ಕುಡ್ಲ : ರಾಜ್ಯದ ಕೆಲವು ಕಡೆಟ್ಟ್ ಪೆತ್ತಲೆಗ್ ಪರಡೊಂದು ಇಪ್ಪುನ ಚರ್ಮ ಗಂಟ್ ಸೀಕ್ ನ್ ನಿಯಂತ್ರಣ ಮಾಲ್ಪೆರೆ ಲಸಿಕೆ ಅಭಿಯಾನದ ಭಾಗವಾದ್ ತುಳುನಾಡ್ ಜಿಲ್ಲೆಗ್ 20,000 ಲಸಿಕೆ ಹಂಚಿಕೆ ಆತ್ಂಡ್.
ಬೆಂಗ್ಲೂರ್ ರ್ದ್ ಸೋಮಾರ ಸರಬರಾಜು ಆದ್, ಅಂಗಾರೆರ್ದ್ ಬೊಕ್ಕ ಭಾರತ ಸರ್ಕಾರದ ಮಾರ್ಗಸೂಚನೆ ದಂಚನೆ ಈ ಸೀಕ್ ತೋಜಿದ್ ಬತ್ತಿನ 5 ಕಿ.ಮೀ. ಸುತ್ತಳತೆಡ್ ಆರೋಗ್ಯಡ್ ಇಪ್ಪುನ ಪೆತ್ತಲೆಗ್ ಲಸಿಕೆ ಕೊರ್ಯೆರೆ ಉಂಡು. ಇಂಚಾದ್ ಸುರುಕು ಈ ಸೀಕ್ ತೊಜಿದ್ ಬತ್ತಿನ ಬಂಟ್ವಾಳ ತಾಲೂಕ್ ದ ಬಿಳಿಯೂರ್ ಸುತ್ತದ ಸುಮಾರ್ 5 ಕಿ.ಮೀ. ವ್ಯಾಪ್ತಿಡ್ ಬೊಕ್ಕ ಕೆಲವೊಂಜಿ ಗೋ ಶಾಲೆಲೆಡ್ ಸುರುತ ಹಂತಡ್ ಲಸಿಕೆ ಹಂಚಿಕೆ ನಡಪರೆ ಉಂಡು. ಕ್ಯಾಪ್ರಿಪಾಕ್ಸ್’ ಪನ್ಪುನ ವೈರಾಣುರ್ದ್ ಪಸೆರುನ ಈ ಸೀಕ್, ಆಫ್ರಿಕಾ ದೇಶಡ್ 1929ಟ್ ಸುರುಕು ತೋಜಿದ್ ಬೈದ್ಂಡ್. ಭಾರತಡ್ 2019ಟ್, ಒಡಿಶಾಡ್ ಸುರುತ ಬಾರಿ ಪತ್ತೆ ಆತ್ಂಡ್.ಈ ಸೀಕ್ ಇಪ್ಪುನ ಪೆತ್ತದ ಪೇರ್ ನ್ ಪರ್ಪುನೆರ್ದ್ ರೋಗ ಬರ್ಪುಜಿ.
pallavi shetty