ತುಳುನಾಡ್ ದ ದೈವಾರಾಧನೆನ್ ಜಗತ್ತ್ ಗ್ ತೆರಿಪಾಯಿನ, ನಟೆ ನಿರ್ದೇಶಕೆರ್ ರಿಷಬ್ ಶೆಟ್ರ್ ನ ಕಾಂತಾರ ಪಿಕ್ಚರ್ ರಾಜ್ಯ, ದೇಶ ಮಾತ್ರ ಅತ್ತಂದೆ ವಿದೇಶಡ್ಲಾ ಇಪ್ಪುನವು ಕನ್ನಡಿಗೆರೆಗ್ ಪೆರ್ಮೆದ ವಿಚಾರ. ಈ ನಡುಟ್ಟು ನಟೆ ಚೇತನ್ ತುಳುನಾಡ್ ದ ದೈವಾರಾಧನೆ ಹಿಂದೂ ಸಂಸ್ಕೃತಿದ ಮೂಲನೇ ಅತ್ತ್. ಹಿಂದೂ ಧರ್ಮಗ್ಲಾ ತುಳುನಾಡ್ ದ ದೈವಾರಾಧನೆಗ್ಲಾ ಒವ್ವೇ ಸಂಬಂಧ ಇಜ್ಜಿ ಪನ್ಪುನ ಹೇಳಿಕೆನ್ ಕೊರ್ತೆರ್.
ಈ ಹೇಳಿಕೆಗ್ ಪ್ರತಿಕ್ರಿಯೆ ಕೊರ್ನ ಮುಲ್ಕಿ-ಬೆದ್ರದ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಉಮಾನಾಥ್ ಕೋಟ್ಯಾನ್, ನಟೆ ಚೇತನ್ ಹಿಂದೂ ಪನ್ಪುನವೇ ಎಂಕ್ ಸಂಶಯ, ಅರೆನ್ ಒರ ಆಸ್ಪತ್ರೆಗ್ ಲೆತೊಂದು ಪೋದು ಚಿಕಿತ್ಸೆ ಕೊರೊಡು. ಮಾನಸಿಕ ಅಸ್ವಸ್ಥೆರ್ ಲೆಕ ಪಾತೆರೊಂದು ಉಲ್ಲೆರ್. ಇಂಚಿನ ನಟೆರೆನ್ ಸಮಾಜ ಬಹಿಷ್ಕಾರ ಮಲ್ಪೊಡು ಪಂದ್ ಪಂಡೆರ್.
ಖಾಸಗಿ ಸುದ್ದಿವಾಹಿನಿಡ್ ಪಾತೆರ್ದ್, ಶಾಸಕೆರ್ ದೈವಾರಾಧನೆಗ್ ಆಯಿನವೇ ಆಯಿನ ನಂಬಿಕೆ ಉಂಡು. ತುಳುನಾಡ್ ಡ್ ದೈವಾರಾಧನೆ ನಾಗಾರಾಧನೆ ಪವಿತ್ರ ಬೊಕ್ಕ ಶ್ರೇಷ್ಠ ಆಯಿನವ್. ಎಡಪಂಥೀಯೆರ್ಲಾ ಅಕುಲೆಗ್ ಕಷ್ಟ ಬನ್ನಗ ದೈವಲು ಬೊಕ್ಕ ನಾಗದೇವೆರೆಡ ನಟ್ಟೊನುವೆರ್. ಅಂಚ ಇಪ್ಪುನಗ ಈ ನಟೆ ಚೇತನ್ ವಾ ಲೆಕ್ಕಗ್ಲಾ ಅತ್ತ್. ಇಂಚಿನಕುಲೆನ್ ಬಹಿಷ್ಕಾರ ಮಲ್ಪೊಡು ಪಂದ್ ಪಂಡೆರ್.
Editorial