ಪಾಯಿಕಾನೆದ ಗುಂಡಿ ದೆಪ್ಪುನಗ ಮಣ್ಣ್ ಜರಿದ್ ಕೂಲಿ ಬೇಲೆದಾರ್ ತೀರ್ ಪೋಯೆರ್

ಕುಡ್ಲ : ಬಜ್ಪೆ ಪೊಲೀಸ್ ಠಾಣಾ ವ್ಯಾಪ್ತಿದ ಅಡ್ಡೂರು – ಅಳಕೆ ಪನ್ಪಿನಲ್ಪ ನಿರ್ಮಾಣ ಹಂತಡ್ ಇತ್ತಿನ ಕಟ್ವಾಣ ಒಂಜೆತ್ತ ಪಾಯಿಕಾನೆದ ಗುಂಡಿ ದೆತ್ತೊಂದಿತ್ತಿನ ಪೊರ್ತುಡು ಮಿತ್ತ್ ರಾಶಿ ಪಾಡ್ದಿನ ಮಣ್ಣ್ ಒರಾನೆ ಜರಿದ್ ಬೂರ್ದು ಒರಿ ಕೂಲಿ ಬೇಲೆದಾರ್ ಒರಿ ತೀರ್ ಪೋಯಿನ ಘಟನೆ ಅಂಗಾರೆ ನಡತ್oಡ್.



ತೀರ್ ಪೋಯಿನರೆನ್ ಅಡ್ಡೂರುದ ಕೂಲಿ ಬೇಲೆದಾರ್ ಆದಂ (45) ಪಂದ್ ಗುರ್ತಿಸಾದೆರ್. ಬೇತೆ ರಡ್ಡ್ ಜನ ಬೇಲೆದಕ್ಲೆಗ್ ಪೆಟ್ಟಾದಿತ್ತ್ ದ್ ನನೊರಿಯಗ್ ಒವ್ವೆ ರೀತಿದ ತೊಂದರೆ ಆತಿಜಿ. ಘಟನೆ ಆತಿನ ಜಾಗೆಗ್ ಜನಕುಲು ಬತ್ತ್ ದ್ ಮಣ್ಣ್ ದ ಅಡಿಟ್ಟ್ ತಿಕೊಂದಿನ ಆದಂ ಮೆರೆನ್ ದೆತ್ತ್ ದ್ ಆಸ್ಪತ್ರೆಗ್ ಕೊನತೆರ್. ಚಿಕಿತ್ಸೆ ಸಮ ಆವಂದೆ ತೀರ್ ಪೋತೆರ್.