ಮುಖ್ಯಮಂತ್ರಿಲೆಗ್ ತುಳು ಚಲನಚಿತ್ರ ನಿರ್ಮಾಪಕರ ಸಂಘದ ಓಲೆ
ಕುಡ್ಲ : ತುಳು ಭಾಷೆದ ಬೆಳವಣಿಗೆಡ್ ತುಳು ನಾಟಕ ತುಳು ಸಿನಿಮಾದ ಕೊಡುಗೆ ಮಸ್ತ್ ಉಂಡು. ತುಳು ಸಿನಿಮಾ ರಂಗಗ್ ಸುಮಾರ್ 55 ವರ್ಷದ ಇತಿಹಾಸ ಉಂಡು. ಇದಮುಟ್ಟ ತುಳುಟ್ಟು 150 ರ್ದುಲ ಎಚ್ಚ ಸಿನಿಮಾ ರಿಲೀಸ್ ಆತ್ಂಡ್. ಆತೆ ಅತ್ತಾಂದೆ ರಾಜ್ಯ, ರಾಷ್ಟ್ರೀಯ ಮಟ್ಟದ ಪ್ರಶಸ್ತಿಲು ಕೆಲವು ಸಿನಿಮಾಗ್ ತಿಕ್ದ್ಂಡ್. ಪ್ರತೀ ವರ್ಷ 15ರ್ದ್ಲ ಹೆಚ್ಚ ಸಿನಿಮಾ ತುಳುಟ್ಟು ಬರ್ಪುಂಡು. ಈ ನಿಲೆಟ್ಟ್ ಪ್ರಾದೇಶಿಕ ಭಾಷೆಡ್ ತಯಾರಾಪಿನ ಕನಿಷ್ಠ 10 ಪಿಚ್ಚರ್ಗ್ ಸಬ್ಸಿಡಿ ಕೊರೊಡು ಪಂದ್ ತುಳು ಚಲನಚಿತ್ರ ನಿರ್ಮಾಪಕೆರ್ನ ಸಂಘದ ಅಧ್ಯಕ್ಷೆರ್ ಆರ್ ಧನರಾಜ್ ಕುಡ್ಲಡ್ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ಮೆರೆನ್ ಭೇಟಿ ಮಲ್ತ್ದ್ ಬಿನ್ನಾಪುದ ಓಲೆ ಕೊರಿಯೆರ್.
ಡಿಸೆಂಬರ್ 25ರ್ದ್ 27 ಮುಟ್ಟ ಕುಡ್ಲಡ್ ಪ್ರಾದೇಶಿಕ ಭಾಷಾ ಅಂತಾರಾಷ್ಟ್ರೀಯ ಚಲನ ಚಿತ್ರೋತ್ಸವನ್ ಮಲ್ಪರೆ ತೀರ್ಮಾನ ಮಲ್ತ್ದ್, ಅಯಿತ ಉದ್ಘಾಟನೆನ್ ಈರೇ ಮಲ್ಪೊಡು ಪಂದ್ ಮನವಿ ಮಲ್ತೆರ್.
ಪ್ರಾದೇಶಿಕ ಚಲನಚಿತ್ರ ನಿರ್ಮಾಪಕೆರೆನ ಸಬ್ಸಿಡಿ ಸಮಿತಿ, ಪ್ರಶಸ್ತಿ ಸಮಿತಿ ಬೊಕ್ಕ ಸೆನ್ಸಾರ್ ಸಮಿತಿಗ್ ಸೇರ್ಸಾವೊಡು ಪಂದ್ ಓಲೆಡ್ ತೆರಿಪಾದೆರ್.