ಡಿ.10: ತುಳು ಒಕ್ಕೂಟದ ಸಭೆ

ಮಹಾನಗರ: ಅಖಿಲ ಭಾರತ ತುಳು ಒಕ್ಕೂಟದ ಮಹಾಸಭೆ ಡಿ.10 ಕ್ಕ್ ಕಾವೂರುದ ಮುಗ್ರೋಡಿ ಎನ್ ಕ್ಲೇವ್ ಡ್ ಇಪ್ಪುನ ಅಖಿಲ ಭಾರತ ತುಳು ಒಕ್ಕೂಟದ ಸಭಾಂಗಣಡ್ ನಡಪರೆ ಉಂಡು.

ನೆತ್ತ ಅಟ್ಟಣೆದ ಸಭೆ ಗುರ್ಕಾರೆ ಎ.ಸಿ ಭಂಡಾರಿ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್. ಈ ಸಭೆಟ್ಟ್ ದೇಶದ 44 ಒಕ್ಕೂಟದ ಸದಸ್ಯೆರ್, ತುಳು ಸಂಘಟನೆಲೆನ 3 ಪ್ರತಿನಿಧಿಲು ಪಾಲ್ ಪಡೆಯೆರೆ ಉಲ್ಲೆರ್. ಮುಖ್ಯವಾದ್ ತುಳುಭಾಷೆ ಮಾನ್ಯತೆದ ಪೊರ್ಂಬಾಟದ ರೂಪುರೇಖೆ, ಬೈಲಾ ತಿದ್ದುಪಡಿ, ಪರಿಷ್ಕರಣೆ ಬೊಕ್ಕ ಒಕ್ಕೂಟದ ಮುತಾಲಿಕೆಡ್ ದುಂಬಗ್ ನಡಪರೆ ಇಪ್ಪುನ ತುಳು ಭಾಷೆ ಸಂಸ್ಕೃತಿ, ಅಭಿವೃದ್ಧಿಗ್ ಸಂಬಂಧಪಟ್ಟಿನ ಲೇಸ್ ದ ಬಗೆಟ್ಟ್ ಅಂಚೆನೆ ಸದಸ್ಯೆರೆನ ಕೂಟಲೆನ ಲೇಸ್ ದ ಬಗೆಟ್ಟ್ ಸಭೆಟ್ಟ್ ನಿರ್ಧಾರ ದೆತೊಂಡೆರ್.

ಈ ಪೊರ್ತುಡು ಪದುಕೆರಾಯಿನ ಮುಲ್ಕಿ ಕರುಣಾಕರ ಶೆಟ್ಟಿ, ಮೋಹನ್ ದಾಸ್ ಹಿರಿಯಡ್ಕ, ಚಂದ್ರಶೇಖರ್ ಸುವರ್ಣ, ಪಿ.ಎ ಪೂಜಾರಿ, ತಾರಾನಾಥ ಶೆಟ್ಟಿ ಬೋಳಾರ್, ರಾಜೇಶ್ ಆಳ್ವ, ಮಹಿಳಾ ವಿಭಾಗದ ವಿಜಯಲಕ್ಷ್ಮೀ ಬಿ. ಶೆಟ್ಟಿ, ಸುಕಲಾಕ್ಷಿ ಸುವರ್ಣ ಇತ್ತೆರ್.