ಒಡಿಪು: ಪಿರವುದ ಕಾಲಡ್ ಋಷಿ ಮುನಿಕುಲು ಪರಿಶುದ್ಧಿಗ್ ಮಸ್ತ್ ಮಹತ್ವ ಕೊರ್ಪುನ ಉದ್ದೇಶಡ್ ಕಾಡ್ , ಗುಹೆ, ಪರ್ವತಗ್ ಪೋದು ತಪ್ಪಸ್ಸ್ ಮಲ್ತೊಂದಿತ್ತೆರ್. ದೇವಸ್ಥಾನದ ಪಾವಿತ್ರ್ಯತೆಗ್ ದೇವಸ್ಥಾನದ ಉಲಯಿ ಬೊಕ್ಕ ಪಿದಯಿ ಸ್ವಚ್ಛತೆನ್ ಕಾಪುನವು ಮುಖ್ಯ. ಬ್ರಹ್ಮಕಲಶೋತ್ಸವದ ಪೊರ್ತುಡು ನಡಪರೆ ಇತ್ತಿನ ಮಾತ ಧಾರ್ಮಿಕ ಪ್ರಕ್ರಿಯೆಲು ಪರಿಶುದ್ಧಿ ಬೊಕ್ಕ ಸ್ವಚ್ಛತೆರ್ದ್ ನಡತ್ಂಡ ಅಲ್ಪ ದೇವೆರೆನ ಸಾನಿಧ್ಯ ಇಪ್ಪುಂಡು ಪಂದ್ ಶ್ರೀ ಪೇಜಾವರ ಮಠಾಧೀಶೆರ್ ಆಯಿನ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರ್ ಪಂಡೆರ್.
ಪೆರ್ಣಂಕಿಲ ಶ್ರೀ ಮಹಾಲಿಂಗೇಶ್ವರ ಶ್ರೀ ಮಹಾಗಣಪತಿ ದೇವಸ್ಥಾನಡ್ ಬ್ರಹ್ಮಕಲಶೋತ್ಸವದ ಅಂಗವಾದ್ ನಡತಿನ ಧಾರ್ಮಿಕ ಸಭೆಟ್ಟ್ ಶ್ರೀಪಾದೆರ್ ಆಶೀರ್ವಚನ ಕೊರಿಯೆರ್.
ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ವಿ| ಹರಿದಾಸ ಭಟ್ ಅಧ್ಯಕ್ಷತೆ ವಹಿಸೊಂದು ಇತ್ತೆರ್. ವಿ| ಪಂಜ ಭಾಸ್ಕರ ಭಟ್ ಧಾರ್ಮಿಕ ಉಪನ್ಯಾಸ ಕೊರಿಯೆರ್. ಪೇಜಾವರ ಮಠದ ದಿವಾನ ಎಂ. ರಘುರಾಮ ಆಚಾರ್ಯ, ಕಾರ್ಯನಿರ್ವಹಣಾಧಿಕಾರಿ ಸುಬ್ರಹ್ಮಣ್ಯ ಭಟ್, ಜೀರ್ಣೋದ್ಧಾರ ಸಮಿತಿ ಪ್ರಧಾನ ಕಾರ್ಯದರ್ಶಿ ಶ್ರೀಶ ನಾಯಕ್, ಮಾರ್ಗದರ್ಶಕೆರ್ ಆಯಿನ ವಿ| ಮಧುಸೂದನ ತಂತ್ರಿ, ಸುಬ್ರಹ್ಮಣ್ಯ ಅವಧಾನಿ, ಸಮಿತಿ ಸಂಘಟನೆದ ಕಾರ್ಯದರ್ಶಿ ಸದಾನಂದ ಪ್ರಭು ಈ ಪೊರ್ತುಡು ಪಾಲ್ ಪಡೆದ್ ಇತ್ತೆರ್.
ಉಪಾಧ್ಯಕ್ಷೆರ್ ಶ್ರೀಕಾಂತ್ ನಾಯಕ್ ಅಲೆವೂರು ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಕಾರ್ಯದರ್ಶಿ ಉಮೇಶ್ ನಾಯಕ್ ಲೇಸ್ ಸುದಾರಿಕೆ ಮಲ್ತ್ದ್ ಸೊಲ್ಮೆ ಸಂದೈತ ಮಲ್ತೆರ್.