ಪುದೆ ಕಾಣಿಕೆದ ಮೆರವಣಿಗೆಗ್ ಸೇರಿಯೆರ್ ಸಾರರ್ದ್ ಎಚ್ಚದ ಭಕ್ತೆರ್ ಮಲ್ಪೆ ಶ್ರೀ ವಡಭಾಂಡ ಬಲರಾಮ ದೇವಸ್ಥಾನದ ಪ್ರತಿಷ್ಠಾ ಬ್ರಹ್ಮಕಲಶ

ಮಲ್ಪೆ: ವಡಭಾಂಡೇಶ್ವರ ಶ್ರೀ ವಡಭಾಂಡ ಬಲರಾಮ ದೇವಸ್ಥಾನಡ್ ಮಾ.19-29 ಮುಟ್ಟ ನಡಪುನ ಪುನಃ ಪ್ರತಿಷ್ಠೆ, ಅಷ್ಟಬಂಧ ಬ್ರಹ್ಮಕಲಶೋತ್ಸವದ ಅಂಗವಾದ್ ಅಂಗಾರೆ ಬಯ್ಯ 4 ಗಂಟೆರ್ದ್ ಪುದೆಕಾಣಿಕೆದ ಮೆರವಣಿಗೆ ಕೊಡವೂರು ಶಂಕರನಾರಾಯಣ ದೇವಸ್ಥಾನರ್ದ್ ಸುರು ಆದ್ ವಡಭಾಂಡ ಬಲರಾಮ ದೇವಸ್ಥಾನ ಮುಟ್ಟ ಭಾರೀ ಗೌಜಿಡ್ ನಡತ್ಂಡ್.

ಭಕ್ತವೃಂದ ವಡಭಾಂಡೇಶ್ವರ ಮುತಾಲಿಕೆಡ್ ದೇವೆರೆಗ್ ಬೊಳ್ಳಿದ ಪ್ರಭಾವಳಿ, ಪಾಣಿಪೀಠ ಅಂಚನೆ ಗರ್ಭಗುಡಿ ದ್ವಾರದ ಬಾಕಿಲ್‌ಗ್ ಬೊಳ್ಳಿ ಕವಚನ್ ಕೊಡುಗೆಯಾದ್ ಕೊರ್ತೆರ್. ಕೊಡವೂರು ಶಂಕರನಾರಾಯಣ ದೇವಸ್ಥಾನಡ್ ಪಲಿಮಾರು ಮಠದ ಶ್ರೀ ವಿದ್ಯಾಧೀಶ ಸ್ವಾಮಿಲು ಮೆರವಣಿಗೆಗ್ ಚಾಲನೆ ಕೊರಿಯೆರ್. ಕೊಡವೂರು ದೇವಲ್ಯರ್ದ್ ಪಿದಾಡಿನ ಮೆರವಣಿಗೆ ಸಿಟಿಜನ್ ಸರ್ಕಲ್ ಮಾರ್ಗವಾದ್ ಶ್ರೀ ವಡಭಾಂಡ ಬಲರಾಮ ದೇವಸ್ಥಾನ ಮುಟ್ಟ ಬೈದಿತ್ತ್ಂಡ್. ಶಾಸಕೆರ್ ಯಶ್ಪಾಲ್ ಸುವರ್ಣ ಮೇರ್ ಬೇತೆ ಬೇತೆ ರೀತಿದ ಟ್ಯಾಬ್ಲೋಲೆಗ್ ಚಾಲನೆ ಕೊರಿಯೆರ್.

ಮೆರವಣಿಗೆಡ್ ಪೂರ್ಣ ಕುಂಭ, 101 ಚೆಂಡೆ, ಕೀಲು ಕುದುರೆ, ಕೊಂಬು, ವಾದ್ಯ, ಕುಣಿತ ಭಜನೆ, ತಟ್ಟಿರಾಯ, ನಾಸಿಕ್ ಬ್ಯಾಂಡ್, ಯಕ್ಷಗಾನ, ಬೇತೆ ಬೇತೆ ರೀತಿದ ವೇಷಭೂಷಣಲು, ಟ್ಯಾಬ್ಲೋಲು, ೭೦ರ್ದ್ ಎಚ್ಚ ಪುದೆಕಾಣಿಕೆದ ಗಾಡಿಲು, 4 ಸಾರರ್ದ್ ಎಚ್ಚದ ಭಕ್ತೆರ್ ಮೆರವಣಿಗೆಡ್ ಪಾಲ್ ಪಡೆದ್ ದೇವಲ್ಯ ಮುಟ್ಟ ಬತ್ತೆರ್.

ದೇವಸ್ಥಾನದ ಪ್ರಧಾನ ತಂತ್ರಿ ಬ್ರಹ್ಮಶ್ರೀ ಸುಬ್ರಹ್ಮಣ್ಯ ತಂತ್ರಿ, ಅಭಿವೃದ್ಧಿ ಸಮಿತಿದ ಗೌರವಾಧ್ಯಕ್ಷೆರ್ ಶ್ರೀಶ ಭಟ್ ಕಡೆಕಾರ್, ಅಧ್ಯಕ್ಷೆರ್ ನಾಗರಾಜ್ ಮೂಲಿಗಾರ್, ಪ್ರಧಾನ ಕಾರ್ಯದರ್ಶೆರ್ ಶಶಿಧರ ಎಂ. ಅಮೀನ್, ಅನುವಂಶಿಕ ಮೊಕ್ತೇಸರೆರ್ ಟಿ. ಶ್ರೀನಿವಾಸ ಭಟ್, ಪವಿತ್ರಪಾಣಿ ಶಂಕರನಾರಾಯಣ ಐತಾಳ್, ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಸಾಧು ಸಾಲ್ಯಾನ್, ಗೌರವಾಧ್ಯಕ್ಷೆರ್ ಆನಂದ ಪಿ. ಸುವರ್ಣ, ಹರಿಯಪ್ಪ ಕೋಟ್ಯಾನ್, ಉಪಾಧ್ಯಕ್ಷೆರ್ ರಮೇಶ್ ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಜಿ. ಕೊಡವೂರು, ಕಾರ್ಯದರ್ಶಿ ಜನಾರ್ದನ ಕೊಡವೂರು, ಪ್ರಮುಖೆರ್ ಆಯಿನ ತೋಟದಮನೆ ದಿವಾಕರ ಶೆಟ್ಟಿ, ನಾಗರಾಜ್ ಸುವರ್ಣ, ಕಿಶೋರ್ ಡಿ. ಸುವರ್ಣ, ಸುಭಾಸ್ ಮೆಂಡನ್, ರಾಮಚಂದ್ರ ಕುಂದರ್, ಹಿರಿಯಣ್ಣ ಕಿದಿಯೂರು, ಈಶ್ವರ್ ಸಾಲ್ಯಾನ್, ಶಶಿಧರ್ ಕುಂದರ್, ದಿನೇಶ್ ಸುವರ್ಣ, ಶರತ್ ಕುಮಾರ್, ಶೇಖರ್ ಜಿ. ಕೋಟ್ಯಾನ್, ಡಾ| ವಿಜಯೇಂದ್ರ, ದಯಾನಂದ ಕೆ. ಸುವರ್ಣ, ಮೀನಾಕ್ಷಿ ಮಾಧವ, ದಯಕರ್ ವಿ. ಸುವರ್ಣ, ಜ್ಞಾನೇಶ್ವರ್ ಕೋಟ್ಯಾನ್, ವಿಜಯ್ ಕೊಡವೂರು, ವಿಜಯ್ ಕುಂದರ್, ಪಾಂಡುರಂಗ ಮಲ್ಪೆ, ಬಾಲಕೃಷ್ಣ ಮೆಂಡನ್, ಧನಂಜಯ್ ಕಾಂಚನ್, ರತ್ನಾಕರ್ ಸಾಲ್ಯಾನ್, ವಿಜಯ ಸುವರ್ಣ, ಅಶೋಕ್ ಕೋಟ್ಯಾನ್, ಅಭಿವೃದ್ಧಿ ಸಮಿತಿ ಬೊಕ್ಕ ಬ್ರಹ್ಮಕಲಶೋತ್ಸವ ಸಮಿತಿದ ಸದಸ್ಯೆರ್, ಭಕ್ತೆರ್, ಗುರಿಕಾರೆರ್, ಗ್ರಾಮಸ್ಥೆರ್ ಈ ಪೊರ್ತುಡು ಪಾಲ್ ಪಡೆದ್ ಇತ್ತೆರ್.