ಕಡಬ ತಾಲೂಕು ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವಾರ್ಷಿಕ ಚಂಪಾಷಷ್ಠಿ ಮಹೋತ್ಸವ ಡಿಸೆಂಬರ್ 24 ಮುಟ್ಟ ನಡಪೆರೆ ಉಂಡು. ಡಿಸೆಂಬರ್ 16ರ್ದ್ 19 ಮುಟ್ಟ ಮುಖ್ಯ ರಥೋತ್ಸವ ನಡಪೆರೆ ಉಂಡು.
ಈ ಪೊರ್ತುಡು ಮಸ್ತ್ ಭಕ್ತೆರ್ ಸೇರುನ ನಿರೀಕ್ಷೆ ಉಂಡು. ಅಂಚಾದ್ ಶಾಂತಿ ಸುವ್ಯವಸ್ಥೆ ಕಾಪುನ ಹಿತ ದೃಷ್ಟಿಡ್ ಡಿಸೆಂಬರ್ 17 ತಾನಿ ಕಾಂಡೆ 6 ಗಂಟೆರ್ದ್ ಡಿಸೆಂಬರ್ 18 ಮಧ್ಯರಾತ್ರೆ 12 ಗಂಟೆ ಮುಟ್ಟ ಮದ್ಯದಂಗಡಿ ಮುಚ್ಚುನಂಚ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಎಂ.ಪಿ. ಸೂಚನೆ ಕೊರ್ತೆರ್.
ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ವ್ಯಾಪ್ತಿದ ಇಂಚಾಡಿದ ಕೈತಲ್ ಇಪ್ಪುನ ಪ್ರಶಾಂತ್ ಬಾರ್ ಆಂಡ್ ರೆಸ್ಟೋರೆಂಟ್ ಬೊಕ್ಕ ಬೆಳ್ಳಿ ಬಾರ್ ಆಂಡ್ ರೆಸ್ಟೋರೆಂಟ್ದ ಬೇತೆ ಬೇತೆ ಅಮಲ್ ಪದಾರ್ಥ ಮಾರಾಟ ಮಲ್ಪುನೆನ್ ನಿಷೇಧ ಮಲ್ಪುನಂಚ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್.
pallavi shetty