May 2023

Indian Scientists discover a new massive planet in the solar system!! ಮಲ್ಲ ಗ್ರಹನ್ ಪತ್ತೆ ಮಲ್ತಿನ ಭಾರತದ ವಿಜ್ಞಾನಿಲು

ಗುರು ಗ್ರಹ ಸೌರಮಂಡಲದ ಮಸ್ತ್ ಮಲ್ಲ ಗ್ರಹ. ಆಂಡ ನೇರ್ದ್ ಲ 13 ಪಟ್ಟ್ ಮಲ್ಲ ಇಪ್ಪುನ ಗ್ರಹನ್ ಅಹ್ಮದಾಬಾದ್ ಮೂಲದ ಫಿಸಿಕಲ್ ಲ್ಯಾಬೋರೇಟರಿದ ಪ್ರೊಫೆಸರ್ ಅಭಿಜಿತ್ ಚಕ್ರವರ್ತಿ ಬೊಕ್ಕ ಕೂಟ ಪತ್ತೆ ಮಲ್ದ್ಂಡ್.

ಉಂದು ಭೂಮಿರ್ದ್ 731 ಜ್ಯೋತಿರ್ವರ್ಷ ದೂರಡ್ ಉಂಡು. ಈ ಗ್ರಹದ ತಾಪಮಾನ ಪ್ರಖರ ಆತ್ಂಡ್. ಸುಮಾರ್ 1369 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ಉಂಡು ಪಂದ್ ವಿಜ್ಞಾನಿಲು ತೆರಿಪಾದೆರ್.

Indian Scientists discover a new massive planet in the solar system!!

A massive planet 13 times larger than Jupiter that is the largest planet known till date was discovered by Professor Abijeeth Chakraborty and his team from Physical Laboratory.

June 6 th: Manglore University College – Books release program ಜೂ.6: ಕುಡ್ಲ ವಿಶ್ವವಿದ್ಯಾಲಯ ಕಾಲೇಜ್ ಡ್ ಗೇನದ ಗೆಜ್ಜೆ-ನೂದನೆ ಪಜ್ಜೆ; ತ್ರಿಂಶತಿ ತಿರ್ಲ್ , ಅಪ್ಪೆ ಅಂಜನೆ ಬೂಕು ಬುಡುಗಡೆ

ಕುಡ್ಲ: ಕುಡ್ಲ ವಿಶ್ವವಿದ್ಯಾಲಯದ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ, ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜ್ ಕುಡ್ಲ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠ, ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರ, ನಾದ ನೂಪುರ ಯಕ್ಷೋತ್ಥಾನ ಟ್ರಸ್ಟ್ (NYT) ವಂಡಾರ್ ಮೊಕ್ಲೆನ ಒಟ್ಟುಸೇರಿಗೆಡ್ ಗೇನದ ಗೆಜ್ಜೆ-ನೂದನೆ ಪಜ್ಜೆ ಲೇಸ್ ಅಂಚೆನೆ ತ್ರಿಂಶತಿ ತಿರ್ಲ್ ಬೊಕ್ಕ ಅಪ್ಪೆ ಅಂಜನೆ ಬೂಕುಲೆನ ಬುಡುಗಡೆ ಜೂ.6 ಗುರುವಾರ ಬಯ್ಯಗ್ 4 ಗಂಟೆಗ್ ಹಂಪನಕಟ್ಟೆದ ರವೀಂದ್ರ ಕಲಾಭವನಡ್ ಉಂಡು.

ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಶ್ರೀ ಗುರುದೇವಾನಂದ ಸ್ವಾಮೀಜಿ ಲೇಸ್ ಉದಿಪನ ಮಲ್ತ್ ದ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಕುಡ್ಲ ವಿಶ್ವವಿದ್ಯಾಲಯದ ಗೌರವಾನ್ವಿತ ಕುಲಪತಿ ಪ್ರೊ.ಪಿ ಸುಬ್ರಹ್ಮಣ್ಯ ಯಡಪಡಿತ್ತಾಯ ಗುರ್ಕಾರ್ಮೆನ್ ಒಯಿಸೊಂದು, ಕೃತಿ ಬುಡುಗಡೆ ಮಲ್ಪೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಲಕ್ಷ್ಮೀದೇವಿ ಎಲ್, ವಂಡಾರ್ ಎನ್ ವೈ ಟಿ ಸ್ಥಾಪಕಾಧ್ಯಕ್ಷೆರ್ ಗೋವಿಂದ ವಂಡಾರ್, ಬಾಳ ಕಳವಾರ್ ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿದ ವ್ಯವಸ್ಥಾಪಕೆರ್ ಸುರೇಂದ್ರ ಮಲ್ಲಿ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠದ ಸಲಹಾ ಮಂಡಳಿ ಸದಸ್ಯೆರ್ ಪ್ರವೀಣ್ ಕುಮಾರ್ ಕೋಡಿಯಾಲ್ ಬೈಲ್, ಪ್ರವೀಣ್ ಕುಮಾರ್ ಇಂದ್ರ, ಮೋಹನ್ ಪಡಿವಾಳ್, ರಾಜಶ್ರೀ ಎಸ್ ಹೆಗ್ಡೆ ಉಲ್ಲೆರ್.

ಅಂಚೆನೆ ಜೈ ಗುರುದೇವ ಕಲಾಕೇಂದ್ರ ಒಡಿಯೂರು ಮುಲ್ತ ಜೋಕುಲೆರ್ದ್ ಜಾನಪದ ನಲಿಕೆ, ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್, ಶುಭಾಶಯ ಜೈನ್ ಬರೆತಿನ ಅಪ್ಪೆ ಅಂಜನೆ ತುಳು ಪ್ರಸೊಂಗದ ಕಡೀರ ಪ್ರದರ್ಶನ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರೆನ್ಲಾ ಲೇಸ್ ದ ಸಂಯೋಜಕೆರ್ ಜಯಲಕ್ಷ್ಮಿ ಆರ್. ಶೆಟ್ಟಿ, ಶುಭಾಶಯ ಜೈನ್, ಶ್ರೀ ಧ. ಮಂ. ತುಳುಪೀಠ ಬೊಕ್ಕ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗದ ಸಂಯೋಜಕೆರ್ ಡಾ. ಮಾಧವ ಎಂ.ಕೆ, ಕುಡ್ಲ ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜ್ ದ ಪಾಂಶುಪಾಲೆರ್ ಡಾ. ಲಕ್ಷ್ಮೀ ದೇವಿ ಎಲ್ ಎದ್ಕೊನೊಂದುಲ್ಲೆರ್.

June 6 th: Manglore University College – Books release program

Books with the following titles – Geynada Gejje Nudaney Pejjje, Trimshathi Thirlu, Appe Anjaney will be released on June 6 th at Ravindra Kala Bavan .

The program will be inaugurated and blessed by Sri Gurudeva Nanda Swamiji of Sri Guru Devadatta Sanstan , Odiooru.

Weight of passengers to be taken in Air Newzealand flights from June 2 nd ಜೂನ್ 2ರ್ದ್ ಇಮಾನಡ್ ಪ್ರಯಾಣಿಕೆರೆನ ತೂಕದ ಲೆಕ್ಕ!

ಏರ್ ನ್ಯೂಜಿಲೆಂಡ್ ಇಮಾನಯಾನ ಸಂಸ್ಥೆ ವಿನೂತನ ನಿರ್ಧಾರ ದೆತೊಂದುಂಡು.

ಜೂನ್ 2 ರ್ದ್ ಸಾಮಾನ್ಯ ಲಗೇಜ್ ದೊಟ್ಟಿಗೆ, ಪ್ರಯಾಣಿಕೆರೆನ ತೂಕನ್ ಲೆಕ್ಕ ಮಲ್ಪೆರೆ ಆಪುಂಡು ಪಂದ್ ಪ್ರಕಟಣೆಡ್ ತೆರಿಪಾದ್ಂಡ್.

ಇಂಚ ಮಲ್ಪುನೇರ್ದ್ ಇಮಾನ ಟೇಕಾಫ್​ ಆಪಿನ ದುಂಬೇ ಪೈಲೆಟ್ ಗ್ ಪ್ರಯಾಣಿಕೆರೆನ ಸರಾಸರಿ ತೂಕ ಗೊತ್ತಾಪುಂಡು ಪಂದ್ ತೆರಿಪಾದ್ಂಡ್.

Weight of passengers to be taken in Air Newzealand flights from June 2 nd

This descision was taken so that the pilot can know the total weight in the aircraft along with luggage during take off of the flight.

Hereditary Managing trustee of Surya Sri Sadashiva Rudra temple, Subhas Chandra no more ದೇವೆರೆ ಪಾದೊ ಸೇರಿಯೆರ್ ಸುರ್ಯ ಶ್ರೀ ಸದಾಶಿವ ರುದ್ರ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಸುಭಾಷ್ ಚಂದ್ರ ಸುರ್ಯಗುತ್ತು

ಸುರ್ಯ ಶ್ರೀ ಸದಾಶಿವ ರುದ್ರ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್, ನಿವೃತ್ತ ಅಸಿಸ್ಟೆಂಟ್ ಕಮಿಷನರ್ ಆಫ್ ಪೊಲೀಸ್ (ACP) ಆಯಿನ ಸುಭಾಷ್ ಚಂದ್ರ ಸುರ್ಯಗುತ್ತು, ಮೇರ್ (ಮೇ31) ಕೋಡೆ ಕಾಂಡೆ 2:45 ಕ್ಕ್ ದೇವೆರೆ ಪಾದೊ ಸೇರಿಯೆರ್.

ಕುಡ್ಲ ಅಶೋಕನಗರದ ಪಾಲ್ಗುಣಿ ಪೇಂಟೆದ ಮೆರೆನ ನಿವಾಸಡ್ ಬೊಲ್ಪುಗು 8:30 ಮುಟ್ಟ ಅಕೇರಿದ ದರ್ಶನಗ್ ವ್ಯವಸ್ಥೆ ಮಲ್ದೆರ್. ಬೊಕ್ಕ ಮೆರೆನ ಪುಟ್ಟಿನ ಊರು ಸುರ್ಯಗುತ್ತುಡ್ ಮೆರೆನ ಅಕೇರಿದ ವಿಧಿ ವಿಧಾನನ್ ಮಧ್ಯಾಹ್ನ 12 ಗಂಟೆಗ್ ನಡಪರೆ ಉಂಡು.

ಬಂಟ ಸಮಾಜದ ಸಮಾಜ ಕಲ್ಯಾಣ ಯೋಜನೆ ರಾಜ್ಯೊಗೇ ಮಾದರಿ : ಸ್ಪೀಕರ್ ಯು.ಟಿ.ಖಾದರ್

ಮುಲ್ಕಿಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಸಮಾಜ ಕಲ್ಯಾಣ ಲೇಸ್

ಮುಲ್ಕಿ: ಪರಿಶ್ರಮ ಬತ್ತ್ ದ್ ಮಿತ್ತ್ ಬತ್ತಿನ ಬಂಟ ಸಮಾಜ, ಬಡಪತ್ತ್ ದಕ್ಲೆಗ್ ಸಕಾಯ ಮಲ್ಪುನ ಎಡ್ಡೆ ಮನಸ್ ದ ಮುಕೇನ ಸಂಘಟನಾತ್ಮಕವಾದ್ ಗಟ್ಟಿಯಾತ್ಂಡ್. ಸಮಾಜೊಡು ನಮ ಪುಟ್ಟುನಗ ಬಡಪತ್ತ್ ಇತ್ತ್ಂಡಲ ಸೈನಗಲ ಬಡಪತ್ತ್ ಡೇ ಸೈಯೊಡು ಪಂದ್ ದಾಲ ಇಜ್ಜಿ. ಎಡ್ಡೆ ಶಿಕ್ಷಣ ದೆತೊಂದು ಸಮಾಜನ್ ಬುಲೆಪಾದ್ ಗಟ್ಟಿ ಮಲ್ಪುಲೆ. ಸಮಾಜ ಬೊಕ್ಕ ಸಂಘಟನೆನ್ ಉಂದೆಕ್ಕ್ ಮೀಸಲು ದೀಲೆ. ಬಂಟ ಸಮಾಜದ ಸಮಾಜ ಕಲ್ಯಾಣ ಯೋಜನೆ ರಾಜ್ಯೊಡೇ ಮಾದರಿ ಆವಡ್ ಪಂದ್ ವಿಧಾನಸಭೆತ್ತ ಪೊಸ ಸ್ಪೀಕರ್ ಯು.ಟಿ.ಖಾದರ್ ಪಂಡೆರ್.

ಆರ್ ಮುಲ್ಕಿಡ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಸಂಯೋಜನೆಡ್ ಸೋಮಾರ ಒಕ್ಕೂಟದ ಕಚೇರಿದ ಜಾಲ್ ಡ್ ನಡತಿನ ಸಮಾಜ ಕಲ್ಯಾಣ ಯೋಜನೆ ಪಟ್ಟುನ ಲೇಸ್ ಡ್ ಮಲ್ಲ ಬಿನ್ನೆರಾದ್ ಬತ್ತ್ ದ್ ಪಾತೆರಿಯೆರ್.

ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ರ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಬಿನ್ನೆರೆನ್ ಎದ್ಕೊಂಡೆರ್. ಕಾಂಗ್ರೆಸ್ ಸರ್ಕಾರೊರ್ದು ಬಂಟ ಸಮಾಜ ಅಭಿವೃದ್ಧಿ ನಿಗಮ, 2 ಎ ಸೇರ್ಸಾವುನಂಚಿನ ಬೇಲೆ ಆವೊಡು ಪಂದ್ ಸಭಾಪತಿಲೆಡ ಬಿನ್ನಾಪು ಮಲ್ತೆರ್. ಎಂಆರ್ ಜಿ ಗ್ರೂಪ್ ದ ಚೇರ್ಮನ್ ಪ್ರಕಾಶ್ ಶೆಟ್ಟಿ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಈ ಪೊರ್ತುಡು ಸಾಧಕೆರಾಯಿನ ಚೇರ್ಕಾಡಿ ಸಚ್ಚಿದಾನಂದ ಶೆಟ್ಟಿ, ಸತೀಶ್ ಶೆಟ್ಟಿ ಉಡುಪಿ, ಡಾ. ನಿರಂಜನ್ ಶೆಟ್ಟಿ ಕೆದೂರು, ದಯಾಮಣಿ ಶೆಟ್ಟಿ ಎಕ್ಕಾರು, ನೀತಾ ರಾಜೇಶ್ ಶೆಟ್ಟಿ ಹಿರಿಯಡ್ಕ, ಅರ್ಪಿತಾ ಶೆಟ್ಟಿ ಕಟಪಾಡಿ, ಪತ್ರಕರ್ತೆರಾಯಿನ ಆರ್. ರಾಮಕೃಷ್ಣ, ಮುಹಮ್ಮದ್ ಆರೀಫ್ ಪಡುಬಿದ್ರೆ, ನಿತಿನ್ ಸಾಲ್ಯಾನ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.

ಅಂಚೆನೆ ಸಭಾಪತಿ ಯು.ಟಿ.ಖಾದರ್, ಕಾಪು ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಮಹಾದಾನಿ ಕನ್ಯಾನ ಸದಾಶಿವ ಶೆಟ್ರೆನ್ ಮಾನಾದಿಗೆ ಮಲ್ತೆರ್. ಅಶೋಕ್ ಶೆಟ್ಟಿ ಪಕ್ಕಳ ಮೇರ್ ಯು.ಟಿ.ಖಾದರ್ ರೆನ ಪೊಲಬು ಮಲ್ತ್ ಕೊರಿಯೆರ್. ಮಂಜುಳಾ ಶೆಟ್ಟಿ, ಶರತ್ ಶೆಟ್ಟಿ ಕಿನ್ನಿಗೋಳಿ,ಆರ್. ಜೆ ನಯನಾ ಮಾನಾದಿಗೆದ ಓಲೆ ಓದಿಯೆರ್.

ಸಮಾಜ ಕಲ್ಯಾಣ ಯೋಜನೆಡ್ ಅಂದಾಜಿ 30 ಲಕ್ಷ ರೂ. ಮುಟ್ಟದ ಪನವುದ‌ ಸಕಾಯೊನು ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಅಂಚೆನೆ ವೈದ್ಯಕೀಯ ಕರ್ಚಿದ ಅಗತ್ಯ ಇತ್ತಿನಕ್ಲೆಗ್ ಪಟ್ಟಿಯೆರ್.

ಒಕ್ಕೂಟದ ಪೋಷಕೆರಾಯಿನ ಆನಂದ ಶೆಟ್ಟಿ ತೋನ್ಸೆ, ಪ್ರವೀಣ್ ಭೋಜ ಶೆಟ್ಟಿ, ಶಶಿಧರ್ ಶೆಟ್ಟಿ ಬರೋಡ, ರಾಜೇಶ್ ಶೆಟ್ಟಿ ರಾಕ್ಷಿ ಬಿಲ್ಡರ್ಸ್, ರವಿನಾಥ್ ಶೆಟ್ಟಿ ಅಂಕಲೇಶ್ವರ್, ವಕ್ವಾಡಿ ಪ್ರವೀಣ್ ಶೆಟ್ಟಿ ದುಬೈ, ಎಂ. ಕರುಣಾಕರ ಶೆಟ್ಟಿ, ಮನೋರಮಾ ಶೆಟ್ಟಿ, ಚೈತ್ರಾ ಶೆಟ್ಟಿ, ವೇಣುಗೋಪಾಲ ಶೆಟ್ಟಿ, ಅಶೋಕ್ ಶೆಟ್ಟಿ, ರತ್ನಾಕರ ಶೆಟ್ಟಿ, ಆದರ್ಶ ಶೆಟ್ಟಿ, ಅಜಿತ್ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಗೌರವ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ ಮೊಕುಲು ಮಾತ ಇತ್ತೆರ್. ಪ್ರಿಯಾ ಹರೀಶ್ ಶೆಟ್ಟಿ ಬೊಕ್ಕ ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ಸುಧಾರಿಕೆ ಮಲ್ತೆರ್.

ತೋಕೂರು ಬ್ರಹ್ಮಕಲಶ ಉಚ್ಚಯದ ಯಶಸ್ವಿಗ್ ಸೊಲ್ಮೆ ಸಂದೈತ ಲೇಸ್

ತೋಕೂರು : ಶ್ರೀ ಸುಬ್ರಾಯ ದೇವೆರ್ ಬಾಲೆ ಮಾಣಿನ ರೂಪೊಡು ಬತ್ತ್ ದ್ ನಿಲೆ ಉಂತಿನ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಜೀರ್ಣೋದ್ಧಾರ, ಬ್ರಹ್ಮಕಲಶ, ನಾಗಮಂಡಲ, ನೇಮೋತ್ಸವ ಬೊಕ್ಕ ನಾಗಮಂಡಲ ಉಚ್ಚಯ ಭಾರಿ ಯಶಸ್ವಿ ಆಯರೆ ಎಡ್ಡೆ ಮನಸ್ ದ ದಾನಿಲು ಅಂಚೆನೆ ಮಲ್ಲ ಸಂಖ್ಯೆದ ಭಕ್ತೆರ್ ಬೊಕ್ಕ ಊರು ಪರವೂರುದಕುಲು ಕಾರಣ ಆತೆರ್. ಅಕ್ಲೆಗ್ ಮಾತೆರೆಗ್ಲ ಶ್ರೀ ಸುಬ್ರಾಯ ದೇವೆರ್ ಆಯುರಾರೋಗ್ಯ ಸುಖ ಶಾಂತಿ ಸಮೃದ್ಧಿನ್ ಕೊರಡ್ ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ತೆರಿಪಾಯೆರ್.

ಆರ್ ಶ್ರೀ ಕ್ಷೇತ್ರದ ಸಭಾಭವನ ಚಾವಡಿಡ್ ಮೇ 28 ಗು ನಡತಿನ “ಧನ್ಯೋಸ್ಮಿ” ಲೇಸ್ ಡ್ ಪಾತೆರಿಯೆರ್. ಲೇಸ್ ದ ಗುರ್ಕಾರ್ಮೆ ಒಯಿಸೊಂದು ಪಾತೆರಿನ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೇರ್, ದೇವೆರ್ನ ಬೊಕ್ಕ ಸಮಾಜದ ಸೇವೆ ಮಲ್ತಿನ ಮಾತಾ ಭಕ್ತೆರೆಗ್ ಲ ದೇವೆರ್ ಪ್ರತಿಫಲ ಕೊರ್ಪೆರ್. ನಿಕ್ಲೆನ ಮಾತೆರ್ನಲ ಸೇವೆ ದೇವೆರೆಗ್ ಸಂದ್ ದ್ಂಡ್ ಪಂಡೆರ್.

ಸಮಿತಿದ ಪ್ರಧಾನ ಸಂಚಾಲಕೆರ್ ಡಾ.ಸೋಂದಾ ನಾರಾಯಣ ಭಟ್, ಉಗ್ರಾಣ ಸಮಿತಿದ ಗಂಗಾಧರ ಶೆಟ್ಟಿ ಬರ್ಕೆತೋಟ, ಭಜನಾ ಸಮಿತಿದ ಅನುಪಮಾ ರಾವ್, ಬಾಲಚಂದ್ರ ರಾವ್ ನಂದಳಿಕೆ, ಮಾಧ್ಯಮ ಸಮಿತಿದ ನರೇಂದ್ರ ಕೆರೆಕಾಡು, ದೀಪಕ್ ಸುವರ್ಣ ಅಭಿಪ್ರಾಯ ಪಟ್ಟೊಂಡೆರ್.

ಧಾರ್ಮಿಕ ಪರಿಷತ್ ಮಾಜಿ ಸದಸ್ಯೆರ್ ಭುವನಾಭಿರಾಮ ಉಡುಪ,ಬ್ರಹ್ಮಕಲಶೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಬಿ.ರಾಮಣ್ಣ ದೇವಾಡಿಗ,ವ್ಯವಸ್ಥಾಪನಾ ಸಮಿತಿದ ಸದಸ್ಯೆರಾಯಿನ ವಿಜಯಕುಮಾರ್ ರೈ, ವಿಪುಲ ಶೆಟ್ಟಿಗಾರ್,ಎಲ್.ಕೆ. ಸಾಲ್ಯಾನ್, ಶಾರದಾ ಬಂಗೇರ, ಮೋಹನ್ ದಾಸ್, ಸಂತೋಷ್ ದೇವಾಡಿಗ, ವಿನೋದ್ ಸಾಲ್ಯಾನ್, ಧರ್ಮಾನಂದ ಶೆಟ್ಟಿಗಾರ್ ಮೊಕುಲು ಮಾತ ಇತ್ತೆರ್.

The President of India and the prime minister welcome the King of Cambodia ಕಾಂಬೋಡಿಯನ್ ರಾಜನ್ ಎದ್ಕೊನಿಯೆರ್ ರಾಷ್ಟ್ರಪತಿ, ಪ್ರಧಾನಿ ಮೋದಿ

ಡೆಲ್ಲಿದ ರಾಷ್ಟ್ರಪತಿ ಭವನಡ್ ಕಾಂಬೋಡಿಯಾದ ರಾಜೆ ನೊರೊಡಮ್ ಸಿಹಾಮೋನಿ ಮೆರೆನ್ ಇನಿ ಬೊಲ್ಪುಗು ರಾಷ್ಟ್ರಪತಿ ಮುರ್ಮು ಬೊಕ್ಕ ಪ್ರಧಾನಿ ನರೇಂದ್ರ ಮೋದಿ ಮೇರ್ ಎದ್ಕೊನಿಯೆರ್.

3 ದಿನತ್ತ ಪ್ರವಾಸಡ್ ಇಪ್ಪುನ ಮೇರ್ ಒಂಜಿ ದಿನ‌ ದುಂಬೇ ಡೆಲ್ಲಿಗ್ ಬೈದೆರ್. ಸುಮಾರ್ 60 ವರ್ಷಡೇ ಕಾಂಬೋಡಿಯಾದ ರಾಜಯೊರಿ ಭಾರತಗ್ ಭೇಟಿ ಕೊರೊಂದು ಇಪ್ಪುನೇ ಉಂದುವೇ ಸುರು ಆತ್ಂಡ್.

The President of India and the prime minister welcome the King of Cambodia

The President Droupadi Murmu and PM Narendra Modi welcomed the King of Cambodia Norodom Sihamoni at the Rastrapati Bhavan in New Delhi today. The king is on a three day visit to the country.