ಉಳ್ಳಾಲ: ಬೈಕ್ ಆಕ್ಸಿಡೆಂಟ್ ಆದ್ ಪೊಂಜೋವು ತೀರ್ ಪೋಯಿನ ಘಟನೆ ಉಳ್ಳಾಲದ ನಾಟೆಕಲ್ ಕೈತಲ್ ಐತಾರ ನಡತ್ಂಡ್.
ಹಳೆಯಂಗಡಿ ತೋಕೂರು ನಿವಾಸಿ ಶ್ರೀ ನಿಧಿ (29) ತೀರ್ ಪೋಯಿನಾರ್. ಬೈಕ್ ಬುಡೊಂದಿತ್ತಿನ ಯತೀಶ್ ದೇವಾಡಿಗ ಮೆರೆಗ್ ಮಸ್ತ್ ಪೆಟ್ಟಾದಿತ್ತ್ದ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಮುಡಿಪುಡ್ ಇತ್ತಿನ ಸಂಬಂಧಿಕೆರೆನ ಇಲ್ಲ್ ಒಕ್ಕೆಲ್ಗ್ ಪೋದು ಪಿರ ತಿರ್ಗ್ದ್ ಬರ್ಪುನ ಪೊರ್ತುಡು ಬೈಕ್ ಡ್ರೈವರ್ನ ಅಕಲ್ ತತ್ತ್ದ್ ನಾಟೆಕಲ್ ಗ್ರೀನ್ ಗ್ರೌಂಡ್ ಕೈತಲ್ ಇತ್ತಿನ ಡಿವೈಡರ್ಗ್ ಗುದ್ದ್ದ್ಂಡ್.
ಕುಡ್ಲ ದಕ್ಷಿಣ ಸಂಚಾರಿ ಠಾಣಾ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ದೆರ್. ನಿಧಿ ಮೆರೆಗ್ ರಡ್ಡ್ ಎಲ್ಯ ಜೋಕುಲ್ ಉಲ್ಲೆರ್.