ಜಗತ್ತ್ ದ ಮಾಮಲ್ಲ ಇಮಾನಗ್ ಒಡಿಪು ಅಲೆವೂರುದ ಸಂದೀಪ್ ಪ್ರಭು ಪೈಲಟ್

ಒಡಿಪು: ವಿಶ್ವದ ಮಾಮಲ್ಲ ಇಮಾನ ಎ380 ನ್ ಯಶಸ್ವಿಯಾದ್ ಬೆಂಗ್ಲೂರ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಡ್ ಲ್ಯಾಂಡಿಂಗ್ ಮಲ್ತಿನ ಸಂದೀಪ್ ಪ್ರಭು ಒಡಿಪು ಜಿಲ್ಲೆದಾರ್. ಅಕ್ಟೋಬರ್ 14ಕ್ಕ್ ದುಬೈರ್ದ್ ಪಿದಾಡ್ದ್ ಬೆಂಗ್ಲೂರ್ ವಿಮಾನ ನಿಲ್ದಾಣಡ್ ಲ್ಯಾಂಡಿಂಗ್ ಮಲ್ತ್‌ದೆರ್. ಆತೆ ಅತ್ತಂದೆ ಪೈಲೆಟ್ ಅನೌನ್ಸ್‌ಮೆಂಟ್‌ಲ ಕನ್ನಡಡೇ ಮಲ್ತ್‌ದೆರ್.

ಅಲೆವೂರುದ ಆರತಿ ಪ್ರಭು ಬೊಕ್ಕ ಶಿವರಾಯ ಪ್ರಭು ದಂಪತಿಲೆನ 2ನೇ ಮಗೆ ಸಂದೀಪ್ ಕರಿನ 15 ವರ್ಷರ್ದ್ ಪೈಲೆಟ್ ಆದ್ ಬೇಲೆ ಮಲ್ತೊಂದಿತ್ತೆರ್. ಫಿಲಿಫೈನ್ಸ್ ದೇಶಡ್ ಪೈಲೆಟ್ ತರಬೇತಿನ್ ಪಡೆದ್, ಫ್ರಾನ್ಸ್‌ಡ್ ಎಡ್ಡೆ ರೀತಿದ ಕೋರ್ಸ್‌ನ್ ಮಲ್ತ್‌ದೆರ್. ಆಯಿಬೊಕ್ಕ ದುಬೈ ಎಮಿರೇಟ್ಸ್ ವಿಮಾನ ಸಂಸ್ಥೆಡ್ ಬೇಲೆಗ್ ಸೇರ್‍ದಿತ್ತೆರ್. ಈ ಪಿರವು ಬೊಂಬಾಯಿ ವಿಮಾನ ನಿಲ್ದಾಣಡ್ ಉಂದುವೇ ವಿಮಾನನ್ ಯಶಸ್ವಿಯಾದ್ ಲ್ಯಾಂಡಿಂಗ್ ಮಲ್ತ್‌ದಿತ್ತೆರ್.