ಬೊಲ್ತೇರ್: ಬಳ್ಳಾರಿರ್ದ್ ಶಬರಿಮಲೆಕ್ಕ್ ಪೋವೊಂದು ಇತ್ತಿನ ಮಿನಿ ಬಸ್ ಮುಂಡಾಜೆದ ಉಳ್ಳಾಲ್ತಿ ಕಟ್ಟೆದಲ್ಪ ಬ್ರೇಕ್ ಫೇಲ್ ಆದ್ ಮಾರ್ಗದ ಬರಿತ ಕಾಡ್ ಗ್ ಪೊಗ್ಗುದು ಸುಮಾರ್ ಜನಕ್ ಪೆಟ್ಟಾಯಿನ ಘಟನೆ ಡಿ.23 ಕ್ ಬೊಲ್ಪುಗು ನಡತ್ಂಡ್.
ಈ ಘಟನೆಡ್ ಕೂಡ್ಲಗಿ ತಾಲೂಕ್ ದ ಚಿಕ್ಕಜೋಗೆ ಹಳ್ಳಿದ ಶಶಿ, ಜಲಧರ, ರಘು, ಬಸವರಾಜ್, ಲೋಕ ಪನ್ಪುನಕ್ಲೆಗ್ ಪೆಟ್ಟಾತ್ಂಡ್. ನೆಟ್ ರಡ್ಡ್ ಜನಕ್ ಮಸ್ತ್ ಪೆಟ್ಟಾತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಗಾಡಿ ಪೊಗ್ಗಿನ ಜಾಗೆಡ್ ಕನಿ ಬೊಕ್ಕ ಕರೆಂಟ್ ದ ಕಂಬ ಇತ್ತ್ಂಡ್. ಡ್ರೈವರ್ ನ ಸಮಯ ಪ್ರಜ್ಞೆರ್ದ್ ಮಲ್ಲ ಅನಾಹುತ ತತ್ತ್ಂಡ್. ಈ ಘಟನೆದ ಜಾಗೆಗ್ ಬೊಲ್ತೇರ್ ಸಂಚಾರಿ ಠಾಣೆ ಪೊಲೀಸೆರ್ ಬತ್ ದ್, ಪೆಟ್ಟಾಯಿನಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.
pallavi shetty