ಕುಡ್ಲ: ಸಂಸಯದ ರೀತಿಡ್ ಆಂಜೋವು ಒರಿಯನ ಪುನ ಕುಡ್ಲ ಪೇಂಟೆದ ಪಂಪ್ವೆಲ್ ಕೈತಲ್ದ ಲಾಡ್ಜ್ಡ್ ಅಂಗಾರೆ ಪತ್ತೆಯಾತ್ಂಡ್. ಕಾಸ್ರೋಡು ಜಿಲ್ಲೆದ ಉಪ್ಪಳದ ಅಬ್ದುಲ್ ಕರೀಂ(52) ತೀರ್ ಪೋತಿನಾರ್ ಪಂದ್ ತೆರಿದ್ ಬೈದ್ಂಡ್.
ಈ ಪುನತ್ತ ಕೈತಲ್ ಕೆಲ ಮಾತ್ರೆಲು ಪತ್ತೆಯಾತ್ಂಡ್. ಲಾಡ್ಜ್ ಗ್ ಪೊಲೀಸ್ ಆಯುಕ್ತೆರ್ ಭೇಟಿ ಕೊರ್ದು ಪರಿಶೀಲನೆ ಮಲ್ತ್ದೆರ್. ಸೋಮಾರದಾನಿ ಪಂಪ್ವೆಲ್ ಕೈತಲ್ ಲಾಡ್ಜ್ ವೊಂಜೆಟ್ಟ್ ಕರೀಂ ರೂಮ್ಡ್ ಬಾಡಿಗೆಗ್ ಇತ್ತೆರ್. ಇನಿ ಕಾಂಡೆ ಇಲ್ಲದಕುಲು ಪದೇ ಪದೇ ಕಾಲ್ ಮಲ್ತೊಂದು ಇತ್ತ್ಂಡಲ ಕಾರ್ ದೆತ್ತಿಜೆರ್. ಉಂದೆನ್ ತೂಯಿನ ಲಾಡ್ಚ್ದ ಸಿಬ್ಬಂದಿ 11 ಗಂಟೆದ ಪೊರ್ತುಡು ಬಾಕಿಲ್ ದೆತ್ತ್ದ್ ತೂನಗ ಈ ಘಟನೆ ಬೊಲ್ಪುಗು ಬೈದ್ಂಡ್. ಜಾಗೆಗ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಎನ್. ಶಶಿಕುಮಾರ್ ಭೇಟಿ ಕೊರ್ತೆರ್.
pallavi shetty