ಗುರ್ತದಾoತಿ ಪೊಂಜೊವುನು ಆಶ್ರಮಗ್ ಸೇರಾಯಿನ ಸೇವಾ ಭಾರತಿ ಕೂಟ

ಕಡಬ, ಜೂ.07.: ಪೇಂಟೆದ ಮರ್ದಾಳ, ಕೋಡಿಂಬಾಳ ಬೊಕ್ಕ ಕಡಬ ಪೇಂಟೆಡ್ ಕರಿನ ಮೂಜಿ ದಿನರ್ದ್ ಅಲೆಯೊಂದು ಇತ್ತಿನ ಗುರ್ತದಾoತಿ ಪೊಂಜೊವುನು ಸೇವಾಭಾರತಿಯ ವತಿರ್ದ್ ಆಶ್ರಮಗ್ ಲೆತೊಂದು ಪೋಯೆರ್.

ಸುಮಾರ್ 35 ರ್ದ್ 40 ವರ್ಷ ಪ್ರಾಯದ ಹಿಂದಿ ಭಾಷೆ ಪಾತೆರುನ ಪೊಂಜೊವುನು ಕಡಬ ಸಮುದಾಯ ಆರೋಗ್ಯ ಕೇಂದ್ರಡ್ ಕೊರೋನಾ ಪರೀಕ್ಷೆ ಮಲ್ಪದ್ ಸೇವಾಭಾರತಿದ ಅಂಬ್ಯುಲೆನ್ಸ್ ಡ್ ಕೇರಳದ ದೈಗೋಳಿ ಪನ್ಪಿನ ಜಾಗೆಡ್ ಉಪ್ಪುನ ಸಾಯಿ ನಿಕೇತನ ಆಶ್ರಮಗ್ ಲೆತೊಂದು ಪೋತೆರ್. ಈ ಪೊರ್ತುಡು ಕಡಬ ಪೊಲೀಸ್ ಠಾಣೆದ ಉಪನಿರೀಕ್ಷಕ ರುಕ್ಮನಾಯ್ಕ್ ಬೊಕ್ಕ ಸಿಬ್ಬಂದಿಲು ಸೇವಾಭಾರತಿದ ಸದಸ್ಯೆರಾಯಿನ ಜಿನಿತ್ ಮರ್ದಾಳ, ರಘುರಾಮ ಕೋಡಿಂಬಾಳ ಬೊಕ್ಕ ಮಹೇಶ್ ಬಲ್ಯ ಪಾಲ್ ಪಡೆದಿತ್ತೆರ್ .