ಭೂತ ಕೋಲ ಹಿಂದೂ ಸಂಸ್ಕೃತಿ ಅತ್ತ್ ಪಂಡೆರ್ ನಟೆ ಚೇತನ್ ಕುಮಾರ್

ಬೆಂಗ್ಲೂರ್: ರಿಷಬ್ ಶೆಟ್ಟಿ ನಿರ್ದೇಶನದ ಕಾಂತಾರ ಪಿಕ್ಚರ್ ಮಾತ ತಿಕ್ಕ್ ಡ್ಲ ಎಡ್ಡೆ ಪ್ರದರ್ಶನ ಕೊರೊಂದು ಉಂಡು.

ಅವ್ವತ್ತಂದೆ ಈ ಪಿಕ್ಚರ್ ಡ್ ಇಪ್ಪುನ ಭೂತ ಕೋಲ, ತುಳುನಾಡ ದೈವೊಲೆನ ಆರಾಧನೆ, ಪಿಚ್ಚರ್ ಗೆಂದಿಯೆರೆ ಕಾರಣ ಆತ್ಂಡ್. ಈ ಬಗೆಟ್ ಸುತ್ತಲ ಚರ್ಚೆ,ವಿಮರ್ಶೆಲು ನಡತೊಂದು ಉಂಡು. ಅಂಚನೆ ಭೂತಕೋಲ ಹಿಂದೂ ಸಂಸ್ಕೃತಿ ಪಂದ್ ನಿರ್ದೇಶಕೆರ್ ರಿಷಬ್ ಶೆಟ್ರ್ ನ ಪಾತೆರಗ್, ನಟೆ ಚೇತನ್ ಕುಮಾರ್ ಅರೆನ ಪಾತೆರ ಸುಳ್ಳು, ಭೂತಾರಾಧನೆ ನಮ್ಮ ಪಂಬದ, ನಲಿಕೆ, ಪರವರೆನ ಸಂಪ್ರದಾಯ ಅವು. ಮೂಲ ನಿವಾಸಿ ಸಂಸ್ಕೃತಿಲೆನ್ ಪರದೆ ಮಿತ್ತ್ ಬೊಕ್ಕ ಪಿದಯಿ ಸತ್ಯದೊಟ್ಟಿಗೆ ಪ್ರದರ್ಶನ ಮಲ್ಪೊಡು ಪಂದ್ ಟ್ವೀಟ್ ಡ್ ಪನ್ತೆರ್. ಈ ಪಾತೆರ ಇತ್ತೆ ಭಾರಿ ವಿವಾದೊಗು ಕಾರಣ ಆತ್ಂಡ್