ಕುಡ್ಲ ಕುಲ್ಕಿ ಹಬ್ ದ ಆಶಿಕ್ ಗ್ ಮಾಸ್ಟರ್ ಶೆಫ್ ಇಂಡಿಯಾ’ ಕಿರೀಟ

ಕುಡ್ಲ: ಬೊಂಬೈಡ್ ನಡತಿನ ಮಾಸ್ಟರ್ ಶೆಫ್ ಇಂಡಿಯಾ ರಿಯಾಲಿಟಿ ಶೋಡ್ ಕುಡ್ಲದ ಮುಹಮ್ಮದ್ ಆಶಿಕ್ ಗೆಂದ್ ದೆರ್.

ಫೈನಲ್ ಗ್ ಬತ್ತಿನ ರುಖ್ಸಾರ್ ಸಯ್ಯೀದ್‌, ಸೂರಜ್ ಥಾಪಾ, ನಂಬಿ ಜೆಸ್ಸಿಕಾ ಮರಕ್ ಸೇರಿನಂಚೆನೆ ನಾಲ್ ಜನಟ್ಟ್ ಮುಹಮ್ಮದ್ ಆಶಿಕ್ ಈ ಪ್ರಶಸ್ತಿನ್ ಗೆಂದ್ ದೆರ್. ಅತ್ತಂದೆ ಈ ಪಂತೊಡು ಗೆಂದಿನ ಸುರುತ್ತ ದಕ್ಷಿಣ ಭಾರತೀಯ ಪನ್ಪಿನ ಪುದರ್ ಲ ಮೆರೆಗ್ ಉಂಡು. ಮೇರ್ ತನ್ನ 20ನೇ ವರ್ಷ ಪ್ರಾಯೊಡೇ ಕುಡ್ಲದ ಬಲ್ಮಠಡ್ ‘ಕುಲ್ಕಿ ಹಬ್’ ಓಪನ್ ಮಲ್ತ್ ದ್ ಮಲ್ಲ ಶೆಫ್ ಆಯೆರೆ ನಿರ್ಧಾರ ಮಲ್ತ್ ದ್ ರಾತ್ರೆ ಪಗೆಲ್ ಬೆಂದೆರ್.

ಅಂಚೆನೆ ಬೆಂಗ್ಲೂರುಡು ನಡತಿನ ಪಂತೊಡು ಟಾಪ್ 12 ನೇ ತಾನ ಪಡೆತೆರ್. ಬೊಕ್ಕ ಕುಡ್ಲಡ್ ನಡತಿನ ಪಂತೊಡು ಗೆಂದ್ ದೆರ್. ಉಂದು ದ.ಕ. ಜಿಲ್ಲೆಡೇ ಜವನೆಯೊರಿ ಸುರುತ್ತ ಸರ್ತಿ ಈ ಪುಗರ್ತೆದ ರಾಷ್ಟ್ರ ಮಟ್ಟದ ಪಂತೊಡು ಪಾಲ್ ಪಡೆದ್ ಗೆಂದ್ ದಿನಿ ಪಂದ್ ತೆರಿದ್ ಬೈದ್ಂಡ್.