June 28, 2021

ಕೆಪಿಸಿಸಿ ಒಡಿಪು ವತಿರ್ದ್ ಆರೋಗ್ಯ ಕಿಟ್ ವಿತರಣೆ

Jun 28, 2021

ಪಡುಬಿದ್ರೆ, ಜೂನ್ 28: ಪ್ರಾಥಮಿಕ ಆರೋಗ್ಯ ಕೇಂದ್ರಗ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಕೋರ್ಡಿನೇಟರ್ ಅಬ್ದುಲ್ ಅಝೀಝ್ ಹೆಜಮಾಡಿ ನೇತೃತ್ವಡ್ ಆರೋಗ್ಯ ಕಿಟ್‍ ಪಟ್ಟಿಯೆರ್ .

ಪಡುಬಿದ್ರೆ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ರಾಜಶ್ರೀ ಕಿಣಿ ಮೆರೆಗ್ ಆರೋಗ್ಯ ಕಿಟ್‍ ಕೊರಿಯೆರ್ . ಕೆಪಿಸಿಸಿ ಕೋರ್ಡಿನೇಟರ್ ನವೀನ್‍ ಚಂದ್ರ ಜೆ. ಶೆಟ್ಟಿ, ಹೆಜಮಾಡಿ ಸ್ಥಾನೀಯ ಸಮಿತಿದ ಗುರ್ಕಾರ್ಲಾಯಿನ ಸುಧೀರ್ ಕರ್ಕೇರ, ಕೇಶವ ಹೆಜಮಾಡಿ, ನಿಯಾಝ್, ಶರೀಫ್ ಕನ್ನಂಗಾರ್, ಸುಧಾಕರ ಕನ್ನಂಗಾರ್ ಪಾಲ್ ಪಡೆದಿತ್ತೆರ್.

ಒಡಿಪುಡು ಕೋಡೆ 96 ಪಾಸಿಟಿವ್ ಪ್ರಕರಣ

Jun 28, 2021

ಒಡಿಪು, ಜೂನ್ 28: ಪೇಂಟೆಡ್ ಐತಾರ 96ಕೊರೊನಾ ಪಾಸಿಟಿವ್‌ ಪ್ರಕರಣ ದಾಖಲಾತುಂಡು. ಹುಷಾರ್ ದಾಂತೆ ಇತ್ತಿನ ಒರಿ ತೀರ್ ಪೋತೆರ್, ಕೋವಿಡ್‌ ಸಕ್ರಿಯ ಪ್ರಕರಣ 1,010ಕ್ಕ್ ಕಮ್ಮಿ ಆತುಂಡು .

ತೀರ್ ಪೋಯಿನಕ್ಲೆನ ಸಂಖ್ಯೆ 390ಕ್ಕ್ ಜಾಸ್ತಿ ಆತುಂಡು . ಒಡಿಪುಡು 43, ಕುಂದಾಪುರಡ್ 37, ಕಾರ್ಕಳಡ್ 16 ಜನಕ್ ಸೋಂಕು ಧೃಡ ಆತುಂಡು .

200 ಮೀ ಫ್ರೀ ಸ್ಟೈಲ್ : ದಾಖಲೆ ಮಲ್ತಿನ ಸಾಜನ್

Jun 28, 2021

ನವದೆಹಲಿ, ಜೂನ್ 28: ಒಲಿಂಪಿಕ್ಸ್‌ಗ್ ‘ಎ’ ದರ್ಜೆದ ಅರ್ಹತೆ ದೆತೊನ್ದಿನ ಭಾರತದ ಸಾಜನ್ ಪ್ರಕಾಶ್ ಮೇರ್ ರೋಮ್‌ ಡ್ ನಡತೊಂದು ಉಪ್ಪುನ ಸೆಟ್ಟೆ ಕೊಲ್ಲಿ ಟ್ರೋಫಿ ಈಜು ಟೂರ್ನಿಡ್ ಐತಾರ ಕುಡೊಂಜಿ ದಾಖಲೆ ಬರೆತೆರ್ .

200 ಮೀಟರ್‌ ಫ್ರೀಸ್ಟೈಲ್ ವಿಭಾಗದ ಪಂತೋದ ಹೀಟ್ಸ್‌ಡ್ 1 ನಿಮಿಷ 49.73 ಸೆಕೆಂಡುಡ್ ಗುರಿ ಮುಟ್ಟುದು ರಾಷ್ಟ್ರೀಯ ದಾಖಲೆ ನಿರ್ಮಾಣ ಮಲ್ತೆರ್ . ನೆತ್ತ ಒಟ್ಟುಗು 2010 ತ್ತ ಏಷ್ಯನ್ ಗೇಮ್ಸ್ ಕಂಚ್ ದ ಪದಕ ಗೆಂದಿನ ವೀರ್‌ಧವಳ್‌ ಖಾಡೆ ಬರೆಯಿನ ದಾಖಲೆನ್ (1 ನಿ. 49.86 ಸೆ.) ಮೀರ್ದೆರ್ .

ಶನಿವಾರ ಮೇರ್ 200 ಮೀ. ಬಟರ್‌ಫ್ಲೈ ವಿಭಾಗಡ್ ಒಲಿಂಪಿಕ್ಸ್‌ ಅರ್ಹತಾ ಅವಧಿನ್ ಮೀರುನ ಮುಖೇನ ‘ಎ’ ದರ್ಜೆ ಅರ್ಹತೆ ಪಡೆಯಿನ ಭಾರತದ ಸುರುತ ಈಜುಪಟು ಪನ್ಪಿ ಪುಗಾರ್ತೆ ಪಡೆಯೆರ್.

ಜೈ ತುಳುನಾಡ್ ಸಂಘಟನೆದ ವತಿರ್ದ್ ತುಳು ಭಾಷೆನ್ ಅಧಿಕೃತ ಮಲ್ಪೊಡು ಪಂದ್ ಕೇರಳ ಸರ್ಕಾರಗ್ ಬಿನ್ನಾಪು

Jun 28, 2021

ಕಾಸ್ರೊಡು, ಜೂನ್ 28: ತುಳುನಾಡ್ ದ ಆಚಾರ ಇಚಾರ ಲಿಪಿ ಸಂಸ್ಕ್ರತಿ ಬೊಕ್ಕ ಭಾಷೆನ್ ಒರಿಪಾದ್ ಬುಳೆಪಾವುನ ನೆಲೆಟ್ಟ್ ಜವಾಬ್ದಾರಿಯುತ ಬೇಲೆನ್ ನಿಸ್ವರ‍್ಥವಾದ್ ಮಲ್ಪರೆ ಜವನೆರ್ ಬೊಕ್ಕ ಪೆರಿಯಾಕುಲು ಒಟ್ಟಾದ್ ಉಪ್ಪುನ ಕೂಟ ನೆ ‘ಜೈ ತುಳುನಾಡ್ ಸಂಘಟನೆ’ ನೆತ್ತ ಕಾಸ್ರೋಡು ಘಟಕರ್ದ್ ಗುರ್ಕಾರ್ಲಾಯಿನ ಹರಿಕಾಂತ್ ಕಾಸರಗೋಡು ಮೆರ್ನ ಮುತಾಲಿಕೆಡ್ , ಕೇರಳ ರಾಜ್ಯಡ್ ತುಳು ಬಾಷೆನ್ ಅಧಿಕೃತ ಭಾಷೆಯಾದ್ ಮಲ್ಪುನ ಬೇಡಿಕೆನ್ ಸರಕಾರದ ಗೇನಗ್ ಕನವೊಡು ಪಂದ್ ಶಾಸಕೆರ್ನ ಕಚೇರಿಗ್ ಭೇಟಿ ಕೊರ್ದು ಬಿನ್ನಾಪು ಮಲ್ದೆರ್.

ದಾಖಲೆದ ಒಟ್ಟುಗು ಉಪ್ಪುನ ಬಿನ್ನಾಪುನು ಮಂಜೇಶ್ವರ ಶಾಸಕ ಎ ಕೆ ಎಂ ಅಶ್ರಫ್ ಬೊಕ್ಕ ಕ್ಷೇತ್ರದ ಪ್ರಸ್ತುತ ಶಾಸಕೆರಾಯಿನ ಸಿ ಯೆಚ್ ಕುಂಞಂಬು ಮೆರೆಗ್ ಕೊರಿಯೆರ್.

ಈ ಪೊರ್ತುಡು ಜೈ ತುಳುನಾಡ್ ಕಾಸರಗೋಡು ಘಟಕದ ಗುರ್ಕಾರ್ಲಾಯಿನ ಹರಿಕಾಂತ್ ಕಾಸರಗೋಡು, ಕಾರ್ಯದರ್ಶಿ ಕಾರ್ತಿಕ್ಕೋ ಪೆರ್ಲ, ಕೋಶಾಧಿಕಾರಿ ಪ್ರಶಾಂತ್ ರೈ ಬಂದಡ್ಕ, ಮುಖ್ಯ ಸಂಚಾಲಕ ಪ್ರವೀಶ್ ಕುಲಾಲ್ ಬೊಕ್ಕ ಸದಸ್ಯ ದೇವಿಪ್ರಸಾದ್ ರೈ ಪಾಲ್ ಪಡೆದಿತ್ತೆರ್ .

ಒಲಂಪಿಕ್ಸ್ : ಭಾರತ ಸೇರ್ದ್ ಬೇತೆ 5 ದೇಶದ ಕ್ರೀಡಾ ಪಟುಲೆಗ್ ಕೋವಿಡ್ ಟೆಸ್ಟ್

Jun 28, 2021

ಟೋಕಿಯೊ, ಜೂನ್ 28: ಒಲಿಂಪಿಕ್ಸ್‌ಡ್ ಪಾಲ್ ಪಡೆಯರೇ ಉಪ್ಪುನ ಭಾರತ ಬೊಕ್ಕ ಬೇತೆ 5 ದೇಶದ ಅತ್ಲೀಟ್‌ ನಕುಲು ಜಾಸ್ತಿ ಕೋವಿಡ್‌ ಪರೀಕ್ಷೆನ್ ಮಲ್ಪಾವೊಡು ಪಂದ್ ಜಪಾನ್‌ ಸೂಚಿಸಾವುನ ಸಾಧ್ಯತೆ ಉಂಡು ಪಂದ್ ಪಂತೆರ್.

ಡೆಲ್ಟಾ ವೈರಸ್‌ ಆಘಾತಡ್ ಉಪ್ಪುನ ದೇಶದ ಕ್ರೀಡಾಪಟುಲು ಒಲಿಂಪಿಕ್ಸ್‌ಗ್ ಪೋಪಿನ ದುಂಬು ಒಂಜಿ ವಾರ ಮುನ್ನ ದಿನಾಲ ಪರೀಕ್ಷೆ ಮಲ್ಪಾವೊಡು ಪಂದ್ ಜಪಾನ್‌ ನಿಯಮ ಮಲ್ದುಂಡು.

ಇನಿರ್ದ್ ಹಾಲ್ ಡ್ ಮದಿಮೆ ಮಲ್ಪರೆ ಅವಕಾಶ : ದ. ಕ ಜಿಲ್ಲಾಧಿಕಾರಿ

Jun 28, 2021

ಕುಡ್ಲ , ಜೂ.28: ಕೋವಿಡ್-19 ಮಾರ್ಗಸೂಚಿ ಕಟ್ಟು ನಿಟ್ಟಾದ್ ಪಾಲಿಸಾವುನೆತ್ತ ಒಟ್ಟುಗು ಛತ್ರ, ಹೊಟೇಲ್‌, ರೆಸಾರ್ಟ್‌ಡ್ ಸಭಾಂಗಣಡ್ ಮದಿಮೆ ನಡಪಾಯೆರೆ ಜೂ.28ರ್ದ್ ಜಿಲ್ಲಾದ್ಯಂತ ಅವಕಾಶ ಕೊರ್ತೆರ್ .

ಆಂಡ ಮದಿಮೆಡ್ ಪಾಲ್ ಪಡೆಪಿನಕ್ಲೆನ ಸಂಖ್ಯೆ 40 ಡಾಟರೆ ಬಲ್ಲಿ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಪಂಡಿನ ಪೊಸ ಆದೇಶಡ್ ತೆರಿಪಾದೆರ್.

ಮದಿಮೆ ಕಾರ್ಯಕ್ರಮ ನಡಪಾವುನಕುಲು ಮಂಗಳೂರು ನಗರ ಪಾಲಿಕೆ ವ್ಯಾಪ್ತಿಡ್ ಪಾಲಿಕೆದ ಆಯುಕ್ತೆರ್ , ನಗರ ಸ್ಥಳೀಯಾಡಳಿತ ಸಂಸ್ಥೆದ ವ್ಯಾಪ್ತಿಡ್ ಸಂಬಂಧಪಟ್ಟಿ ನಂಚ ಸಂಸ್ಥೆದ ಮುಖ್ಯಾಧಿಕಾರಿಲು , ಗ್ರಾಪಂ ವ್ಯಾಪ್ತಿಡ್ ಪಿಡಿಒ ರ್ದ್ ಪೂರ್ವಾನುಮತಿ ಪಡೆಯೊಡು ಪಂದ್ ಪಂಡೆರ್.

ಹುಷಾರ್ ದಾಂತೆ ತೀರ್ ಪೋಯಿನ ಪುತ್ತೂರುದ ಅಕ್ಷತಾ

Jun 28, 2021

ಪುತ್ತೂರು, ಜೂನ್ 28: ಪೆದ್ದ್ ದ್ ರಡ್ಡ್ ತಿಂಗೊಲ್ ಆನಗನೇ ಹುಷಾರ್ ದಾಂತೆ ತೀರ್ ಪೋಯಿನ ಘಟನೆ ಕೋಡೆ ಪುತ್ತೂರುಡು ನಡತುಂಡು . ಪುತ್ತೂರ್ದ ಕೃಷ್ಣ ನಗರ ನಿವಾಸಿ ದಿಲೀಪ್ ಪನ್ಪಿನಾರ್ನ ಬುಡೆದಿ ಅಕ್ಷತಾ (26) ತೀರ್ ಪೋಯಿನಾರ್ .

ಅಕ್ಷತಾ 2 ತಿಂಗೊಲ್ ದ ಪಿರವು ಬಾಲೆ ಪೆದ್ದ್ ದ್ ಇತ್ತೆರ್. ಐರ್ದ್ ಬೊಕ್ಕ ಅರೆಗ್ ಹುಷಾರ್ ದಾಂತೆ ಆಯಿನೆರ್ದಾವರ ಅರೆನ್ ಪುತ್ತೂರುದ ಖಾಸಗಿ ಆಸ್ಪತ್ರೆಗೆ ಧಾಖಲ್ ಮಲ್ತಿತ್ತೆರ್ ಎಚ್ಚದ ಚಿಕಿತ್ಸೆಗಾದ್ ಕುಡ್ಲದ ಆಸ್ಪತ್ರೆಗ್ ದಾಖಲ್ ಮಲ್ತುಂಡಲ ಮರ್ದ್ ಫಲಕಾರಿಯಾವಂದೆ ಕೋಡೆ ತೀರ್ ಪೋಯೆರ್.

ಸೋಂಕಿತೆರೆಗ್ ಕೇರ್ ಸೆಂಟರ್’ಡ್ ಚಿಕಿತ್ಸೆ ಉತ್ತಮ: ಸಚಿವ ಎಸ್ ಅಂಗಾರ

Jun 28, 2021

ಸುಬ್ರಹ್ಮಣ್ಯ, ಜೂನ್ 28:: ಕೋವಿಡ್ ಸೋಂಕಿತೆರ್ ಕೇರ್ ಸೆಂಟರ್ ಡ್ ಇತ್ತ್ ದೆ ಮರ್ದ್ ಪಡೆಯುನ ಉತ್ತಮ ಪಂದ್ ಸಚಿವ ಅಂಗಾರ ಪಂಡೆರ್ . ಮೇರ್ ಕೋಡೆ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸಭಾಂಗಣಡ್ ನಡತಿನ ಪರಿಶೀಲನಾ ಸಭೆಟ್ ಪಾತೆರಿಯೆರ್ .

ಕೋವಿಡ್ ಪಾಸಿಟಿವ್ ವರದಿ ಬತ್ತಿನಕುಲು ಇಲ್ಲಡ್ ಉಪ್ಪುನೆರ್ದ್ ಆರೈಕೆ ಕೇಂದ್ರಡ್ ಉಪ್ಪುನ ಎಡ್ಡೆ . ಇಲ್ಲಡ್ ಇತ್ತುಂಡ ಕೈತಲ್ ದಕ್ಲೆಗ್ ಮಾತಾ ಸೋಂಕು ಪಸರುನ ಸಾಧ್ಯತೆ ಉಂಡು ಪಂದ್ ಪಂಡೆರ್

ಸಚಿವೆರ್ ಸಭೆಟ್ ಕೋವಿಡ್ ವಾರಿಯರ್ಸ್ ಲಾಯಿನ ಆಶಾ ಕಾರ್ಯಂತೆರೆಗ್ ದಿನಸಿ ಕಿಟ್ ಕೊರಿಯೆರ್ . ಕುಮಾರಧಾರ ಸಭಾಂಗಣಡ್ ನಡತಿನ ಸಭೆಟ್ ಕಡಬ ತಹಶೀಲ್ದಾರ್, ಸುಳ್ಯ ತಹಶೀಲ್ದಾರ್, ತಾಲೂಕು ಕೋವಿಡ್ ನೋಡೆಲ್ ಅಧಿಕಾರಿ, ಆರೋಗ್ಯ ಅಧಿಕಾರಿಲು ಬೊಕ್ಕ ಸುಬ್ರಮಣ್ಯ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಕಾರ್ಯದರ್ಶಿ ಬೊಕ್ಕ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್ .

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

June 28, 2021

ಕೆಪಿಸಿಸಿ ಒಡಿಪು ವತಿರ್ದ್ ಆರೋಗ್ಯ ಕಿಟ್ ವಿತರಣೆ

ಒಡಿಪುಡು ಕೋಡೆ 96 ಪಾಸಿಟಿವ್ ಪ್ರಕರಣ

200 ಮೀ ಫ್ರೀ ಸ್ಟೈಲ್ : ದಾಖಲೆ ಮಲ್ತಿನ ಸಾಜನ್

ಜೈ ತುಳುನಾಡ್ ಸಂಘಟನೆದ ವತಿರ್ದ್ ತುಳು ಭಾಷೆನ್ ಅಧಿಕೃತ ಮಲ್ಪೊಡು ಪಂದ್ ಕೇರಳ ಸರ್ಕಾರಗ್ ಬಿನ್ನಾಪು

ಒಲಂಪಿಕ್ಸ್ : ಭಾರತ ಸೇರ್ದ್ ಬೇತೆ 5 ದೇಶದ ಕ್ರೀಡಾ ಪಟುಲೆಗ್ ಕೋವಿಡ್ ಟೆಸ್ಟ್

ಇನಿರ್ದ್ ಹಾಲ್ ಡ್ ಮದಿಮೆ ಮಲ್ಪರೆ ಅವಕಾಶ : ದ. ಕ ಜಿಲ್ಲಾಧಿಕಾರಿ

ಹುಷಾರ್ ದಾಂತೆ ತೀರ್ ಪೋಯಿನ ಪುತ್ತೂರುದ ಅಕ್ಷತಾ

ಸೋಂಕಿತೆರೆಗ್ ಕೇರ್ ಸೆಂಟರ್’ಡ್ ಚಿಕಿತ್ಸೆ ಉತ್ತಮ: ಸಚಿವ ಎಸ್ ಅಂಗಾರ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ