ತರೆಕಡಪ ಬಿಲೆತ್ತ ನಾಯಿದ ಕಿನ್ನಿದ ಮಿತ್ತ್‌ದ ಮೋಕೆ ಒರಿ ಜವನನ ಜೀವ ದೆತೊಂದುಂಡು. ತಾನ್ ಇಷ್ಟಪಟ್ ದಿನ ನಾಯಿದ ಕಿನ್ನಿನ್ ಅಪ್ಪೆ ದೆತ್ತ್‌ ಕೊರ್ಜೆರ್‌ ಪಂದ್ ಮಗೆ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನ್ನ ಘಟನೆ ಹುಬ್ಬಳ್ಳಿಡ್‌ ನಡತ್‌ಂಡ್. ಹುಬ್ಬಳ್ಳಿ ಮಿಷನ್‌ ಕಾಂಪೌಂಡ್‌ಡ್ ಈ ಘಟನೆ ನಡತ್‌ಂಡ್, ಆಲೆನ್ ಭಸಮ್ (24) ಆತ್ಮಹತ್ಯೆ ಮಲ್ತೊನ್ನ ಜವನೆ.
ಆಲೆನ್ ನಾಯಿ ಪ್ರೇಮಿಯಾದ್, 2 ಲಕ್ಷ ರೂ. ಬಿಲೆತ್ತ ನಾಯಿದ ಕಿನ್ನಿನ್ ದೆತ್ತ್‌ ಕೊರ್ಜಿ ಪಂದ್ ಅಪ್ಪೆಡ ಹಠ ಮಲ್ತೊಂದು ಇತ್ತೆ. ಮಗನ ಕಿರಿಕಿರಿ ತಡೆಯಂದೆ ಬೇಜಾರ್‌ ಆದ್ ಆಯನ ಅಪ್ಪೆ ಇಲ್ಲ್‌ ಬುಡ್ದು ಪೋದಿತ್ತೆರ್. ನೆರ್ದ್‌ ಬೇಜಾರ್‌ ಆಯಿನ ಆಲೆನ್ ಇಲ್ಲಲ್‌ ಬಲ್ಲ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆ. ಘಟನೆದ ಬಗ್ಗೆ ಹುಬ್ಬಳ್ಳಿ ಉಪನಗರ ಠಾಣೆಡ್‌ ಕೇಸ್‌ ದಾಖಲಾತ್‌ಂಡ್.
Editorial