ಬಿಹಾರದ ಇಟ್ಟಿಗೆ ಕಾರ್ಖಾನೆಡ್ ಪುಡಾದ್ 7 ಜನ ತೀರ್ ಪೋಯೆರ್

ಡೆಲ್ಲಿ: ಇಟ್ಟಿಗೆ ಕಾರ್ಖಾನೆಡ್ ಪುಡಾದ್ 7 ಜನ ಬೇಲೆದಕುಲು ತೀರ್ ಪೋಯಿನ ಘಟನೆ ಶುಕ್ರಾರ ಬಯ್ಯಗ್ ಬಿಹಾರದ ರಾಮಗಢ್ವಾ ಪೊಲೀಸ್ ಠಾಣೆ ವ್ಯಾಪ್ತಿಡ್ ನಡತ್ಂಡ್.

ಈ ಘಟನೆದ ಪೊರ್ತುಡು ಸುಮಾರ್ 24 ಜನ ಕಾರ್ಮಿಕೆರ್ ಬೇಲೆ ಮಲ್ತೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್. ನೆಟ್ ಸುಮಾರ್ ಜನಕ್ ಪೆಟ್ಟಾತ್ಂಡ್. ಮೊಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಘಟನೆದ ಬಗೆಟ್ ಪ್ರಧಾನಿ ನರೇಂದ್ರ ಮೋದಿ, ಪ್ರಧಾನಮಂತ್ರಿ ರಾಷ್ಟ್ರೀಯ ಪರಿಹಾರ ನಿಧಿರ್ದ್ ತೀರ್ ಪೋಯಿನಕ್ಲೆನ ಕುಟುಂಬಗ್ 2 ಲಕ್ಷ ರೂ. ಬೊಕ್ಕ ಪೆಟ್ಟಾಯಿನಕ್ಲೆಗ್ 50 ಸಾರ ರೂ. ಪರಿಹಾರ ಘೋಷಣೆ ಮಲ್ದೆರ್.