ಮುಲ್ಕಿ: ಕಿನ್ನಿಗೋಳಿ ಐಕಳದ ಕಾಂತಾ ಬಾರೆ-ಬೂದಾಬಾರೆ ಫ್ರೆಂಡ್ಸ್ ಕ್ಲಬ್ ಆಶ್ರಯಡ್ ಸಾಮಾಜಿಕ ಸೇವಾ ಚಟುವಟಿಕೆದ ಸಹಾಯಾರ್ಥವಾದ್ ಗ್ರಾಮೀಣ ಮಟ್ಟದ ವಾಲಿಬಾಲ್ ಪಂದ್ಯಾಟ 2023 ಕಾರ್ಯಕ್ರಮ ಐಕಳ ಕಂಬುಲದ ಮಂಜೊಟ್ಟಿ ಕಂಡದ ಕೈತಲ್ ದ ಗ್ರೌಂಡ್ ಡ್ ನಡತ್ಂಡ್.
ಮುಲ್ಕಿ ಬಂಟರ ಸಂಘದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ ಲೇಸ್ ದ ಉದಿಪನ ಮಲ್ತ್ ಪಾತೆರ್ನ ಆರ್ ಗ್ರಾಮೀಣ ಪ್ರದೇಶಡ್ ಕ್ರೀಡೆಗ್ ಪ್ರೋತ್ಸಾಹ ಕೊರ್ಪುನ ಒಟ್ಟಿಗೆ ಸಾಮಾಜಿಕ ಚಟುವಟಿಕೆದ ಮೂಲಕ ಸಮಾಜದ ಕಟ್ಟ ಕಡೆತ ವ್ಯಕ್ತಿಗ್ ಸಹಾಯ ಹಸ್ತ ಕೊರೊಂದು ಇಪ್ಪುನ ಸೇವಾ ಸಂಸ್ಥೆದ ಬೇಲೆ ಬಾರಿ ಎಡ್ಡೆ ಪಂದ್ ಪಂಡೆರ್.
ಕಾರ್ಯಕ್ರಮದ ಗುರ್ಕಾರ್ಮೆನ್ ಉದ್ಯಮಿ ಪುರುಷೋತ್ತಮ ಶೆಟ್ಟಿ ಕಿನ್ನಿಗೋಳಿ ವಹಿಸ್ ದ್ ಇತ್ತೆರ್. ಕಾರ್ಯಕ್ರಮಡ್ ಶ್ರೀ ಕ್ಷೇತ್ರ ಏಳಿಂಜೆದ ಪ್ರಧಾನ ಅರ್ಚಕೆರ್ ಗಣೇಶ್ ಭಟ್ ಆಶಿರ್ವಚನ ಕೊರಿಯೆರ್. ಚಾವಡಿಡ್ ಮಲ್ಲ ಬಿನ್ನೆರಾದ್ ಉಪನ್ಯಾಸಕೆರ್ ಸಾಯಿನಾಥ ಶೆಟ್ಟಿ , ಐಕಳ ಗ್ರಾ. ಪಂ.ಮಾಜಿ ಅಧ್ಯಕ್ಷೆ ಸುಗುಣ ಪೂಜಾರಿ, ಕಿನ್ನಿಗೋಳಿ ಲಯನ್ಸ್ ಕ್ಲಬ್ ಅಧ್ಯಕ್ಷೆ ಹಿಲ್ಡಾ ಡಿಸೋಜ, ನಿಡ್ಡೋಡಿ ಬಂಟರ ಸಂಘದ ಗುರ್ಕಾರ್ಲು ಬಿ. ಆರ್. ಪ್ರಸಾದ್, ದಯಾನಂದ ಶೆಟ್ಟಿ, ಐಕಳಬಾವ ಹೊಸಮನೆ, ಕೃಷ್ಣ ಮಾರ್ಲ, ಹರೀಶ್ ಶೆಟ್ಟಿ ತಾಮಣಿಗುತ್ತು, ದೇವಿಪ್ರಸಾದ್ ಶೆಟ್ಟಿ ಏಳಿಂಜೆ ,ಫ್ರೆಂಡ್ಸ್ ಕ್ಲಬ್ ದ ಗುರ್ಕಾರ್ಲು ತಾರಾನಾಥ ಶೆಟ್ಟಿ ಇತ್ತೆರ್. ದೇವಿದಾಸ ಶೆಟ್ಟಿ ಬಿನ್ನೆರೆನ್ ಎದ್ಕೊಂದು, ಶ್ರೀಶ ಐಕಳ ಲೇಸ್ ದ ಸುದಾರಿಕೆ ಮಲ್ತೆರ್. ಅವೆರ್ದ್ ಬೊಕ್ಕ ವಾಲಿಬಾಲ್ ಗೊಬ್ಬು ನಡತ್ಂಡ್.
Editorial