ಕೇರಳ: ಬಡಪತ್ತ್ ದ ಪೊಂಜೊವು ಒರ್ತಿ ತನ್ನ ಮಗನ ಟೀಚರ್ನ ಕೈತಲ್ 500 ರೂಪಾಯಿ ಸಾಲ ಕೇಂಡ್ ದಿನ ಬೆರಿಕ್ಕೇ ಅರೆನ ಅಕೌಂಟ್ ಗ್ ಒಂಜೇ ದಿನಟ್ಟ್ 51 ಲಕ್ಷ ರೂಪಾಯಿ ಕಾಸ್ ಬತ್ತ್ದ್ಂಡ್!!
ಪಾಲಕ್ಕಾಡ್ದ ಕೂಟ್ಟನಾಡ್ದ ಸುಭದ್ರ ಪನ್ಪಿನಾರ್ ತನ್ನ ಮಗನ ಶಾಲೆದ ಟೀಚರ್ ಗಿರಿಜಾ ಹರಿಕುಮಾರ್ ಮೆರೆಡ 500 ರೂ. ಸಾಲ ಕೇಂದಿತ್ತೆರ್. ಶಿಕ್ಷಕಿ ಆ ಪೊಂಜೊವುಗು 1 ಸಾರ ಕೊರ್ದಿತ್ತೆರ್. ಅಂಚನೆ ಪೊಂಜೊವುನ ಪರಿಸ್ಥಿತಿನ್ ಸೋಶಿಯಲ್ ಮೀಡಿಯಾಡ್ ಪಾಡ್ದಿತ್ತೆರ್. ಉಂದೆಕ್ಕ್ ದಾನಿಲು ಸಕಾಯ ಮಲ್ತ್ದಿತ್ತ್ದ್ ಒಂಜೇ ದಿನಟ್ಟ್ 51 ಲಕ್ಷ ರೂ. ಕಾಸ್ ಪಾಡ್ದೆರ್.
ಪೊಂಜೊವುನ ಕಂಡನಿ ಕೂಲಿ ಬೇಲೆದಾರ್ ಆದಿತ್ತ್ದ್ ಕೆಲ ತಿಂಗೊಲ್ದ ಪಿರ ತೀರ್ ಪೋದಿತ್ತೆರ್. ರಡ್ಡನೇ ಮಗೆ ಅತುಲ್ ರಾಜ್ “ಸೆರೆಬ್ರಲ್ ಪಾಲ್ಸಿ” ಸೀಕ್ರ್ದ್ ನರೆಲೊಂದು ಇತ್ತ್ದ್ ಆಯನ್ ಇಲ್ಲಡ್ ಬುಡ್ದ್ ಬೇಲೆಗ್ ಪೋಯರೆ ಪೊಂಜೊವುಗ್ ಆವೊಂದಿಜ್ಜಾಂಡ್. ಅಯಿಕ್ ಆರ್ ಟೀಚರ್ ಡ್ 500 ರೂ. ಸಾಲ ಕೇಂಡ್ ದಿತ್ತೆರ್.