ಲೆನ್ ರಕ್ಷಣೆ ಮಲ್ಪುನ ಬೇಲೆನ್ ಚೀನಾ ಸರ್ಕಾರ ಸುರು ಮಲ್ದ್ಂಡ್. ಅತ್ತಂದೆ ಕೈತಲ್ ದ ದೇಶದ ಸಕಾಯನ್ ಕೇಂದ್ಂಡ್. ಆಸ್ಟ್ರೇಲಿಯಾ ಬೊಕ್ಕ ಬೇತೆ ದೇಶಲು ರಕ್ಷಣಾ ಕಾರ್ಯಡ್ ಸೇರ್ ದ್ಂಡ್.