November 2, 2023

ನ.4-5 ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಂಭ್ರಮ ‘ಪಡ್ನೂರು ಉತ್ಸವ-2023

ಪುತ್ತೂರು : ಪಡ್ನೂರು ಶ್ರೀ ಜನಾರ್ದನ ಯುವಕ ಮಂಡಲ ಬೊಕ್ಕ ಶ್ರೀ ಸರಸ್ವತಿ ಯುವತಿ ಮಂಡಲದ ಒಟ್ಟು ಸೇರಿಗಡೆ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಂಭ್ರಮ ‘ಪಡ್ನೂರು ಉತ್ಸವ’ ನ.4 ಶನಿವಾರ ಬೊಕ್ಕ ನ.5 ಐತಾರ ಪಡ್ನೂರು ಶಾಲಾ ವಠಾರದ ಶ್ರೀ ಜನಾರ್ದನ ರಂಗಮಂದಿರಡ್ ನಡಪೆರೆ ಉಂಡು ಪಂದ್ ಸುವರ್ಣ ಮಹೋತ್ಸವ ಸಮಿತಿ ಕಾರ್ಯದರ್ಶಿ ಶ್ರೀಧರ ಕುಂಜಾರು ತೆರಿಪಾಯೆರ್.‌

ಪತ್ರಿಕಾಗೋಷ್ಠಿಡ್‌ ಪಾತೆರ್ನ ಆರ್ ಸುವರ್ಣ ಮಹೋತ್ಸವದ ಅಂಗವಾದ್ ನ.4 ದಾನಿ ಕಾಂಡೆ 7ಕ್ಕ್ ಜನಾರ್ದನ ಸದನಡ್ ಗಣಪತಿ ಹೋಮ ಆದ್‌ ಬೊಕ್ಕ 9.30ಕ್ಕ್ ನಡಪುನ ಉಚಿತ ವೈದ್ಯಕೀಯ ಶಿಬಿರನ್ ಮುರ ಜಯಂತ್ ಕ್ಲಿನಿಕ್‌ದ ಡಾ.ಕೃಷ್ಣಪ್ರಸಾದ್ ಸರ್ಪಂಗಳ ಉದಿಪನ ಮಲ್ತ್‌, ಡಾ.ಎಂ.ಕೆ. ಪ್ರಸಾದ್ ಗುರ್ಕಾರ್ಮೆ ವಹಿಸೆರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಡಾ.ಸುರೇಶ್ ಪುತ್ತೂರಾಯ, ಡಾ.ಸಚಿನ್ ಶಂಕರ್ ಹಾರಕರೆ, ಬೇರಿಕೆ ಆದಿಶಕ್ತಿ ಭಜನಾ ಮಂಡಳಿದ ಅಧ್ಯಕ್ಷೆರ್ ಕೃಷ್ಣಪ್ಪ ಕುಲಾಲ್ ಬೇರಿಕೆ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಪಡ್ನೂರು ಒಕ್ಕೂಟದ ಅಧ್ಯಕ್ಷೆರ್ ತಿಮ್ಮಪ್ಪ ಪಡ್ನೂರು, ನವೋದಯ ಒಕ್ಕೂಟದ ಅಧ್ಯಕ್ಷೆ ಚಂದ್ರಾವತಿ, ಪಡ್ನೂರು ಹಾಲು ಉತ್ಪಾದಕರ ಸಹಕಾರಿ ಸಂಘದ ಅಧ್ಯಕ್ಷೆರ್ ರಾಮಣ್ಣ ಗೌಡ ಪುಳು, ಪಡ್ನೂರು ಸಿಎಚ್‌ಒ ಸೌಮ್ಯ, ಪಡ್ನೂರು ಶ್ರೀರಾಮ ಫ್ರೆಂಡ್ಸ್ ಅಧ್ಯಕ್ಷೆರ್ ಯತೀಶ್ ಪಂಜಿಗುಡ್ಡೆ, ಯರ್ಮುಂಜಪಳ್ಳ ಗೆಳೆಯರ ಬಳಗದ ಅಧ್ಯಕ್ಷೆರ್ ಕುಶಲ ಗೌಡ ಪಂಜಿಗುಡ್ಡೆ ಪಾಲ್‌ ಪಡೆಯೆರೆ ಉಲ್ಲೆರ್‌ ಪಂದ್‌ ತೆರಿಪಾಯೆರ್.

ಜ.6: ಶ್ರೀರಾಮ ಗೆಳೆಯರ ಬಳಗ ಪುತ್ತಿಲ ಬೊಕ್ಕ ಪುತ್ತಿಲ ಪರಿವಾರ ಮುಂಡೂರು ವತಿರ್ದ್ ‘ಸಾರ್ವಜನಿಕ ಶ್ರೀ ದುರ್ಗಾ ಪೂಜೆ ಬೊಕ್ಕ ಧಾರ್ಮಿಕ ಕಾರ್ಯಕ್ರಮ

ಪುತ್ತೂರು : ಶ್ರೀರಾಮ ಗೆಳೆಯರ ಬಳಗ ರಿ. ಪುತ್ತಿಲ ಬೊಕ್ಕ ಪುತ್ತಿಲ ಪರಿವಾರ ಮುಂಡೂರು ವತಿರ್ದ್ ಸಾರ್ವಜನಿಕ ಶ್ರೀ ದುರ್ಗಾ ಪೂಜೆ ಬೊಕ್ಕ ಧಾರ್ಮಿಕ ಕಾರ್ಯಕ್ರಮ ಜ.6 ದಾನಿ ಬಯ್ಯಗ್ ಶ್ರೀರಾಮ ಕ್ರೀಡಾಂಗಣ ಪುತ್ತಿಲಡ್ ನಡಪೆರೆ ಉಂಡು. ಈ ಪೊರ್ತುಡು ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ನಡತ್‌ಂಡ್.‌

ಗೌರವಾಧ್ಯಕ್ಷೆರ್ ಅರುಣ್ ಕುಮಾರ್ ಪುತ್ತಿಲ, ಅಧ್ಯಕ್ಷೆರ್ ಅನಿಲ್ ಕುಮಾರ್ ಕಣ್ಣರ್ನೂಜಿ, ಪ್ರಧಾನ ಕಾರ್ಯದರ್ಶಿ ಬಾಲಚಂದ್ರ ಸೊರಕೆ, ಜೊತೆ ಕಾರ್ಯದರ್ಶಿ ಪ್ರಸಾದ್ ಬಿ.ಕೆ, ಗೀತಾ ರಮೇಶ್ ಕುರೆಮಜಲು, ಕೋಶಾಧಿಕಾರಿ ಬಾಲಚಂದ್ರ ಗೌಡ ಕಡ್ಯ, ಸಂಚಾಲಕೆರ್ ನೀಲಪ್ಪ ಪೂಜಾರಿ ಕುರೆಮಜಲು, ಸಹ ಸಂಚಾಲಕೆರ್ ಪುರಂದರ ಗೌಡ ನಡುಬೈಲು, ರಾಧಾಕೃಷ್ಣ ಪುತ್ತಿಲ, ಅವಿನಾಶ್ ಕೆದಗೆದಡಿ, ಪ್ರತೀಕ್ ಪುತ್ತಿಲ, ಉಪಾಧ್ಯಕ್ಷೆರಾದ್ ಪುಷ್ಪ ಪುರಂದರ ಗೌಡ ನಡುಬೈಲು, ಮೋನಪ್ಪ ಗೌಡ ಗುತ್ತಿನಪಾಲು, ವಿನಯ್ ಪುತ್ತಿಲ, ಜಗದೀಶ ಕಲ್ಲಮ, ಚಂದ್ರಶೇಖರ ಕುರೆಮಜಲು, ಚಂದ್ರಶೇಖರ ಕೆದಗೆದಡಿ, ಸಂಘಟನಾ ಕಾರ್ಯದರ್ಶಿ ಹರೀಶ್ ಬಿ.ಕೆ.,ಯೋಗಿಶ್ ಕಲ್ಲಮ, ವಿಶ್ವನಾಥ ಗೌಡ ನಡುಬೈಲು, ಶಿವಪ್ಪ ನಾಯ್ಕ್ ಬರೆಕೊಲಾಡಿ, ಗಣೇಶ್ ನಾಯ್ಕ್ ಕೋಡಿಬೈಲು. ಗೌರವ ಸಲಹೆಗಾರೆರ್ ಅಶೋಕ್ ಕುಮಾರ್ ಪುತ್ತಿಲ, ಬಾಲಕೃಷ್ಣ ಪೂಜಾರಿ ಕುರೆಮಜಲು, ಸುಂದರ ನಾಯ್ಕ್ ಬಿ.ಕೆ., ಸನತ್ ಸುವರ್ಣ ಪೆರಿಯಡ್ಕ, ಮೋಹನ ನಾಯ್ಕ್ ಕೆದಗೆದಡಿ, ಸಜ್ಜನ್ ಕುಮಾರ್ ಕಣ್ಣರ್ನೂಜಿ ಆಯ್ಕೆ ಆಯೆರ್.

ಪೆರುವಾಜೆ ಶಾಲಾ ಭೋಜನಾ ಶಾಲಾ ನಿರ್ಮಾಣಗ್ ಶ್ರೀ. ಕ್ಷೇ.ಧ.ಗ್ರಾಮಾಭಿವೃದ್ಧಿ ಯೋಜನೆರ್ದ್ ಅನುದಾನ‌

ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಪೆರುವಾಜೆದ ಭೋಜನಾ ಶಾಲೆದ ನಿರ್ಮಾಣಕಗ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ಸುಳ್ಯ ತಾಲೂಕು ವತಿರ್ದ್ 75,000 ರೂ. ಮಂಜೂರಾತಿ ಆದೇಶನ್‌ ಕೊರಿಯೆರ್.‌ ಯೋಜನಾಧಿಕಾರಿ ನಾಗೇಶ್ ಶಾಲೆದ ಮುಖ್ಯೋಪಾಧ್ಯಾಯೆರ್‌ ತೇಜಪ್ಪ ಎಸ್. ಬೊಕ್ಕ ಎಸ್.ಡಿ.ಎಂ.ಸಿ ಅಧ್ಯಕ್ಷೆರ್ ವಿಜಯ ಆಚಾರ್ಯ ಮೇರೆಗ್‌ ಹಸ್ತಾಂತರ ಮಲ್ತೆರ್.‌

ಈ ಪೊರ್ತುಡು ಬೆಳ್ಳಾರೆ ವಲಯದ ಮೇಲ್ವಿಚಾರಕೆರ್ ಗೋಪಾಲಕೃಷ್ಣ, ಪೆರುವಾಜೆ, ಪೆರುವಾಜೆ ಒಕ್ಕೂಟದ ಅಧ್ಯಕ್ಷೆರ್‌ ಸುಂದರ ನಾಯ್ಕ, ಪೆರುವಾಜೆ ಒಕ್ಕೂಟದ ಸೇವಾ ಪ್ರತಿನಿಧಿ ಹರಿಣಾಕ್ಷಿ, ಪೆರುವಾಜೆ ವಾರ್ಡ್ ಸದಸ್ಯೆರ್ ಪದ್ಮನಾಭ ಶೆಟ್ಟಿ , ಶಿಕ್ಷಕೆರ್ ರತ್ನಾವತಿ, ಶೃತಿ, ಲೀನಾ, ಅಶ್ವಿತಾ, ಶಾಲಾ ಎಸ್. ಡಿ.ಎಂ.ಸಿ. ಉಪಾಧ್ಯಕ್ಷೆರ್ ಶ್ರೀಮತಿ ಪೂರ್ಣಿಮಾ ಉಮೇಶ್, ಪೋಷಕೆರ್ ಲಿಂಗಪ್ಪ ಆಚಾರ್ಯ, ಕೇಶವ, ಶ್ರೀಮತಿ ರಾಗಿಣಿ, ವೀಣಾ ಇತ್ತೆರ್.

ನೆಲ್ಯಾಡಿ: ಬೈಕ್-ಲಾರಿ ಡಿಕ್ಕಿ; ತೀರ್‌ಪೋಯಿನ ಬೈಕ್‌ ಸವಾರೆ…!

ನೆಲ್ಯಾಡಿ: ಬೈಕ್‌ ಬೊಕ್ಕ ಲಾರಿದ ನಡುಟು ಡಿಕ್ಕಿ ಆದ್ ಬೈಕ್ ಸವಾರೆ ತೀರ್‌ಪೋಯಿನ ಘಟನೆ ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ 75ರ ನೆಲ್ಯಾಡಿಡ್ ನಡತ್‌ಂಡ್.‌ ಸುರೇಂದ್ರ ಮೆಹತೋ(35ವ) ತೀರ್‌ಪೋಯಿನಾರ್. ಮೇರ್ ಸೆಂಟ್ರಿಂಗ್ ಬೇಲೆ ಮಲ್ತೊಂದು ಇತ್ತೆರ್‌. ಘಟನೆಡ್ ಗಂಭೀರ ಗಾಯ ಆಯಿನ ಸುರೇಂದ್ರ ಮೆಹತೋ ಕೂಡ್ಲೆ ನೆಲ್ಯಾಡಿ ಅಶ್ವಿನಿ ಆಸ್ಪತ್ರೆಗ್ ಲೆತೊಂದು ಪೋದು, ಎಚ್ಚದ ಚಿಕಿತ್ಸೆಗಾದ್ ಪುತ್ತೂರುಗ್‌ ಕನದ್‌ ಬನ್ನಗ ಸಾದಿದ ನಡುಟು ತೀರ್‌ಪೋತೆರ್‌ ಪಂದ್‌ ತೆರಿದ್‌ ಬೈದ್‌ಂಡ್.‌

ಡಿ.9: ಪುತ್ತಿಲ ಪರಿವಾರ ವಿಟ್ಲ ವಲಯ ಬೊಕ್ಕ ಶನೈಶ್ವರ ಪೂಜಾ ಸಮಿತಿರ್ದ್ ‘ಶನೈಶ್ವರ ಪೂಜೆ’: ಲೆಪ್ಪೋಲೆ ಬುಡುಗಡೆ

ವಿಟ್ಲ : ಪುತ್ತಿಲ ಪರಿವಾರ ವಿಟ್ಲ ವಲಯ ಬೊಕ್ಕ ಶನೈಶ್ವರ ಪೂಜಾ ಸಮಿತಿ ವತಿರ್ದ್ ಡಿ.9 ದಾನಿ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ವಠಾರಡ್ ನಡಪುನ ಶನೈಶ್ವರ ಪೂಜೆದ ಲೆಪ್ಪೋಲೆ ಬುಡುಗಡೆ ಕಾರ್ಯಕ್ರಮ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ನಡತ್‌ಂಡ್.‌

ದೇವೆರ್ನ ಸನ್ನಿಧಿಡ್ ವಿಶೇಷ ಪ್ರಾರ್ಥನೆ ಮಲ್ತ್‌ದ್ ಹಿಂದೂ ಮುಖಂಡೆರ್ ಅರುಣ್ ಕುಮಾರ್ ಪುತ್ತಿಲ ಲೆಪ್ಪೋಲೆ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಪುತ್ತಿಲ ಪರಿವಾರದ ಅಧ್ಯಕ್ಷೆರ್ ಪ್ರಸನ್ನ ಮಾರ್ತಾ, ಪೂಜಾ ಸಮಿತಿದ ಅಧ್ಯಕ್ಷೆರ್ ನ್ಯಾಯವಾದಿ ಶ್ರೀಕೃಷ್ಣ ಕೇಪು, ಪ್ರಧಾನ ಕಾರ್ಯದರ್ಶಿ ಹರೀಶ್ ಪೂಜಾರಿ ಮರುವಾಳ, ಗೌರವಾಧ್ಯಕ್ಷೆರಾಯಿನ ಕೃಷ್ಣಯ್ಯ ಅರಮನೆ, ಸುಬ್ರಹ್ಮಣ್ಯ ಭಟ್ ಸೇರಾಜೆ, ನಗರ ಸಮಿತಿ ಅಧ್ಯಕ್ಷೆರ್ ಮೋಹನ್ ಸೇರಾಜೆ, ಗಣ್ಯೆರಾಯಿನ ಉದ್ಯಮಿ ಪ್ರಭಾಕರ್ ಶೆಟ್ಟಿ ದಂಬೆಕಾನ, ಇಂಜಿನಿಯರ್ಸ್ ಭಾಸ್ಕರ ರೈ, ಸುರೇಶ್ ಬನಾರಿ, ವೀರಾಂಜನೇಯ ವ್ಯಾಯಾಮ ಶಾಲೆದ ದೇಜಪ್ಪ ಪೂಜಾರಿ ನಿಡ್ಯ, ಒಕ್ಕಲಿಗರ ಸಂಘದ ಅಧ್ಯಕ್ಷೆರ್ ಮೋನಪ್ಪ ಗೌಡ ಶಿವಾಜಿನಗರ, ದೇವತಾ ಸಮಿತಿದ ಅಧ್ಯಕ್ಷೆರ್ ರಾಧಾಕೃಷ್ಣ ನಾಯಕ್, ವಿಟ್ಲ ಪಟ್ಟಣ ಪಂಚಾಯತ್ ಮಾಜಿ ಅಧ್ಯಕ್ಷೆ ಚಂದ್ರಕಾಂತಿ ಶೆಟ್ಟಿ, ಹಾಲಿ ಸದಸ್ಯೆ ಪದ್ಮಿನಿ ಪೂಜಾರಿ, ಅಳಿಕೆ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಕಾನ ಈಶ್ವರ ಭಟ್, ಭಗವತಿ ಅಯ್ಯಪ್ಪ ಸಮಿತಿದ ಮೋನಪ್ಪ ಗುರುಸ್ವಾಮಿ, ಖ್ಯಾತ ಅರ್ಚಕೆರ್ ಕೀರ್ತನ್ ಕೆದಿಲಾಯ, ವಿಶ್ವಕರ್ಮ ಸಮಾಜದ ಪ್ರಭಾಕರ ಆಚಾರ್ಯ, ತಿರುಮಲೇಶ್ವರ ಭಟ್, ಸುರೇಶ್ ಭಟ್ ಮಡಿಯಾಲ, ಪ್ರಮೋದ್ ಉದ್ದಣ್ಣಾಯ ಇತ್ತೆರ್.