ಹಿರೇಬಂಡಾಡಿದ ಯೋಧೆ ಗುಣಕರ್ ಗ್ ಸೇವಾ ನಿವೃತ್ತಿ

ಪುತ್ತೂರು: ಭಾರತೀಯ ಸೇನೆಡ್ ಬೇಲೆ ಮಲ್ತೊಂದು ಇತ್ತಿನ ಹಿರೇಬಂಡಾಡಿ ಗ್ರಾಮದ ಕೆರ್ನಡ್ಕ ನಿವಾಸಿ ಗುಣಕರ್ ಮಾ.1 ತಾರೀಕ್ ದಾನಿ ಸೇವಾ ನಿವೃತ್ತಿನ್ ಪಡೆಯೆರ್.

ಮೇರ್ ಭಾರತೀಯ ಭೂ ಸೇನೆಡ್ ಸಿಕಂದರಾಬಾದ್, ಪಂಜಾಬ್, ಜಮ್ಮುಕಾಶ್ಮೀರ, ಉತ್ತರಪ್ರದೇಶ, ಅಸ್ಸಾಂ, ಮಿಜೋರಾಂ, ಮಧ್ಯಪ್ರದೇಶ, ಗುಜರಾತ್, ಸಿಕ್ಕಿಂ, ಡೋಕ್ಲಾಂ(ಚೀನಾದ ಗಡಿ) ಮೂಲು ಮಾತ 30 ವರ್ಷರ್ದ್ ಸೇವೆ ಮಲ್ತ್ ದ್, ಭಡ್ತಿ ಆದ್ ಕಮಿಷನ್ ಆಫೀಸರ್ ಆದ್ ಸೇವೆ ಮಲ್ತ್ ದ್ ಇನಿ ಸೇವಾ ನಿವೃತ್ತಿ ಪಡೆಯೆರೆ ಉಲ್ಲೆರ್.

ಮೇರ್ ಹಿರೇಬಂಡಾಡಿ ಗ್ರಾಮದ ಕೆರ್ನಡ್ಕ ವೀರಪ್ಪ ಪೂಜಾರಿ ಬೊಕ್ಕ ಲಕ್ಷ್ಮೀ ದಂಪತಿಲೆನ ಮಗೆ.