June 15, 2021

ಪೆರ್ನೆಡ್ ಕೋವಿಡ್ ಕಿಟ್ ಪಟ್ಟುನ ಲೇಸ್

ಉಪ್ಪಿನಂಗಡಿ, ಜೂನ್ 15:: ಪೆರ್ನೆ ವ್ಯವಸಾಯ ಸಹಕಾರಿ ಸಂಘದ ವತಿರ್ದ್ ಪೆರ್ನೆ ಬೊಕ್ಕ ಬಿಳಿಯೂರು ಗ್ರಾಮ ವ್ಯಾಪ್ತಿಡ್ ಉಪ್ಪುನ ಕೊರೋನ ಸೋಂಕಿತ ಇಲ್ಲದಕ್ಲೆಗ್ ಬೊಕ್ಕ ಆಶಾ ಕಾರ್ಯಂತೆರೆಗ್ ಆಹಾರ ಸಾಮಾಗ್ರಿ ಕಿಟ್ ಕೊರಿಯೆರ್ .

ಸಹಕಾರಿ ಸಂಘದ ಗುರ್ಕಾರ್ಲಾಯಿನ ತೋಯಜಾಕ್ಷ ಶೆಟ್ಟಿ ಕಿಟ್ ಕೊರ್ದು ಪಾತೆರಿಯೆರ್.

ಸಿಇಟಿ, ನಾಟಾ ಆಕಾಂಕ್ಷಿಲೆಗ್ ಬಿಐಟಿ ರ್ದ್ ಉಚಿತ ಆನ್ಲೈನ್ ತರಬೇತಿ

ಕುಡ್ಲ, ಜೂನ್ 15: ಸಿಇಟಿ ಬೊಕ್ಕ ನಾಟಾ 2021ಗ್ ತಯಾರಿ ಮಲ್ತೊಂದು ಉಪ್ಪುನ ಆಕಾಂಕ್ಷಿಲು ಕುಡ್ಲದ ಬ್ಯಾರೀಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಕೊರ್ಪಿನ ಉಚಿತ ಆನ್‌ಲೈನ್ ತರಬೇತಿದ ಸಾಕರರ್ದ್ ಪರೀಕ್ಷೆಗ್ ತಯಾರಿ ಮಲ್ಪೊಲಿ ಪಂದ್ ಪ್ರಕಟನೆ ತೆರಿಪಾದುಂಡು .

2021ರ ಜೂನ್ 20ರ್ದ್ ಆನ್‌ಲೈನ್ ಕೋಚಿಂಗ್ ಸುರು ಆಯೆರೆ ಉಂಡು . ವಿಷಯದ ತಜ್ನೆರ್ ಪ್ರತಿದಿನ ರಡ್ಡ್ ಗಂಟೆದ ಕಾಲ ತರಗತಿ ಕೊರ್ರೆ ಉಲ್ಲೆರ್ .

ಸಿಇಟಿ / ನಾಟಾ ಪ್ರಾಕ್ಟೀಸ್ ಬೊಕ್ಕ ಅಣಕು ಪರೀಕ್ಷೆ, ಒವ್ವೆ ಎಂಜಿನಿಯರಿಂಗ್ ಪ್ರವೇಶ ಪರೀಕ್ಷೆನ್ ಸುಲಭವಾದ್ ಪರಿಹರಿಸಾಯೆರೆ ಅನನ್ಯವಾದ್ ವಿನ್ಯಾಸ ಮಲ್ದೆರ್ ಪಂದ್ ಪ್ರಕಟನೆ ತೆರಿಪಾದುಂಡು..

ಎಚ್ಚದ ವಿವರಗಾದ್ ಮೊ: 9900066888/7259661177 ಅತ್ತುಂಡ admissions@bitmangalore.edu.in ಗ್ ಲೆಪ್ಪು ಕೊರೋಲಿ .

Dailyhunt

ಕೊರೋನ ಗೆಂದಿನ ಒಡಿಪುದ ಕೃಷ್ಣನುಗ್ರಹದ ಜೋಕುಲು

ಒಡಿಪು, ಜೂನ್ 15: ಅನಾಥ ಜೋಕ್ಲೆನ ಆಶಾಕಿರಣ ಆಯಿನ ಸಂತೆಕಟ್ಟೆಡುಪ್ಪುನ ಕೃಷ್ಣಾನುಗೃಹ ಪುನರ್ ವಸತಿ ಬೊಕ್ಕ ದತ್ತು ಸ್ವೀಕಾರ ಕೇಂದ್ರದ ಜೋಕುಲು ಕೊರೊನಾ ಗೆಂದ್ ದೆರ್ .

ಮೇ 26 ತಾರೀಖ್ ಗ್ ಅನಾಥಾಶ್ರಮದ ಕೆಲವು ಜೋಕ್ಲೆಗ್ ಸೋಂಕು ಬತ್ತಿತ್ತುಂಡು . ಅಪಗನೆ ಸೋಂಕಿತ ಜೋಕ್ಲೆಗ್ 14 ದಿನತ ಮರ್ದ್ ಕೊರ್ದು ನೆಗೆಟಿವ್ ಕೋವಿಡ್‌ ವರದಿ ಬತ್ತಿನ ಜೋಕ್ಲೆನ್ ನರ್ಸಿಂಗ್ ಕಾಲೇಜು ಕಟ್ಟಡಗ್ ಸ್ಥಳಾಂತರ ಮಲ್ತ್ ಐಸೊಲೇಷನ್ ವ್ಯವಸ್ಥೆ ಮಲ್ತೆರ್ . ಇತ್ತೇ ಮಾತಾ ಜೋಕುಲು ಕುಡ ಅನಾಥಾಶ್ರಮಗ್ ಬೈದೆರ್ ಪಂದ್ ಸಿಬ್ಬಂದಿ ತೆರಿಪಾದೆರ್ .

ಆಶಾ ಕಾರ್ಯೆಂತೆರ್ನ ಶ್ರಮರ್ದ್ ಜನಕ್ಲೆಗ್ ಆತ್ಮಸ್ಥೈರ್ಯ: ನಳಿನ್ ಕುಮಾರ್ ಕಟೀಲ್

ಪುತ್ತೂರು, ಜೂನ್ 16: ‘ಸಮಾಜನೆ ತನ್ನ ಕುಟುಂಬ ಪನ್ಪಿನ ನೆಲೆಟ್ಟ್ ಸೇವಾ ಕಾರ್ಯ ಮಲ್ತೊಂದು ಉಪ್ಪುನ ಆಶಾ ಕಾರ್ಯೆಂತೆರ್ನ ಸೇವಾ ಮನೋಭಾವನೆ ಶ್ಲಾಘನಾರ್ಹ ಆತುಂಡು . ಸಮಾಜದ ಕಟ್ಟಕಡೆತ ಜನಕ್ಲೆನ್ ಮುಟ್ಟುದು ಅಕ್ಲೆಗ್ ವಿಶ್ವಾಸ ಮೂಡಿಸಾವುನ ಆಶಾ ಕಾರ್ಯೆಂತೆರ್ನ ಶ್ರಮರ್ದ್ ಜನಕ್ಲೆಗ್ ಆತ್ಮಸ್ಥೈರ್ಯ ಜಾಸ್ತಿ ಆತುಂಡು ಪಂದ್ ‘ ಸಂಸದ ನಳಿನ್‌ಕುಮಾರ್ ಕಟೀಲ್ ಪಂಡೆರ್ .

ಮುಲ್ಪದ ತೆಂಕಿಲ ಸ್ವಾಮಿ ಕಲಾ ಮಂದಿರಡ್ ಬಿಜೆಪಿ ಯುವ ಮೋರ್ಚಾ ಜಿಲ್ಲಾ ಘಟಕದ ಉಪಾಧ್ಯಕ್ಷ ಸಹಜ್ ರೈ ಬಳಜ್ಜ ಮೆರ್ನ ಮುತಾಲಿಕೆಡ್ ‘ವಿಜಯ ಸಾಮ್ರಾಟ್’ ಕೂಟದ ವತಿರ್ದ್ ಅವಿಭಜಿತ ತಾಲ್ಲೂಕುದ ಸುಮಾರ್ 250ರ್ದ್ ಲಾ ಅಧಿಕ ಜಾಸ್ತಿ ಕಾರ್ಯೆಂತೆರೆಗ್ ಆಹಾರ ಸಾಮಗ್ರಿ ದ ಕಿಟ್ ಕೊರ್ದು ಪಾತೆರಿಯೆರ್ .

ಬಿಜೆಪಿ ಜಿಲ್ಲಾ ಘಟಕದ ಗುರ್ಕಾರ್ಲಾಯಿನ ಸುದರ್ಶನ್ ಮೂಡುಬಿದಿರೆ, ಬಿಜೆಪಿ ಗ್ರಾಮಾಂತರ ಮಂಡಲದ ಗುರ್ಕಾರ್ಲಾಯಿನ ಸಾಜ ರಾಧಾಕೃಷ್ಣ ಆಳ್ವ, ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ದೀಪಕ್ ರೈ ಪಾತೆರಿಯೆರ್ . ಬಿಜೆಪಿ ಮುಖಂಡೆರಾಯಿನ ಚಂದ್ರಶೇಖರ ರಾವ್ ಬಪ್ಪಳಿಗೆ, ಅರುಣ್ ಕುಮಾರ್ ವಿಟ್ಲ, ದಯಾನಂದ, ಉದಯ ಕುಮಾರ್, ಮಾಧವ ಭಾವೆ, ನವೀನ್ ಪಡ್ನೂರು, ವಿಜಯ ಸಾಮ್ರಾಟ್ ಸಂಘಟನೆದ ಅಜಿತ್ ಹೊಸಮನೆ ಪಾಲ್ ಪಡೆದಿತ್ತೆರ್.

ಮೆಕಾನಿಕ್ಸ್ ಸ್ಮಾರ್ಟ್ ಕಾರ್ಡ್ ಪಟ್ಟುನ ಲೇಸ್

ಕುಡ್ಲ , ಜೂ.15: ದ.ಕ. ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ವತಿರ್ದ್ ‘ಮೆಕ್ಯಾನಿಕ್ಸ್ ಸ್ಮಾರ್ಟ್ ಕಾರ್ಡ್’ ಪಟ್ಟುನ ಲೇಸ್ ಐತಾರ ಸಂಘದ ಸಭಾಂಗಣಡ್ ನಡತುಂಡು.

ಮೇಯರ್ ಪ್ರೇಮಾನಂದ ಶೆಟ್ಟಿ ಸಭಾ ಕಾರ್ಯಕ್ರಮ ಉದಿಪನ ಮಲ್ತ್ ಪಾತೆರಿಯೆರ್. ಕಾರ್ಮಿಕ ಇಲಾಖೆದ ಅಧಿಕಾರಿ ವಿಲ್ಮಾ ಎಲಿಜಬೆತ್ ತೌರೊ ಸ್ಮಾರ್ಟ್ ಕಾರ್ಡ್ ವಿತರಿಸಾದ್ ಸರಕಾರದ ಸವಲತ್ತುಲೆನ್ ಕಾರ್ಮಿಕೆರ್ ದೆತೊನೊಡು ಪಂದ್ ಪಂಡೆರ್ .

ಸಂಘದ ಗುರ್ಕಾರ್ಲಾಯಿನ ದಿನೇಶ್ ಕುಮಾರ್, ಸುಧಾಕರ್ ರಾವ್, ರುಕ್ಮಯ್ಯ ಗೌಡ, ದಿವಾಕರ್, ಕೋಶಾಧಿಕಾರಿ ರಾಜಗೋಪಾಲ್, ಕಾರ್ಪೊರೇಟರ್ ಶೈಲೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ .

ಜನಾರ್ದನ್ ಎ. ಪ್ರಾಸ್ತಾವಿಕ ಪಾತೆರ ಪಂಡೆರ್ . ಪುಂಡಲೀಕ ಸುವರ್ಣ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಕಮಿಲ ಸೊಲ್ಮೆ ಸಂದೈತ ಮಲ್ತೆರ್ .

ಸಂಚಾರಿ ವಿಜಯ್ ನ ಮರಣಗ್ ಕಣ್ಣ ನೀರ ಪನಿತರ್ಪಣ ಮಲ್ತಿನ ಯಡಿಯೂರಪ್ಪ

ಬೆಂಗ್ಳೂರು, ಜೂನ್ 15:: ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಟ ಸಂಚಾರಿ ವಿಜಯ್‌ ಮೆರ್ನ ಮರಣಗ್ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಸಂತಾಪ ಸೂಚಿಸಾದೆರ್ .

ಸೋಮವಾರ ಸುದ್ದಿಗೋಷ್ಠಿ ನಡಪಾಯಿನ್ ಆರ್, ‘ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಟ ಸಂಚಾರಿ ವಿಜಯ್‌ ಮೆರ್ನ ಆತ್ಮಗ್ ಶಾಂತಿ ತಿಕ್ಕಡ್ ‘ ಪಂದ್ ಪಂಡೆರ್ .

ಕರ್ನಾಟಕ ಕೇಂದ್ರೀಯ ವಿವಿ ದ ಮಾಜಿ ಕುಲಪತಿ ಪ್ರೊ.ಎಚ್.ಎಂ. ಮಹೇಶ್ವರಯ್ಯ ನಿಧನ

ಕಲಬುರಗಿ, ಜೂ.15: ರಾಜ್ಯದ ಏಕೈಕ ಕಲಬುರಗಿ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದ (ಸಿಯುಕೆ) ದುಂಬುದ ಕುಲಪತಿ ಪ್ರೊ.ಎಚ್.ಎಂ. ಮಹೇಶ್ವರಯ್ಯ(70) ಐತಾರ ಧಾರವಾಡಡ್ ತೀರ್ಪೋಯೆರ್ .

ಕರ್ನಾಟಕದ ಕೇಂದ್ರೀಯ ವಿವಿದ ಸುರುತ್ತ ಪೂರ್ಣಾವಧಿ ಕುಲಪತಿ ಪಂದ್ ಪುದರ್ ಪಡೆಯಿನ ಪ್ರೊ.ಮಹೇಶ್ವರಯ್ಯ ಮೇರ್ 2015 ನೇ ಎಪ್ರಿಲ್ 20ರ್ದ್ 2020 ದ ನವೆಂಬರ್ 13 ಮುಟ ಐನ್ ವರ್ಷ ಆಜಿ ತಿಂಗೊಲ್ ಕುಲಪತಿಯಾದ್ ಬೇಲೆ ಮಲ್ದೆರ್.

ಜೈನ್ ಮಿಲನ್ ಆಸ್ಪತ್ರೆ ಲೋಕಾರ್ಪಣೆ

ಚಿಕ್ಕಬಳ್ಳಾಪುರ ಜೂನ್ 15: ಜಿಲ್ಲೆದ ಬಡ, ಮಧ್ಯಮವರ್ಗದಕ್ಲೆಗ್ ಉತ್ತಮ ಆರೋಗ್ಯ ಸೇವೆ ಕೊರಿಯೆರೆ ಪೇಂಟೆಡ್ ಸುಸಜ್ಜಿತಜೈನ್‌ ಮಿಷನ್‌ ಆಸ್ಪತ್ರೆ ಸೋಮವಾರ ಉದಿಪನ ಆಂಡ್ .

ಆಸ್ಪತ್ರೆಡ್ ನಡೆತಿನ ಸುದ್ದಿಗೋಷ್ಠಿಡ್ ಪಾತೆರ್ದ್ , 30 ವರ್ಷರ್ದ್ ಜಿಲ್ಲೆದ ಜನತೆಗ್ ಆರೋಗ್ಯ ಸೇವೆಡ್ ಉತ್ತಮ ಕೊಡುಗೆ ಕೊರ್ಪಿನ ನೆಲೆಟ್ಟ್ ಈ ಆಸ್ಪತ್ರೆ ಸುರು ಮಲ್ದೆರ್.

ಜೈನ್‌ ಮಿಷನ್‌ ಆಸ್ಪತ್ರೆ ಕಾರ್ಯದರ್ಶಿ ಉತ್ತಮ್‌ಚಂದ್‌ ಜೈನ್‌, ಡಾ.ಮಹೇಶ್‌ ಬಿಜ್ಜವಾರ, ಮಾನಸಸಮೂಹ ಸಂಸ್ಥೆ ಗುರ್ಕಾರ್ಲಾಯಿನ ಡಾ.ಶಶಿಧರ್‌, ಟ್ರಸ್ಟ್‌ಉಪಾಧ್ಯಕ್ಷ ಜಿತೇಂದ್ರ, ಖಜಾಂಚಿ ರಮೇಶ್‌ಜೈನ್‌, ಟ್ರಸ್ಟಿಲಾಯಿನ ಸುರೇಶ್‌ಜೈನ್‌, ಪ್ರಕಾಶ್‌ಚೋಪಾ, ಡಾ.ಮಹೇಶ್‌ ಬಿಜ್ಜವಾರ,ಡಾ.ವಿಕ್ರಂರಾವ್‌, ಡಾ.ಕೀರ್ತಿ, ಆಡಳಿತಾಧಿಕಾರಿ ಅಜೇಯ್‌ ಮಿಶ್ರಾ, ಟ್ರಸ್ಟಿ ಬೊಕ್ಕ ಸಹಾಯಕವ್ಯವಸ್ಥಾಪಕ ರಾಕೇಶ್‌ ಜೈನ್‌, ಗಜೇಂದ್ರ ಜೈನ್‌ ಪಾಲ್ ಪಡೆದಿತ್ತೆರ್ .