ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಚಂಪಾಷಷ್ಠಿ ಜಾತ್ರೋತ್ಸವ ನಡತೊಂದು ಇಪ್ಪುನ ಈ ಪೊರ್ತುಡು ಅಪಾರ ಸಂಖ್ಯೆಡ್ ಭಕ್ತಾದಿಲು ಕ್ಷೇತ್ರಗ್ ಬರ್ಪುನ ದೃಷ್ಠಿಡ್ ಆರೋಗ್ಯ ಬೊಕ್ಕ ನೈರ್ಮಲ್ಯ ಕಾತೊನ್ನ ಅಂಚನೆ ಸುಚಿತ್ವ ಕಾತೊನ್ನ ದೃಷ್ಟಿರ್ದ್ ಸುಬ್ರಮಣ್ಯದ ಹೋಟೆಲ್ ಗ್ ಆರೋಗ್ಯ ಇಲಾಖೆದ ವೈದ್ಯಾಧಿಕಾರಿಲು ನೋಟಿಸ್ ಕೊರ್ತೆರ್.
ಹೋಟೆಲ್,ಬೇಕರಿ, ಎಲ್ಯ ಚಹಾದ ಅಂಗಡಿ, ತಿಂಡಿ ತಿನಿಸು ಇಪ್ಪುನ ಅಂಗಡಿಲೆನ್ ಬೊಕ್ಕ ವಟಾರನ್ ಶುಚಿಯಾದ್ ದೀಯೊನೊಡು ಪಂದ್ ಪಂತೆರ್.
ಸಾರ್ವಜನಿಕರಿಗೆ ಪರಿಯೆರೆ ಬೆಚ್ಚ ಮಲ್ತ್ ಅರಪಾಯಿನ ನೀರ್ ನ್ ಕೊರೊಡು, ತಂಬಾಕು ಉತ್ಪನ್ನದ ಮಾರಾಟ ಬೊಕ್ಕ ಧೂಮಪಾನ ಮಲ್ಪುನೆನ್ ಕಡ್ಡಾಯವಾದ್ ನಿಷೇಧ ಮಲ್ತ್ ದೆರ್.
ಧೂಮಪಾನ ನಿಷೇಧಿತ ಪ್ರದೇಶ ಪಂದ್ ಸೂಚಿಸಾಯಿನ 60× 45 ಸೆಂ.ಮೀ ಗಾತ್ರದ ಫಲಕನ್ ಕಡ್ಡಾಯವಾದ್ ಪಾಡೊಡು. ಆಹಾರ ಪದಾರ್ಥಲೆನ್ ಮುಚ್ಚಂದೆ ಮಾರಾಟ ಮಲ್ಪುನೆನ್ ನಿಷೇಧ ಮಲ್ತ್ ದೆರ್, ಬೊಕ್ಕ ಕಟ್ಟ್ ಮಲ್ತಿನ ಹಣ್ಣು ಹಂಪಲುಲೆನ ದೆತ್ತ್ ದೀದ್ ಮಾರಾಟ ಮಲ್ಪುನೆನ್ಲ ನಿಷೇಧ ಮಲ್ತ್ ದೆರ್.
ಸುಬ್ರಹ್ಮಣ್ಯ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾl ತ್ರಿಮೂರ್ತಿ ಅರೆನ ಸೂಚನೆದಂಚ ಹಿರಿಯ ಆರೋಗ್ಯ ನಿರೀಕ್ಷಕೆರ್ ಬಸವರಾಜ್ ಬೊಕ್ಕ ಆರೋಗ್ಯ ನಿರೀಕ್ಷಕೆರ್ ಉಮ್ಮರ್ ಖಾನ್ ಸುಬ್ರಹ್ಮಣ್ಯದ ಹೋಟೆಲ್ ಬೇಕರಿ ಅಂಗಡಿಲೆಗ್ ಭೇಟಿ ಕೊರ್ದು ನೋಟೀಸ್ ನ್ ಕೊರ್ತೆರ್.
pallavi shetty