June 29, 2021

ಒಡಿಪು ಪತ್ರಕರ್ತೆರ್ನ ಸಂಘರ್ದ್ ಸಚಿವೆರೆಗ್ ಬಿನ್ನಾಪು

Jun 29, 2021

ಒಡಿಪು, ಜೂನ್ 29: ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ವತಿರ್ದ್ ರಾಜ್ಯ ಗೃಹ ಸಚಿವೆರ್ ಬೊಕ್ಕ ಓಡಿಪು ಜಿಲ್ಲಾ ಉಸ್ತುವಾರಿ ಸಚಿವೇರಾಯಿನ ಬಸವರಾಜ ಬೊಮ್ಮಾಯಿ ಮೆರೆಗ್ ಇನಿ ಜಿಲ್ಲೆದ ಪತ್ರಕರ್ತೆರ್ನ ವಿವಿಧ ಬೇಡಿಕೆದ ಬಗ್ಗೆ ಬಿನ್ನಾಪು ಮಲ್ತೆರ್ .ನೆಕ್ಕ್ ಸಚಿವೆರ್ ಸಕರಾತ್ಮಕವಾದ್ ಸ್ಪಂದನೆ ಕೊರ್ತೆರ್ , ಬೇಡಿಕೆ ಈಡೇರಿಸಾವುನ ಭರವಸೆ ಕೊರ್ತೆರ್ .

ಈ ಪೊರ್ತುಡು ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯಂತೆರಾಯಿನ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಪಾಲ್ ಪಡೆದಿತ್ತೆರ್.

ಜುಲೈ 7 ತಾರೀಖ್ ಗ್ ಆಹಾರ ಅದಾಲತ್ :ಶಾಸಕ ಯು.ಟಿ. ಖಾದರ್‌

Jun 29, 2021

ಕುಡ್ಲ, ಜೂನ್ 29:ಕುಡ್ಲ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಡ್ ಪಡಿತರ ಸಮಸ್ಯೆ, ಎಪಿಎಲ್, ಬಿಪಿಎಲ್ ಕಾರ್ಡ್ ತಿಕ್ಕoದೆ ಉಪ್ಪುನ ಸಮಸ್ಯೆ ನ್ ಸರಿ ಮಲ್ಪುನ ನೆಲೆಟ್ಟ್ ಜುಲೈ 7 ತಾರೀಖ್ ಗ್ ಆಹಾರ ಅದಾಲತ್ ನಡಪರೇ ಉಂಡು ಪಂದ್ ಶಾಸಕ ಯು.ಟಿ. ಖಾದರ್‌ ತೆರಿಪಾಯೆರ್ .

ಸೋಮವಾರ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್ , ಈ ಸಮಸ್ಯೆ ಇಪ್ಪುನಕುಲು ತಮ್ಮ ಗ್ರಾಮ ಪಂಚಾಯಿತಿಗ್ ಪೋದು ಜುಲೈ 1 ತಾರೀಖ್ ದ ಉಲಯಿ ಅರ್ಜಿ ಕೊರೊಡು ಪಂದ್ ಪಂಡೆರ್.

ವಿವಿ ಕಾಲೇಜ್ : 425 ಜೋಕ್ಲೆಗ್ ಲಸಿಕೆ

Jun 29, 2021

ಕುಡ್ಲ, ಜೂನ್ 29: ಕೋವಿಡ್‌ ತಡೆ ರಾಷ್ಟ್ರೀಯ ಲಸಿಕಾ ಅಭಿಯಾನದಡಿ ಎನ್‌ಎಸ್‌ಎಸ್‌ ಒಟ್ಟು ಸೇರಿಗೆಡ್ ಪೇಂಟೆದ ವಿಶ್ವವಿದ್ಯಾಲಯ ಕಾಲೇಜ್ ಡ್ ಸೋಮವಾರ ಅಟ್ಟನೆ ಮಲ್ತಿನ ಸುರುತ್ತ ಶಿಬಿರಡ್ 425 ಜೋಕ್ಲೆಗ್ ಲಸಿಕೆ ಕೊರಿಯೆರ್ .

ಜೋಕುಲು ಕಾಲೇಜ್ಗ್ ಬತ್ದ್ ಕೂಪನ್‌ ಪಡೆದ್ , ಕೋವಿನ್‌ ಅಪ್ಲಿಕೇಶನ್‌ಡ್ ಪುದರ್ ನೋಂದಾವಣೆ ಮಲ್ತ್ ಲಸಿಕೆ ಪಡೆಯೆರ್ . ಈ ಪೊರ್ತುಡು ಆರ್‌ಸಿಎಚ್‌ ಅಧಿಕಾರಿ ಡಾ.ಬಿ.ವಿ. ರಾಜೇಶ್‌, ಜೋಕ್ಲೆಗ್ ಕೋವಿಡ್‌ ವಿರುದ್ಧದ ಲಸಿಕೆದ ಉದ್ದೇಶ, ಲಾಭಲು ಬೊಕ್ಕ ವಹಿಸೋಡಾಯಿನ ಮುನ್ನೇಚ್ಚರಿಕೆದ ಬಗ್ಗೆ ಮಾಹಿತಿ ಕೊರಿಯೆರ್.

ಆಸ್ಪತ್ರೆಡ್ ಬೂರ್ದು ತೀರ್ ಪೋಯಿನ ಉಳ್ಳಾಲದ ಜವಣ್ಯೆ

Jun 29, 2021

ಉಳ್ಳಾಲ :, ಜೂನ್ 29: ಆಸ್ಪತ್ರೆಗ್ ತಪಾಸಣೆಗ್ ಪಂದ್ ಪೋಯಿನ ಜವನ್ಯೆ ಬೂರ್ದು ತೀರ್ ಪೋಯಿನ ಘಟನೆ ಕೆ.ಎಂ.ಸಿ ಆಸ್ಪತ್ರೆಡ್ ನಡತುಂಡು .

ಕುಂಪಲ ಆಶ್ರಯ ಕಾಲೊನಿ ನಿವಾಸಿ ರಿಕ್ಷಾ ಚಾಲಕ ರಾಜೇಶ್ ರಾವ್ (31) ತೀರ್ ಪೋಯಿನಾರ್ .ಹೃದಯ ಸಂಬಂಧಿತ ಸಮಸ್ಯೆಗಾದ್ ವಾರದ ಪಿರವು ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ಪರೀಕ್ಷೆ ಮಲ್ತಿತ್ತೆರ್ . ಅಲ್ಪ ಜಾಸ್ತಿ ಬಿಪಿ ಇತ್ತಿನೆನ್ ವೈದ್ಯೆರ್ ಪಂದ್ ಇತ್ತೆರ್ ತಿಗಲೆ ಬೇನೆ ಕಮ್ಮಿ ಆವಂದಿನ ಕಾರಣ ಕುಡ್ಲದ ಆಸ್ಪತ್ರೆಗ್ ಆರ್ನ ದೋಸ್ತಿಲು ಲೆತೊಂದು ಬತ್ತಿತ್ತೆರ್.ಆಸ್ಪತ್ರೆಡ್ ವೈದ್ಯೆರ್ ಬಿಪಿ ಚೆಕ್ ಮಲ್ಪರೆ ಬತ್ತಿಲಕನೇ ರಾಜೇಶ್ ರಾವ್ ಜಾಗೆಡೆ ಬೂರ್ದು ತೀರ್ ಪೋಯೆರ್.

ಕೋವಿಡ್ ರ್ದ್ ಕಷ್ಟಡ್ ಉಪ್ಪುನಕ್ಲೆನ ಮಾಹಿತಿ ಸಂಗ್ರಹ : ಕಾಂಗ್ರೆಸ್ ರ್ದ್ ಸಮಿತಿ ರಚನೆ

Jun 29, 2021

ಕುಡ್ಲ , ಜೂ.29: ಕೆಪಿಸಿಸಿ ಆದೇಶದ ಮಿತ್ತ್ ದ.ಕ. ಜಿಲ್ಲಾ ಕಾಂಗ್ರೆಸ್ ಸಮಿತಿರ್ದ್ ಸೋಮವಾರ ಪೇಂಟೆದ ಜಿಲ್ಲಾ ಕಾಂಗ್ರೆಸ್ ಭವನಡ್ ನಡತಿನ ಸಭೆಟ್ ಜಿಲ್ಲೆಡ್ ಇಲ್ಲ್ ಇಲ್ಲಗ್ ಭೇಟಿ ಕೊರ್ದು ಕೋವಿಡ್‌ರ್ದ್ ಕಷ್ಟಡ್ ಉಪ್ಪುನ ಜನಕ್ಲೆನ ಮಾಹಿತಿ ಸಂಗ್ರಹ ಮಲ್ಪರೆ ಸಮಿತಿ ರಚನೆ ಮಲ್ತೆರ್.

ಸಮಿತಿಗ್ ಜಿಲ್ಲಾ ಸಂಯೋಜಕೆರಾದ್ ಸದಾಶಿವ್ ಉಳ್ಳಾಲ್, ಸಹ ಸಂಯೋಜಕೆರಾದ್ ವಿಶ್ವಾಸ್ ಕುಮಾರ್ ದಾಸ್, ಶೋಭಾ ಕೇಶವ್, ಶಾಲೆಟ್ ಪಿಂಟೊ, ಸವಾದ್ ಸುಳ್ಯ, ವಿಧಾನಸಭಾ ಸಂಯೋಜಕೆರಾದ್ ಬೆಳ್ತಂಗಡಿಗ್ ರಮಾನಂದ ಪೂಜಾರಿ, ಸುಳ್ಯಗ್ ಹಮೀದ್ ಕೆ.ಕೆ., ಬಂಟ್ವಾಳಗ್ ಶಬ್ಬೀರ್ ಎಸ್., ಮೂಡುಬಿದರೆಗ್ ಅಭಿಷೇಕ್ ಉಳ್ಳಾಲ್, ಪುತ್ತೂರಿಗ್ ಎಂ.ಪಿ. ಮನುರಾಜ್, ಉಳ್ಳಾಲಗ್ ಟಿ.ಕೆ. ಸುಧೀರ್, ಕುಡ್ಲಗ್ ಲಾರೆನ್ಸ್ ಡಿಸೋಜ, ಕುಡ್ಲ ಉತ್ತರಗ್ ಪ್ರಸಾದ್ ರಾಜ್ ಕಾಂಚನ್ ನೇಮಕ ಆಯೆರ್.

ಕಾರ್ಕಳ : ವಾತ್ಸಲ್ಯ ಆರೋಗ್ಯ ಶಿಬಿರಗ್ ಗೃಹಮಂತ್ರಿರ್ದ್ ಚಾಲನೆ

Jun 29, 2021

ಕಾರ್ಕಳ, ಜೂನ್ 29: ರಾಜಕಾರಣಿ ದುಂಬುದ ಚುನಾವಣೆನ್ ದೃಷ್ಟಿಡ್ ದೀದ್ ಬೇಲೆ ಮಲ್ತುಂಡ , ಮುತ್ಸದ್ಧಿಯೊರಿ ನನ ದುಂಬುದ ಜನಾಂಗನ್ ಗೇನಡ್ ದೀದ್ ಬೇಲೆ ಮಲ್ಪುವೆ ಆ ನೆಲೆಟ್ಟ್ ಪ್ರಧಾನ ಮಂತ್ರಿಲು ಬೊಕ್ಕ ಮುಖ್ಯಮಂತ್ರಿಲೆನ ಭವಿಷ್ಯದ ನೆಲೆಟ್ಟ್ ವಿವಿಧ ಫಲಪ್ರದ ಯೋಜನೆಲೆನ್ ಅಟ್ಟನೆ ಮಲ್ದೆರ್ ಪಂದ್ l ರಾಜ್ಯ ಗೃಹ ಬೊಕ್ಕ ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ್ ಬೊಮ್ಮಾಯಿ ಪಂಡೆರ್ .

ಮೇರ್ ಪೆರ್ವಾಜೆ ಸುಂದರ ಪುರಾಣಿಕ ಶಾಲೆಡ್ ಕೊರೊನ 3ನೇ ಅಲೆ ತಡೆಯುನ ನೆಲೆಟ್ಟ್ ಕಾರ್ಕಳ ಕ್ಷೇತ್ರಡ್ ಜೋಕ್ಲೆನ ಆರೋಗ್ಯ ತಪಾಸಣೆ ಶಿಬಿರ “ವಾತ್ಸಲ್ಯ” ಕಾರ್ಯಕ್ರಮಗ್ ಸೋಮವಾರ ಚಾಲನೆ ಕೊರಿಯೆರ್ .

ಎಸ್ಎಸ್ಎಲ್ ಸಿ ಪರೀಕ್ಷಾ ವೇಳಾಪಟ್ಟಿ ಪ್ರಕಟ

Jun 29, 2021

ಬೆಂಗ್ಳೂರು, ಜೂನ್ 29: ಕೋವಿಡ್ ಕಾರಣರ್ದ್ ಈ ಸಲ ವಿಶೇಷವಾದ್ ಪರೀಕ್ಷೆ ನಡಪಾವೊಂದು ಉಲ್ಲೆರ್ . ಈ ಸಲ ರಡ್ಡ್ ದಿನ ಪರೀಕ್ಷೆ ನಡಪರೇ ಉಂಡು . ಜು.19ಕ್ಕ್ ಕೋರ್ ವಿಷಯದ ಪರೀಕ್ಷೆ (ಸಮಾಜ ವಿಜ್ಞಾನ, ಗಣಿತ, ವಿಜ್ಞಾನ) ಜು. 22ಕ್ಕ್ ಭಾಷಾ ವಿಷಯದ ಪರೀಕ್ಷೆ ನಡರೆ ಉಂಡು ಪಂದ್ ಸಚಿವ ಸುರೇಶ್ ಕುಮಾರ್ ಪಂಡೆರ್ .

ಕರ್ನಾಟಕಡ್ ಎಸ್ಎಸ್ಎಲ್ಸಿ ಪರೀಕ್ಷೆ ನಡಪಾಯರೇ ನಿರ್ಧಾರ ದೆತೊನ್ದಿನ ಶಿಕ್ಷಣ ಇಲಾಖೆ ಕೋಡೆ ಮಹತ್ವದ ಸಭೆ ನಡಪಾದ್ ನಿರ್ಧಾರ ದೆತೊನ್ದೆರ್ . ಜುಲೈ ತಿಂಗೊಲ್ ದ ಮೂಜನೇ ವಾರಡ್ ಅಟ್ಟನೆ ಮಲ್ಪರೆ ನಿರ್ಧಾರ ಮಲ್ದಿನ ಎಸ್ಎಸ್ಎಲ್ಸಿ ಪರೀಕ್ಷೆದ ಅಧಿಕೃತ ವೇಳಾಪಟ್ಟಿನ್ ಕೋಡೆ ನಡತಿನ ಸಭೆಟ್ ನಿರ್ಧಾರ ಮಲ್ತೆರ್ , ಕಾಂಡೆ 10.30ರ್ದ್ 1.30 ಮುಟ ಪರೀಕ್ಷೆಗೆ ನಡಪರೇ ಉಂಡು ಪಂದ್ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಘೋಷಣೆ ಮಲ್ತೆರ್ .

ಶಿಖರ್ ಧವನ್ ಮುತಾಲಿಕೆಡ್ ಶ್ರೀಲಂಕಾ ಮುಟ್ಟಿನ ಟೀಂ ಇಂಡಿಯಾ

Jun 29, 2021

ಜೂನ್ 29: ಶಿಖರ್ ಧವನ್ ಮುತಾಲಿಕೆದ ಭಾರತೀಯ ಸೀಮಿತ ಓವರ್‌ದ ಕೂಟ ಸೋಮವಾರ ಬೈಯ್ಯ ಶ್ರೀಲಂಕಾ ಮುಟ್ಟುದುಂಡು . ರಾಹುಲ್ ದ್ರಾವಿಡ್ ಕೋಚ್ ಆದ್ ಪೋಯಿನ ಈ ಕೂಟಡ್ ಯುವ ಆಟಗಾರರ ದಂಡೇ ಉಂಡು . ಮೂಜಿ ಟಿ20 ಬೊಕ್ಕ ಮೂಜಿ ಏಕದಿನ ಪಂದ್ಯದ ಸರಣಿಡ್ ಟೀಮ್ ಇಂಡಿಯಾ ಲಂಕಾ ತಂಡನ್ ಎದುರಿಸಾಯೆರೆ ಉಂಡು .

ಭಾರತ ತಂಡದ ಖಾಯಂ ನಾಯಕ ವಿರಾಟ್ ಕೊಹ್ಲಿ ಇಂಗ್ಲೆಂಡ್ ಪ್ರವಾಸಡ್ ಉಲ್ಲೆರ್ ಟೀಮ್ ಇಂಡಿಯಾ ಕೂಟನ್ ಟೆಸ್ಟ್ ಸರಣಿಡ್ ದುಂಬು ಕೊನೊಯರೇ ಉಲ್ಲೆರ್ . ಆಗಸ್ಟ್ ತಿಂಗೊಲ್ ಡು ಐನ್ ಪಂದ್ಯದ ಟೆಸ್ಟ್ ಸರಣಿ ಇಂಗ್ಲೆಂಡ್ ವಿರುದ್ಧ ನಡಪರೇ ಉಂಡು .

ಇನಿರ್ದ್ ಕೇರಳರ್ದ್ ಬರ್ಪಿನಕ್ಲೆಗ್ ನೆಗೆಟಿವ್ ರಿಪೋರ್ಟ್ ಕಡ್ಡಾಯ: ಡಿಸಿ ಡಾ. ರಾಜೇಂದ್ರ

Jun 29, 2021

ಕುಡ್ಲ, ಜೂನ್ 29: ಕೇರಳರ್ದ್ ಕರ್ನಾಟಕಗ್ ಬರ್ಪಿನಕ್ಲೆಗ್ ಇನಿರ್ದ್ ಆರ್’ಟಿಪಿಸಿಆರ್ ನೆಗೆಟಿವ್ ರಿಪೋರ್ಟ್ ಕಡ್ಡಾಯ ಮಲ್ದೆರ್ ಪಂದ್ ದ. ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆವಿ ಪಂತೆರ್

ಕೋಡೆ ತಲಪಾಡಿ ಚೆಕ್ ಪೋಸ್ಟ್ ಡ್ ತಾನೇ ಕುದ್ದು ತಪಾಸಣೆ ನಡಪಾಯಿನ ಜಿಲ್ಲಾಧಿಕಾರಿ ಅಂಗಾರೆರೆರ್ದ್ (29-06-2021) ಕಟ್ಟುನಿಟ್ಟ್ ದ ಕ್ರಮ ದೆತೊನುವೆರ್ ಪಂದ್ ಪಂತೆರ್ .

ಕೇರಳ ಗಡಿ ಭಾಗಡ್ ಕೋವಿಡ್‌–19 ಪ್ರಕರಣಲು ಜಾಸ್ತಿ ಆವೊಂದು ಉಪ್ಪುನೆರ್ದಾವರ, ಡೆಲ್ಟಾ ವೇರಿಯಂಟ್ ಪತ್ತೆಯಾಯಿನ ಸಂಶಯ ಉಂಡು . ಈ ಬಗ್ಗೆ ಗಡಿ ಜಿಲ್ಲೆಡ್ ಕಟ್ಟೆಚ್ಚರ ವಹಿಸೋಡು ಪಂದ್ ರಾಜ್ಯ ಸರ್ಕಾರ ಆದೇಶ ಕೊರ್ತುಂಡು.

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಸತತ 60 ದಿನರ್ದ್ ವನಸ್

Jun 29, 2021

ಕುಡ್ಲ, ಜೂನ್ 28: ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಸಮಿತಿದ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ್ ಮುತಾಲಿಕೆಡ್ ರವಿವಾರ ಪೇಂಟೆದ ನಿರ್ಗತಿಕೆರ್ , ಭಿಕ್ಷುಕೆರ್ ಅಂಚನೇ ಆಸ್ಪತ್ರೆಡ್ ಉಪ್ಪುನ ಕೋವಿಡ್ ರೋಗಿಲೆನ ಸಂಬಂಧಿಕೆರ್ ಸೇರಿನಂಚ ಸುಮಾರ್ 500ರ್ದ್ ಜಾಸ್ತಿ ಜನಕ್ ಧರ್ಮದ ವನಸ್ ಕೊರ್ಪಿನ ಲೇಸ್ ಸತತ 60 ದಿನರ್ದ್ ವನಸ್ ಕೊರ್ಪಿನ ಲೇಸ್ ನಡತುಂಡು.

ಈ ಪೊರ್ತುಡು ಮನಪಾ ಸದಸ್ಯೆರಾಯಿನ ಅಬ್ದುಲ್ ರವೂಫ್, ನವೀನ್ ಡಿಸೋಜ, ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಟಿ.ಕೆ. ಸುಧೀರ್, ಗಣೇಶ್ ಪೂಜಾರಿ, ರಮಾನಂದ ಪೂಜಾರಿ, ಜಿಲ್ಲಾ ಕಚೇರಿ ಕಾರ್ಯದರ್ಶಿ ನಝೀರ್ ಬಜಾಲ್, ಆಶಿತ್ ಜಿ. ಪಿರೇರಾ, ಆರೀಫ್ ಬಾವ ಬಂದರ್, ಸಿ.ಎಂ. ಮುಸ್ತಫ, ಸೌಹಾನ್ ಎಸ್.ಕೆ., ಸಂಜನಾ ಚಲವಾದಿ, ಹಸನ್ ಪಳ್ನಿರ್, ರಾಜೇಶ್ ಬೆಂಗ್ರೆ, ಅಲ್ಫಾಝ್ ಪಾಂಡೇಶ್ವರ, ಮೀನಾ ಟೆಲ್ಲೀಸ್, ಅಸೀಫ್ ಜಪ್ಪು, ಯೂಸುಫ್ ಉಚ್ಚಿಲ್, ಫಯಾಝ್ ಅಮ್ಮೆಮ್ಮಾರ್ ಪಾಲ್ ಪಡೆದಿತ್ತೆರ್ .

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

June 29, 2021

ಒಡಿಪು ಪತ್ರಕರ್ತೆರ್ನ ಸಂಘರ್ದ್ ಸಚಿವೆರೆಗ್ ಬಿನ್ನಾಪು

ಜುಲೈ 7 ತಾರೀಖ್ ಗ್ ಆಹಾರ ಅದಾಲತ್ :ಶಾಸಕ ಯು.ಟಿ. ಖಾದರ್‌

ವಿವಿ ಕಾಲೇಜ್ : 425 ಜೋಕ್ಲೆಗ್ ಲಸಿಕೆ

ಆಸ್ಪತ್ರೆಡ್ ಬೂರ್ದು ತೀರ್ ಪೋಯಿನ ಉಳ್ಳಾಲದ ಜವಣ್ಯೆ

ಕೋವಿಡ್ ರ್ದ್ ಕಷ್ಟಡ್ ಉಪ್ಪುನಕ್ಲೆನ ಮಾಹಿತಿ ಸಂಗ್ರಹ : ಕಾಂಗ್ರೆಸ್ ರ್ದ್ ಸಮಿತಿ ರಚನೆ

ಕಾರ್ಕಳ : ವಾತ್ಸಲ್ಯ ಆರೋಗ್ಯ ಶಿಬಿರಗ್ ಗೃಹಮಂತ್ರಿರ್ದ್ ಚಾಲನೆ

ಎಸ್ಎಸ್ಎಲ್ ಸಿ ಪರೀಕ್ಷಾ ವೇಳಾಪಟ್ಟಿ ಪ್ರಕಟ

ಶಿಖರ್ ಧವನ್ ಮುತಾಲಿಕೆಡ್ ಶ್ರೀಲಂಕಾ ಮುಟ್ಟಿನ ಟೀಂ ಇಂಡಿಯಾ

ಇನಿರ್ದ್ ಕೇರಳರ್ದ್ ಬರ್ಪಿನಕ್ಲೆಗ್ ನೆಗೆಟಿವ್ ರಿಪೋರ್ಟ್ ಕಡ್ಡಾಯ: ಡಿಸಿ ಡಾ. ರಾಜೇಂದ್ರ

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಸತತ 60 ದಿನರ್ದ್ ವನಸ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ