ವಿಟ್ಲದ ಖಾಸಗಿ ಶಾಲೆಡ್ ಛದ್ಮವೇಷ ಪಂತೊಡ್ ಕಾಂತಾರ

ವಿಟ್ಲ: ಖಾಸಗಿ ಶಾಲೆದ ವಾರ್ಷಿಕ ಉಚ್ಚಯದ ಅಂಗವಾದ್ ಅಟ್ಟಣೆ ಮಲ್ತಿನ ಛದ್ಮವೇಷ ಪಂತೊಡ್ ಪೊಣ್ಣು ಒರ್ತಿ ಕಾಂತಾರ ಪಿಕ್ಚರ್ ದ ದೈವದ ವೇಷ ಪಾಡ್ದ್ ನಲಿತಿನ ವೀಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.

ಈ ಬಗೆಟ್ ಸಾರ್ವಜನಿಕ ವಲಯಡ್ ಬೆಚ್ಚ ಆತೆರ್. ‘ಒಡೆಗ್ ಬತ್ಂಡ್ ದೈವ, ದೇವೆರೆನ ದುಸ್ಥಿತಿ.!!??, ಪಂದ್ ದೈವ ಭಕ್ತೆರ್ ಛದ್ಮವೇಷ ಪಂತೊದ ಬಗೆಟ್ ಅಸಮಾಧಾನ ತೂಪಾದೆರ್. ಅಂಚನೆ ದೈವರಾಧಾನೆಗ್ ತುಳುನಾಡ್ ಡ್ ಇಸೇಸ ಸ್ಥಾನ ಉಂಡು. ದೈವಪಾತ್ರಿಲೆಗ್ ಅಕುಲೆನನೇ ಆಯಿನ ಕಟ್ಟುಪಾಡ್, ನಿಯಮ ಉಂಡು. ಏರ್ ಬೋಡಾಂಡಲ ಅಕುಲು ದೈವದ ವೇಷ ಪಾಡುಲೆಕ್ಕ ಇಜ್ಜಿ‌. ಈತ್ ಮಾತ ಇತ್ಂಡಲ ಕೆಲವೆರ್ ನೆನ್ ಲೆಕ್ಕೊಗು ದೀವಂದೆ ಅಕ್ಲೆಗ್ ಬೋಡಾನಗ ದೈವದ ವೇಷ ಪಾಡುನ ಎಡ್ಡೆ ಅತ್ತ್, ಉಂಡು ದೈವಾರಾಧನೆಗ್ ಮಲ್ತಿನ ಅಪಮಾನ ಪಂದ್ ದೈವ ಭಕ್ತೆರ್ ಬೇಜಾರ್ ಮಲ್ತ್ ದೆರ್.