ಆಶ್ರಮ

ಭಗಿನಿ ಸಮಾಜ ಆಶ್ರಮಡ್ ವನಮಹೋತ್ಸವ

Jul 7, 2021

ಕುಡ್ಲ, ಜುಲೈ 7: : ಎಸ್.ಸಿ.ಎಸ್. ಸಮೂಹ ಸಂಸ್ಥೆದ ಪರವಾದ್ ಕರ್ನಾಟಕ ಆಯುರ್ವೇದ ಮೆಡಿಕಲ್ ಕಾಲೇಜ್ ದ ದ್ರವ್ಯಗುಣ ವಿಭಾಗ ಬೊಕ್ಕ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ನೇತೃತ್ವಡ್ ಜೆಪ್ಪುಡು ಉಪ್ಪುನ ಭಗಿನಿ ಸಮಾಜ ಆಶ್ರಮಡ್ ವನ ಮಹೋತ್ಸವ ಅಟ್ಟನೆ ಮಲ್ತೆರ್ .

ಆಶ್ರಮದ ಗುರ್ಕಾರ್ಲಾಯಿನ ವಿಜಯಲಕ್ಷ್ಮಿ ಭಟ್ ಎದುಕೊಂಡೆರ್ . ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ರವಿ ರಾವ್. ಎಸ್ ಮೇರ್ , ಪ್ರಕೃತಿ ವಿಕೋಪ ಬೊಕ್ಕ ವಾಯು ಮಾಲಿನ್ಯ ತಡೆಗಟ್ಟುನಲ್ಪ ಗಿಡಮರತ ಪಾತ್ರ, ಬೊಕ್ಕ ವನಮಹೋತ್ಸವದ ಆಚರಣೆದ ಉದ್ದೇಶನ್ ಆಶ್ರಮದ ನಿವಾಸಿಲೆಗ್ ಪಂಡೆರ್ .

ಉಜಿರೆ ಆಶ್ರಮಗ್ ಪಿರ ಪೋಯಿನ ಪ್ರಾಯದಕುಲು

Jun 21, 2021

ಉಜಿರೆ, ಜೂನ್ 21: ಅನ್ನದಾನ, ವಿದ್ಯಾದಾನ, ಔಷಧ ದಾನಡ್ ಪುದರ್ ಮಲ್ದಿನ ಧರ್ಮಸ್ಥಳ ಕ್ಷೇತ್ರ ಕೋವಿಡ್ ಸಂಕಷ್ಟಡ್ಲಾ ಜನಕ್ಲೆಗ್ ಸಾಕಾರ ಕೊರ್ತುಂಡು.

ಆರೋಗ್ಯ ಇಲಾಖೆದ ಒಟ್ಟು ಸೇರಿಗೆಡ್ ಧರ್ಮಸ್ಥಳದ ರಜತಾದ್ರಿ ವಸತಿ ಗೃಹಟ್ ಸುರು ಆಯಿನ ಕೋವಿಡ್ ಆರೈಕೆ ಕೇಂದ್ರ ಸೋಂಕಿತೆರ್ನ ಪೋಡಿಗೆ ದೂರ ಮಲ್ತ್ , ಧೈರ್ಯ ಬೊಕ್ಕ ಆತ್ಮವಿಶ್ವಾಸನ್ ಮೂಡಾದೆರ್ .300 ಕೊಠಡಿಲು , 600 ಹಾಸಿಗೆ ಉಪ್ಪುನ ವಸತಿಗೃಹನ್ ಕೋವಿಡ್ ಆರೈಕೆ ಕೇಂದ್ರಗ್ ದರ್ಮೊಗೂ ಕೊರ್ತೆರ್ . ನೆರಿಯಾ ಗ್ರಾಮದ ಗಂಡಿಬಾಗಿಲು ಸಿಯೋನ್ ಆಶ್ರಮಡ್ ಕೋವಿಡ್ ಆಯಿನ 120 ಆಂಜೊವುಲು ಬೊಕ್ಕ 86 ಪೊಂಜೊವುಲು ಸೇರಿನoಚ ಒಟ್ಟು 206 ಜನ ಈ ಕೇಂದ್ರಡ್ ಶುಶ್ರೂಷೆ ಪಡೆದ್ ಹುಷಾರ್ ಆದ್ ಕುಡ ಇನಿ ಆಶ್ರಮಗ್ ಪೋಯೆರೆ ಉಲ್ಲೆರ್.

ಗುರ್ತದಾoತಿ ಪೊಂಜೊವುನು ಆಶ್ರಮಗ್ ಸೇರಾಯಿನ ಸೇವಾ ಭಾರತಿ ಕೂಟ

Jun 7, 2021

ಕಡಬ, ಜೂ.07.: ಪೇಂಟೆದ ಮರ್ದಾಳ, ಕೋಡಿಂಬಾಳ ಬೊಕ್ಕ ಕಡಬ ಪೇಂಟೆಡ್ ಕರಿನ ಮೂಜಿ ದಿನರ್ದ್ ಅಲೆಯೊಂದು ಇತ್ತಿನ ಗುರ್ತದಾoತಿ ಪೊಂಜೊವುನು ಸೇವಾಭಾರತಿಯ ವತಿರ್ದ್ ಆಶ್ರಮಗ್ ಲೆತೊಂದು ಪೋಯೆರ್.

ಸುಮಾರ್ 35 ರ್ದ್ 40 ವರ್ಷ ಪ್ರಾಯದ ಹಿಂದಿ ಭಾಷೆ ಪಾತೆರುನ ಪೊಂಜೊವುನು ಕಡಬ ಸಮುದಾಯ ಆರೋಗ್ಯ ಕೇಂದ್ರಡ್ ಕೊರೋನಾ ಪರೀಕ್ಷೆ ಮಲ್ಪದ್ ಸೇವಾಭಾರತಿದ ಅಂಬ್ಯುಲೆನ್ಸ್ ಡ್ ಕೇರಳದ ದೈಗೋಳಿ ಪನ್ಪಿನ ಜಾಗೆಡ್ ಉಪ್ಪುನ ಸಾಯಿ ನಿಕೇತನ ಆಶ್ರಮಗ್ ಲೆತೊಂದು ಪೋತೆರ್. ಈ ಪೊರ್ತುಡು ಕಡಬ ಪೊಲೀಸ್ ಠಾಣೆದ ಉಪನಿರೀಕ್ಷಕ ರುಕ್ಮನಾಯ್ಕ್ ಬೊಕ್ಕ ಸಿಬ್ಬಂದಿಲು ಸೇವಾಭಾರತಿದ ಸದಸ್ಯೆರಾಯಿನ ಜಿನಿತ್ ಮರ್ದಾಳ, ರಘುರಾಮ ಕೋಡಿಂಬಾಳ ಬೊಕ್ಕ ಮಹೇಶ್ ಬಲ್ಯ ಪಾಲ್ ಪಡೆದಿತ್ತೆರ್ .

ಸಿಯೋನ್ ಆಶ್ರಮಡ್ 40 ಜನಕ್ ಕುಡ ಪಾಸಿಟಿವ್

Jun 5, 2021

ಉಜಿರೆ: ಬೆಳ್ತಂಗಡಿದ ನೆರಿಯಾ ಗ್ರಾಮದ ಗಂಡಿಬಾಗಿಲು ಸಿಯೋನ್ ಆಶ್ರಮಡ್ ಇತ್ತೇ 195 ಜನಕ್ ಕೋವಿಡ್‌ ದೃಢ ಆದಿತ್ತುಂಡು , ಶುಕ್ರವಾರ ಕುಡ 40 ಜನಕ್ ಸೋಂಕು ಬೈದುಂಡು .

ಪ್ರಾಯದಕುಲು , ಮಾನಸಿಕ ಅಸ್ವಸ್ತೆರ್,ನಿರ್ಗತಿಕೆರ್ ಉಪ್ಪುನ ಈ ಆಶ್ರಮಡ್ 270 ಜನ ವಾಸ್ತವ್ಯ ಉಲ್ಲೆರ್ , ಈ ಪೈಕಿ 195 ಜನಕ್ ನಾಲ್ ದಿನತ ಪಿರವು ಸೋಂಕು ತೊಜಿದ್ ಬೈದುಂಡು . ಶಾಸಕ ಹರೀಶ್ ಪೂಂಜ ಮೆರ್ನ ಸಲಹೆದಲಕ 135 ಸೋಂಕಿತೆರೆನ್ ಇತ್ತೇ ಧರ್ಮಸ್ಥಳಡ್ ಉಪ್ಪುನ ಕೋವಿಡ್‌ ಆರೈಕೆ ಕೇಂದ್ರಗ್ ಸ್ಥಳಾಂತರ ಮಲ್ದೆರ್ . ನಾಲ್ ಜನನ್ ಕುಡ್ಲದ ವೆನ್ಲಾಕ್ ಆಸ್ಪತ್ರೆಗ್ ಬೊಕ್ಕ ಮೂಜಿ ಜನನ್ ಬೆಳ್ತಂಗಡಿದ ತಾಲ್ಲೂಕು ಆಸ್ಪತ್ರೆಗ್ ಸೇರ್ಸಾದೆರ್ .