ರಾಷ್ಟ್ರೀಯ ಮಹಿಳಾ‌ ಬಾಕ್ಸಿಂಗ್ ಡ್ ಫೈನಲ್ ಬತ್ತಿನ ನಿಖತ್, ಲವ್ಲಿನಾ

ಭೋಪಾಲ್: ರಾಷ್ಟ್ರೀಯ ಮಹಿಳಾ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ ಡ್ ಫೈನಲ್‌ಗ್ ವಿಶ್ವ ಚಾಂಪಿಯನ್ ನಿಖತ್ ಜರೀನ್ ಬೊಕ್ಕ ಟೋಕಿಯೊ ಒಲಿಂಪಿಕ್ಸ್ ಡ್ ಕಂಚ್ ದ ಪದಕ ಗೆಂದಿನ ಲವ್ಲಿನಾ ಬೊರ್ಗೊಹೈನ್ ಪ್ರವೇಶ ಪಡೆತೆರ್.

2019ತ ವಿಶ್ವ ಬಾಕ್ಸಿಂಗ್ ಬೊಳ್ಳಿ ಪದಕ ಗೆಂದಿನ ಮಂಜುರಾಣಿ (48.ಕೆ.ಜಿ), 2017ತ ವಿಶ್ವ ಯೂತ್ ಚಾಂಪಿಯನ್ ಜ್ಯೋತಿ ಗುಲಿಯಾ (52 ಕೆ.ಜಿ) ಈ ತಂಡಡ್ ಇತ್ತೆರ್. ರೈಲ್ವೆ ತಂಡದ ಒಟ್ಟು ಎಳ್ಮ ಬಾಕ್ಸಿಂಗ್ ಪಟುಲು ಫೈನಲ್ ಬೈದೆರ್. ರೈಲ್ವೆ ತಂಡದ ಅನುಪಮ (50 ಕೆ.ಜಿ), ಶಿಕ್ಷಾ (54 ಕೆ.ಜಿ), ಪೂನಂ (60 ಕೆ.ಜಿ), ಶಶಿ (63 ಕೆ.ಜಿ), ಅನುಪಮಾ (81 ಕೆ.ಜಿ) ಬೊಕ್ಕ ನೂಪುರ್ (81+ಕೆಜಿ) ಫೈನಲ್ ಬೈದಿನಕುಲು. ತೆಲಂಗಾಣಡ್ ಇತ್ತಿನ ನಿಖತ್ 50 ಕೆ.ಜಿ ವಿಭಾಗದ ಸೆಮಿಫೈನಲ್‌ ಬೌಟ್‌ಡ್ 5–0ರ್ದ್ ಎಐಪಿದ ಶಿವೀಂದರ್ ಕೌರ್ ವಿರುದ್ಧ ಗೆಂದ್ ದೆರ್.
ಮೇರ್ ನನ ಫೈನಲ್‌ಡ್ ಅನಾಮಿಕಾ ಮೇರೆನೊಟ್ಟಿಗೆ ಗೊಬ್ಬೆರೆ ಉಲ್ಲೆರ್. ಲವ್ಲಿನಾ ಅಸ್ಸಾಂ ತಂಡದಾರ್. 75 ಕೆ.ಜಿ. ವಿಭಾಗಡ್ ಮಧ್ಯ ಪ್ರದೇಶದ ಜಿಗ್ಯಾಸಾ ರಜಪೂತ್ ವಿರುದ್ಧ ಗೆಂದ್ ದೆರ್. ‍ಬಂಗಾರ್ ದ ಪದಕದ ಸುತ್ತುಡ್ ಮೇರ್ ಎಸ್‌ಎಸ್‌ಸಿಬಿದ ಅರುಂಧತಿ ಮೇರೆನೊಟ್ಟಿಗೆ ಗೊಬ್ಬೆರೆ ಉಲ್ಲೆರ್.