ನ.2: ಮುದ್ದು ಮೂಡುಬೆಳ್ಳೆ ಮೆರೆನ ಬೂಕು ಬುಡುಗಡೆ
ಹಿರಿಯ ಬರವುಗಾರೆರ್, ಜಾನಪದ ವಿದ್ವಾಂಸೆರ್ ಮುದ್ದು ಮೂಡುಬೆಳ್ಳೆ ಮೇರ್ ಬರೆತಿನ “ತುಳುನಾಡ್ ದ ಜನಪದ ವಾದ್ಯೊಲು ಬೊಕ್ಕ ಪಾರಂಪರಿಕ ವೃತ್ತಿಲು” ಬೂಕು ಬುಡುಗಡೆ ಲೇಸ್ ನ.2 ಗುರುವಾರ ಕುಡ್ಲ ಪ್ರೆಸ್ ಕ್ಲಬ್ ಡ್ ನಡಪರೆ ಉಂಡು.
ಈ ಬೂಕುನ್ ಜಾನಪದ ವಿದ್ವಾಂಸೆರ್ ಡಾ.ಗಣನಾಥ ಶೆಟ್ಟಿ ಎಕ್ಕಾರು ಮೇರ್ ಬುಡುಗಡೆ ಮಲ್ಪರೆ ಉಲ್ಲೆರ್. ಕರಾವಳಿ ಲೇಖಕಿಯೆರೆನ ವಾಚಕಿಯೆರೆನ ಸಂಘ (ರಿ.) ದ ಗುರ್ಕಾರ್ದಿ, ಸಾಹಿತಿ ಡಾ.ಜ್ಯೋತಿ ಚೇಳಾರ್ ಬೂಕುದ ಬಗೆಟ್ಟ್ ಪೊಲಬು ಕೊರಿಯೆರೆ ಉಲ್ಲೆರ್. ಬಿನ್ನೆರಾದ್ ಹಿರಿಯ ಸಂಶೋಧಕಿ ಬಿಎಂ ರೋಹಿಣಿ, ಲೇಖಕೆರ್ ಮುದ್ದು ಮೂಡುಬೆಳ್ಳೆ, ಪ್ರಕಾಶಕೆರ್ ಕಲ್ಲೂರು ನಾಗೇಶ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಕುಡ್ಲ ಆಕೃತಿ ಆಶಯ ಪಬ್ಲಿಕೇಶನ್ಸ್ ದ ವ್ಯವಸ್ಥಾಪಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
