June 5, 2021

ಮೂಡುಬಿದಿರೆ ವಲಯದ ಶಾಲಾ ಜೋಕ್ಲೆನೆರ್ದ್ ವಿಭಿನ್ನ ರೀತಿಡ್ ವಿಶ್ವ ಪರಿಸರ ದಿನಾಚರಣೆ

ಮೂಡುಬಿದಿರೆ, ಜೂನ್ 5: ಮೂಡುಬಿದಿರೆ ವಲಯದ ಬೆಳುವಾಯಿ ಕ್ಲಸ್ಟರ್ ನ 17 ಶಾಲೆದ ಶಿಕ್ಷಕೆರ್ ಬೊಕ್ಕ ಜೋಕುಲು ತಮ್ಮ ತಮ್ಮ ಇಲ್ಲದ ಜಾಲ್ ಡ್ ದೈ ನಡ್ಪುನೆತ್ತ ಮುಖೇನ ಅಂಚನೇ ಪ್ರೌಢಶಾಲಾ ಜೋಕುಲು ಚಿತ್ರಕಲೆ ಇರೆರ್ದ್ ಬೇತೆ ಬೇತೆ ವಿನ್ಯಾಸಲೆನ್ ಮಲ್ಪುನ ಮುಖೇನ ಕರೋನದ ಈ ಪೊರ್ತುಡು ವಿಶ್ವ ಪರಿಸರ ದಿನಾಚರಣೆನ್ ಆಚರಣೆ ಮಲ್ತೆರ್.

ಸಮೂಹ ಸಂಪನ್ಮೂಲ ವ್ಯಕ್ತಿ ಶ್ರೀ ಪ್ರಸನ್ನ ವಿ ಶೆಣೈ ಮೇರ್ ಮಾತಾ ಶಾಲೆದ ಮುಖ್ಯೋಪಾಧ್ಯಾಯೆರ್ ಬೊಕ್ಕ ಶಿಕ್ಷಕೆರ್ನ ಸಾಕಾರಡ್ ಈ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

ಲಯನ್ಸ್ ಕ್ಲಬ್ ಬೆಂಗ್ಳೂರು ಮೆಗಾಸಿಟಿ ವತಿರ್ದ್ ಬೆಂಗ್ಳೂರು ತುಳುವರೆಂಕುಲು ಸಂಸ್ಥೆದ ಒಟ್ಟು ಸೇರಿಗೆಡ್ ಕಿಟ್

ಬೆಂಗ್ಳೂರು, ಜೂನ್ 5: ತಾರೀಖ್ 03-06-2021ನೆ ಗುರುವಾರ ಬೆಂಗಳೂರುದ ಮೆಜೆಸ್ಟಿಕ್ ಬೆಲ್ ಹೊಟೇಲ್ ದ ಸಭಾಂಗಣಡ್ ಲಯನ್ಸ್ ಕ್ಲಬ್ ಬೆಂಗಳೂರು ಮೆಗಾಸಿಟಿ ವತಿಯಿಂದ ಬೆಂಗಳೂರು ತುಳುವರೆಂಕುಲು ಸಂಸ್ಥೆದ ಒಟ್ಟು ಸೇರಿಗೆಡ್ ಕರೋನಾ ಲಾಕ್‌ಡೌನ್ ಸಮಸ್ಯೆರ್ದ್ ಕಷ್ಟಡ್ ಉಪ್ಪುನ ಕರ್ನಾಟಕ ಕರಾವಳಿ ಮೂಲದ ನಾಗರೀಕೆರೆಗ್ ದಿನಸಿ ಆಹಾರ ಕಿಟ್‌ಲೆನ್ ಪಟ್ಟುನ ಲೇಸ್ ನಡತುಂಡು.

ಈ ಲೇಸ್ ನ್ ಕರ್ನಾಟಕ ವಿಧಾನ ಪರಿಷತ್ ಸದಸ್ಯೆರ್ ಯುವ ಮುಖಂಡೆರಾಯಿನ ಶ್ರೀ ತುಳಸಿ ಮುನಿರಾಜು ಗೌಡೆರ್ ಉದಿಪನ ಮಲ್ತೆರ್ . ಲಯನ್ಸ್ ಕ್ಲಬ್ ಬೆಂಗಳೂರು ಮೆಗಾಸಿಟಿ ಗುರ್ಕಾರ್ಲಾಯಿನ ಲಯನ್ ಚಂದ್ರಶೇಖರ ಶೆಟ್ಟಿ, ಕಾರ್ಯದರ್ಶಿ ಲಯನ್ ಕೃಷ್ಣಮೂರ್ತಿ ಮಯ್ಯ ಬೊಕ್ಕ ಪದಾಧಿಕಾರಿಲು ತುಳುವರೆಂಕುಲು ಗುರ್ಕಾರ್ಲಾಯಿನ ವೈ. ಜಯಂತ್ ರಾವ್, ಕಾರ್ಯದರ್ಶಿ ಪಳ್ಳಿ ವಿಶ್ವನಾಥ ಶೆಟ್ಟಿ ಬೊಕ್ಕ ಪದಾಧಿಕಾರಿಲು ಬೆಲ್ ಹೋಟೆಲ್ ಮಾಲೀಕ ಲಯನ್ ಸತ್ಯಪ್ರಕಾಶ್, ಕೂಟ ಮಹಾಜಗತ್ತ್ ದ ಸಂಘಟನಾ ಕಾರ್ಯದರ್ಶಿ ಉಮೇಶ್ ಶಾಸ್ತ್ರಿ, ಬೆಂಗಳೂರು ಬಂಟರ ಸಂಘದ ಗುರ್ಕಾರ್ಲಾಯಿನ ಶ್ರೀ ಉಪೇಂದ್ರ ಶೆಟ್ಟಿ, ಆನಂದ ಬಳಗದ ಶ್ರೀ ಗುರುಮೂರ್ತಿ, ತುಳುಕೂಟದ ಕಾರ್ಯದರ್ಶಿ ಶ್ರೀ ಸುಂದರ್ ರಾಜ್ ರೈ ಬೊಕ್ಕ ಕರಾವಳಿ ಸಂಸ್ಥೆದ ಗುರ್ಕಾರ್ಲಾಯಿನ ಪಾಲ್ ಪಡೆದಿತ್ತೆರ್.

ಈ ಲೇಸ್ ನ್ ಅಟ್ಟನೆ ಮಲ್ತಿನ ಶ್ರೀಮತಿ ರೂಪಾ ಶಾಸ್ತ್ರಿಯವರು ದಿನಸಿ ಆಹಾರ ಕಿಟ್ ಕೊರ್ಪಿನ ಮುಖೇನ ಲೇಸ್ ದ ಸಾಂಕೇತಿಕ ಉದಿಪನ ಮಲ್ತೆರ್.

ಎಸ್ಸೆಸ್ಸೆಫ್ ವತಿರ್ದ್ ಉಸಿರಿಗಾಗಿ ಹಸಿರು ಅಭಿಯಾನ

ಕುಡ್ಲ, ಜೂನ್ :5 : ವಿಶ್ವ ಪರಿಸರ ದಿನತ ಅಂಗವಾದ್ ಎಸ್ಸೆಸ್ಸೆಫ್ ವತಿರ್ದ್ ‘ಉಸಿರಿಗಾಗಿ ಹಸಿರು’ ಪನ್ಪಿನ ಅಭಿಯಾನ ಜೂ.5ಕ್ಕ್ ನಡಪರೇ ಉಂಡು .

ಪ್ರಕೃತಿ, ಪರಿಸರ-ಮರಗಿಡ ಒರಿಪಾವೊಡಾಯಿನ ಅನಿವಾರ್ಯತೆ ಬಗ್ಗೆ ಅರಿವು ಮೂಡಿಸಾಯೆರೆ ವಿಶ್ವ ಪರಿಸರ ದಿನತಾನಿ ಕನಿಷ್ಠ ಒಂಜಿ ದೈನ್ ಆಂಡಲಾ ನಡ್ಪಿನ ಮುಖೇನ ಉಸಿರಿಗಾಗಿ ಹಸಿರು ಪನ್ಪಿನ ಕಾರ್ಯಕ್ರಮ ನಡಪರೇ ಉಂಡು .

ಜೂನ್ 6ಕ್ಕ್ ಯುವ ಕಾಂಗ್ರೆಸ್ ಕಾಪು ಬ್ಲಾಕ್ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕಾಪು, ಜೂನ್ 5 : ಯುವ ಕಾಂಗ್ರೆಸ್ ಕಾಪು ಬ್ಲಾಕ್ ವತಿರ್ದ್ ಜೂ. 6ಕ್ಕ್ ರಾಜೀವ್ ಭವನಡ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ ನಡಪರೇ ಉಂಡು .

ಕೋವಿಡ್-19 ಪ್ರಕರಣ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಲಾಕ್‍ಡೌನ್ ಆಯಿನೆರ್ದಾವರ , ಪರಿಣಾಮ ಪೇಂಟೆಡ್ ನೆತ್ತೆರ್ ದ ಸಂಗ್ರಹ ಕಮ್ಮಿ ಆಫೀನೆರ್ದಾವರ ನೆತ್ತೆರ್ ದಾನ ಶಿಬಿರ ಅಟ್ಟನೆ ಮಲ್ದೆರ್ . ಕಾಂಡೆ 8.30ರ್ದ್ ಮಧ್ಯಾಹ್ನ 1ಗಂಟೆ ಮುಟ ನೆತ್ತೆರ್ ದಾನ ಶಿಬಿರ ನಡಪರೇ ಉಂಡು . ಎಚ್ಚದ ಸಂಖ್ಯೆಡ್ ಈ ಶಿಬಿರಡ್ ಪಾಲ್ ಪಡೆಯೋಡು ಪಂದ್ ಕಾಪು ಬ್ಲಾಕ್ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಮೀಝ್ ಹುಸೈನ್ ಪ್ರಕಟನೆಡ್ ತೆರಿಪಾದೆರ್.

ಅಸಂಘಟಿತ ವಲಯದ ಕಾರ್ಮಿಕೆರೆಗ್ ಪರಿಹಾರ ಧನ

ಕುಡ್ಲ, ಜೂನ್ 5: ರಾಜ್ಯಡ್ ಕೋವಿಡ್‌ ಲಾಕ್‌ಡೌನ್‌ ಆತಿನೇರ್ದಾವರ , ಅಸಂಘಟಿತ ವಲಯದ ಕಾರ್ಮಿಕೆರೆಗ್ ಕಷ್ಟ ಆಯಿನೆರ್ದಾವರ ರಾಜ್ಯ ಸರ್ಕಾರ ಕಾರ್ಮಿಕೆರೆಗ್ ₹2,000 ಪರಿಹಾರಧನನ್ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ ತೆರಿಪಾಯೆರ್ .

ಸಂಘಟಿತ ವಲಯದ ಕಾರ್ಮಿಕೆರೆಗ್ ಪರಿಹಾರ ಕೊರ್ಪಿನ ಬಗ್ಗೆ ಶುಕ್ರವಾರ ನಡಪಾಯಿನ ಸಭೆತ ಗುರ್ಕಾರ್ಮೆನ್ ವಹಿಸ್ ದ್ ಆರ್ ಪಾತೆರಿಯೆರ್.

ಬೇಲೆ ಕಲೆಯೊಂದು ಆರ್ಥಿಕವಾದ್ ಕಷ್ಟ ಡ್ ಇತ್ತಿನ ಅಸಂಘಟಿತ ಕಾರ್ಮಿಕ ವಲಯದ 18 ರ್ದ್ 65 ವರ್ಷದುಲಾಯಿದ ಕ್ಷೌರಿಕ, ಅಗಸ, ಟೈಲರ್, ಅಕ್ಕಸಾಲಿಗ, ಕಮ್ಮಾರ, ಕುಂಬಾರ, ಗೃಹಕಾರ್ಮಿಕೆರ್ , ಚಿಂದಿ ಆಯುನಕುಲು , ಹಮಾಲಿ, ಕಾರ್ಮಿಕೆರ್ ಒಂಜಿ ಸಲ ಪರಿಹಾರನ್ ಪಡೆಯರೆ ಅರ್ಹರಾತೆರ್ ಫಲಾನುಭವಿಲು ಸೇವಾ ಸಿಂಧು ಪೋರ್ಟಲ್‌ ಮುಖೇನ ಅರ್ಜಿ ಸಲ್ಲಿಸಾದ್ ನೆತ್ತ ಉಪಯೋಗ ಪಡೆಯೋಲಿ.

ಹವಾಮಾನ ವರದಿ : ಕುಡ್ಲಡ್ ರೆಡ್ ಅಲರ್ಟ್

ಬೆಂಗ್ಳೂರು, ಜೂನ್ 5: ನೈರುತ್ಯ ಮುಂಗಾರು ಕರ್ನಾಟಕನ್ ಪ್ರವೇಶ ಮಲ್ದುಂಡು . ಅಂಚಾದ್ ಇನಿರ್ದ್ ಬರ್ಸ ಜೋರಾಪಿನ ಸಾಧ್ಯತೆ ಉಂಡು , ಮಲೆನಾಡು, ಕರಾವಳಿ, ದಕ್ಷಿಣ ಒಳನಾಡ್ ಡ್ ಅಧಿಕ ಪ್ರಮಾಣದ ಬರ್ಸ ನಿರೀಕ್ಷೆ ಮಲ್ದೆರ್ . ಕರಾವಳಿ ಜಿಲ್ಲೆ ಆಯಿನ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡಡ್ ಇನಿ ರೆಡ್ ಅಲರ್ಟ್​ ಘೋಷಣೆ ಮಲ್ದೆರ್.

ನರಿಕೊಂಬುಡು ಆಶಾ ಕಾರ್ಯಂತೆರೆಗ್ ಕಿಟ್ಟ್ ಪಟ್ಟುನ ಲೇಸ್

ಬಂಟ್ವಾಳ, ಜೂನ್ 5 : ಬಂಟ್ವಾಳ ತಾಲೂಕು ನರಿಕೊಂಬು ಗ್ರಾಮದ ಮೊಗರುನಾಡುಡು ಉಪ್ಪುನ ನಿವೃತ್ತ ಸೈನಿಕ ಶ್ರೀಯುತ ಮೋಹನ್ ಮೇರ್ ತನ್ನ ಪತ್ನಿ ಪ್ರಾಥಮಿಕ ಆರೋಗ್ಯ ಕೇಂದ್ರ ಕಲ್ಲಡ್ಕ, ಬಾಳ್ತಿಲ ನೆತ್ತ ಉಪಕೇಂದ್ರ ನರಿಕೊಂಬು ಮುಲ್ಪದ ಕಿರಿಯ ಆರೋಗ್ಯ ಸಹಾಯಕಿ ಶ್ರೀಮತಿ ಸುಮತಿನ ಒಟ್ಟುಗು ಬೇಲೆ ಮಲ್ತೊಂದು ಉಪ್ಪುನ ನರಿಕೊಂಬು ಬೊಕ್ಕ ಶಂಭೂರು ಗ್ರಾಮ ವ್ಯಾಪ್ತಿದ ಮಾತಾ ಆಶಾ ಕಾರ್ಯಕರ್ತೆರೆಗ್ ಉಚಿತವಾದ್ ಆಹಾರ ಸಾಮಗ್ರಿದ ಕಿಟ್ಟ್ ಬೊಕ್ಕ ಪ್ಲೇಟು, ಲೋಟ, ಸ್ಯಾನಿಟೈಸರ್, ಮಾಸ್ಕ್ ನ್ ತಮ್ಮ ಇಲ್ಲಡ್ ಪಟ್ಟಿಯೆರ್ . ಕಿಟ್ಟ್ ಪಡೆಯಿನ ಆಶಾ ಕಾರ್ಯಂತೆರ್ ಮೋಹನ ಸುಮತಿ ದಂಪತಿಲೆಗ್ ಸೊಲ್ಮೆ ಸಂದೈತ ಮಲ್ತೆರ್.