ನಂದಳಿಕೆ ಇಂಚರ ಸೇವಾ ಬಳಗರ್ದ್ ಬಾಲೆದ ಚಿಕಿತ್ಸೆಗ್ ಪನವುದ ಸಕಾಯ

ಕಾರ್ಲ: ನಂದಳಿಕೆ ಇಂಚರ ಸೇವಾ ಬಳಗ (ರಿ.) ಒಂಜಿ ಬಡಪತ್ತ್ ಕುಟುಂಬಗ್ ಪನವುದ ಸಕಾಯನ್ ಮಲ್ದ್ಂಡ್.

ಕಾರ್ಲ ತಾಲೂಕ್ ದ ಪಡ್ಡೆದ್ರ ಸುರೇಖಾ ಬೊಕ್ಕ ಪ್ರಶಾಂತ್ ಮೊಕ್ಲೆನ 8 ತಿಂಗೊಲ್ದ ಧ್ರುವಿ ಪೂಜಾರಿ ಪನ್ಪುನ ಬಾಲೆ ಲಿವರ್ ಸಮಸ್ಯೆರ್ದ್ ನರಲೊಂದು ಉಂಡು. ಈ ಬಾಲೆದ ಚಿಕಿತ್ಸೆಗ್ 30 ಲಕ್ಷದ ಅವಶ್ಯಕತೆ ಉಂಡು ಪಂದ್ ಬೆಂಗ್ಲೂರು ಕೆ.ಎಂ.ಸಿ ಆಸ್ಪತ್ರೆದ ವೈದ್ಯೆರ್ ತೆರಿಪಾದೆರ್.

ಅಂಚಾದ್ ಬಾಲೆದ ಚಿಕಿತ್ಸೆದ ಆಸ್ಪತ್ರೆ ಕರ್ಚಿಗ್ ಡಿ.17 ಬೊಕ್ಕ 18 ಕ್ಕ್ ತಿಬಾರ್ ಶ್ರೀ ಕೊಡಮಂದಾಯ ದೈವೊಲ್ಯಡ್ ಬೊಕ್ಕ ಡಿ.18 ಕ್ಕ್ ಸೂಡ ಶ್ರೀ ಸುಬ್ರಮಣ್ಯ ದೇವಲ್ಯಡ್ ನಿಧಿ ಸಂಗ್ರಹ ಮಲ್ತೆರ್. ನೆಟ್ಟ್ ಮೊಕ್ಲೆಗ್ 1,18,075/-ರೂ. ಸಂಗ್ರಹ ಆತ್ಂಡ್.