ಗಾಡಿಲೆಗ್ HSRP ಪ್ಲೇಟ್ ಪಾಡಿಯೆರೆ ಆನ್ ಲೈನ್ ಡೇ ಅವಕಾಶ ಉಂಡು.
http//transport.karnataka.gov.in ಅತ್ತ್ಂಡ www.siam.in ಗ್ ಕ್ಲಿಕ್ ಕೊರ್ದು ಬುಕ್ HSRP ಮಿತ್ತ್ ಕ್ಲಿಕ್ ಮಲ್ಪೊಡು. ನಿಕ್ಲೆನ ಗಾಡಿ ತಯಾರ್ ಮಲ್ಪುನಕ್ಲೆನ್ ಆಯ್ಕೆ ಮಲ್ತ್ ದ್ ಗಾಡಿದ ಮೂಲ ಪೊಲಬುನ್ ಭರ್ತಿ ಮಲ್ಪೊಡು. ಬೊಕ್ಕ ಫೀಸ್ ಲ ಆನ್ ಲೈನ್ ಮುಖೇನನೇ ಪಾವತಿ ಮಲ್ಪೊಲಿ. ಗಾಡಿ ಮಾಲೀಕೆರೆನ ಮೊಬೈಲ್ ಸಂಖ್ಯೆಗ್ ಒಟಿಪಿ ಬರ್ಪುಂಡು. ನಂಬರ್ ಪ್ಲೇಟ್ ಪಾಡಿಯೆರೆ ಜಾಗೆ ಆಯ್ಕೆ ಮಲ್ತ್ಂಡ ಅಕ್ಲೆ ಬತ್ತ್ ದ್ ಫಿಟ್ ಮಲ್ಪುವೆರ್.
ಉತ್ತರ ಚೀನಾದ ಶಾಂಕ್ಸಿ ಪ್ರಾಂತ್ಯಡ್ ತೂ ಪೊತ್ತ್ ದ್ 26 ಜನ ತೀರ್ ಪೋಯಿನ ಘಟನೆ ನಡತ್ ದ್ಂಡ್.
ನೆಟ್ಟ್ 38 ಜನಕ್ಕ್ ಪೆಟ್ಟಾತ್ಂಡ್. ಅಧಿಕಾರಿಲು ಜಾಗೆಗ್ ಬತ್ತ್ ದ್ ರಕ್ಷಣಾ ಕಾರ್ಯಾಚರಣೆ ಮಲ್ತೊಂದು ಉಲ್ಲೆರ್. ಈ ಘಟನೆಗ್ ಕಾರಣ ದಾದ ಪಂದ್ ನನ ತೆರಿದ್ ಬರೊಡಾತೆ.
ದುಬೈ: ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ (ರಿ.) ಯು.ಎ.ಇ. ಘಟಕ ದುಬೈದ ಮುತಾಲಿಕೆಡ್ ಡಿ.10 ಕ್ಕ್ ದುಬೈಡ್ ನಡಪರೆ ಇಪ್ಪುನ ದುಬೈ ಗಡಿನಾಡ ಉಚ್ಚಯ-2023 ದ ಯಶಸ್ವಿಗ್ ಚರ್ಚೆ ಮಲ್ಪರೆ ನ.15 ಕ್ಕ್ ಸಭೆ ನಡತ್ಂಡ್.
ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ (ರಿ.) ದುಬೈ ಘಟಕದ ಗುರ್ಕಾರೆ ನ್ಯಾ.ಇಬ್ರಾಹಿಂ ಕಲೀಲ್ ಮೆರೆನ ಸಭಾ ಅಧ್ಯಕ್ಷತೆಡ್ ದುಬೈದ ಬಿಸಿನೆಸ್ ಬೇದ ಬೆ.ಬೈಟ್ಸ್ ರೆಸ್ಟೋರೆಂಟ್ ಡ್ ನಡತ್ಂಡ್.
ಸಭೆಟ್ಟ್ ಗಡಿನಾಡ ಉಚ್ಚಯದ ಯಶಸ್ವಿದ ಬಗೆಟ್ಟ್ ಚರ್ಚೆ ಮಲ್ತೆರ್. ಗಡಿನಾಡ್ ದ ಕಾಸ್ರೋಡು ಜಿಲ್ಲೆರ್ದ್ ಬತ್ತಿನ ಗ.ಸಾ.ಸಾ. ಕಾಸ್ರೋಡುದ ಕೋಶಾಧಿಕಾರಿ ಝಡ್ ಎ.ಕಯ್ಯಾರ ಪಾತೆರ್ದ್, ನನ ನಮ್ಮ ಗಡಿನಾಡ ಉಚ್ಚಯ ಲೇಸ್ ಗ್ ಕೇವಲ ಒಂತೆ ದಿನ ಇಪ್ಪುರ್ನೆದಾವೆರ ಲೇಸ್ ದ ತಯಾರಿ ಆಯಿನಾತ್ ಬೇಗ ಆವೊಡು. ಮಾತೆರೆರ್ನಾಲ ಒಟ್ಟು ಸೇರ್ಸಾದ್ ಒಂಜಿ ಎಡ್ಡೆ ಲೇಸ್ ಮಲ್ಪುನ ಬೊಕ್ಕ ಲೇಸ್ ದ ಯಶಸ್ವಿಗ್ ಯು.ಎ.ಇ.ಡ್ ಇಪ್ಪುನ ಮಾತ ಗಡಿನಾಡ ಕನ್ನಡಿಗೆರ್ ಸಹಕಾರ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.
ಯು ಎ ಇ ಸಂದರ್ಶನಡ್ ಇಪ್ಪುನ ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ ಮಸ್ಕತ್ ಘಟಕದ ಗುರ್ಕಾರೆ ಅಬೂಬಕರ್ ರೋಯಲ್ ಬೋಲ್ಲಾರ್ ನ್ ದುಬೈ ಘಟಕದ ಮುತಾಲಿಕೆಡ್ ಮೋಕೆಡ್ ಎದ್ಕೊನಿಯೆರ್.
ರೋಯಲ್ ಅಬೂಬಕರ್ ಪಾತೆರ್ದ್, ಡಿ.10 ಕ್ಕ್ ನಡಪರೆ ಇಪ್ಪುನ ದುಬೈದ ಲೇಸ್ ಗ್ ಮಸ್ಕತ್ ಘಟಕದ ಪದುಕೆರ್ ಬೊಕ್ಕ ಸದಸ್ಯೆರ್ ಬತ್ತ್ ದ್ ಲೇಸ್ ದ ಯಶಸ್ವಿಗ್ ಸಹಕಾರ ಮಲ್ಪುನ ಭರವಸೆನ್ ಕೊರ್ಪೆ. ನಮ್ಮ ಮಸ್ಕತ್ ಘಟಕದ ಲೇಸ್ ಜನವರಿ 5 ಕ್ಕ್ ಮಸ್ಕತ್ ಡ್ ಗೌಜಿಡ್ ನಡಪರೆ ಉಂಡು. ದುಬೈ ಘಟಕದ ಮಾತೆರ್ಲಾ ಲೇಸ್ ಗ್ ಬರೊಡು ಪಂದ್ ಲೆಪ್ಪೋಲೆನ್ ಕೊರಿಯೆರ್.
ಮಲ್ಲ ಬಿನ್ನೆರಾದ್ ಯುಸುಫ್ ಬೋಲ್ಲಾರ್, ಅಬ್ದುಲ್ ರಹಮಾನ್ ಕಣ್ಣೂರು ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್.
ಸಭೆಟ್ಟ್ ಗ.ಸಾ.ಸ ಅಕಾಡೆಮಿ ದುಬೈ ಘಟಕದ ಪದುಕೆರ್ ಸದನ್ ದಾಸ್ ಶಿರೂರು, ಸುಗಂದರಾಜ್ ಬೇಕಲ್, ಪ್ರಧಾನ ಕಾರ್ಯದರ್ಶಿ ಅಮರ್ ದೀಪ್ ಕಲ್ಲೂರಾಯ, ಡಾ.ಅಬ್ದುಲ್ ರಹಮಾನ್ ಬಾವ, ಯುಸೂಫ್ ಶೇಣಿ, ಆಶೀಫ್ ಹೊಸಂಗಡಿ, ಕೋಶಾಧಿಕಾರಿ ಇಬ್ರಾಹಿಂ ಬಾಜೂರಿ, ಇಬ್ರಾಹಿಂ ಬೇರಿಕೆ, ಝುಬೈರ್ ಕುಬಣೂರು, ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್, ಮಂಜುನಾಥ ಕಾಸ್ರೋಡು, ಅಶ್ರಫ್ ಪಾವೂರು, ಅಮನ್ ತಳೆಕಲ, ಮನ್ಸೂರು, ಅಶ್ರಫ್ ಪಿ.ಪಿ.ಬಾಯಾರ್, ಸಾಕೀರ್ ಬಾಯರ್, ಆಶೀಖ್ ಮೀಯಾ, ಮಹಮ್ಮದ್ ಕುಞ್ಞಿ ಮಂಜೇಶ್ವರ, ಅರೋನ್ ಪೈವಳಿಕೆ, ಶೀಯಾಬ್ ಜೋಡುಕಲ್ಲು, ಮನ್ಸೂರ್ ಪೆರ್ಲ, ಶಂಶೀರ್ ಮೀಯ ಪಾಲ್ ಪಡೆದಿತ್ತೆರ್. ಅಮರ್ ದೀಪ್ ಕಲ್ಲೂರಾಯ ಎದ್ಕೊನಿಯೆರ್. ಮಂಜುನಾಥ ಕಾಸ್ರೋಡು ಸೊಲ್ಮೆ ಸಂದಾಯೆರ್.
ಕುಡ್ಲ: ಕರಾವಳಿಡ್ ಪಿರ ಹಿಂದೂ ಕಾರ್ಯಕರ್ತೆರೆನ ಮಿತ್ತ್ ಗಡೀಪಾರು ಅಸ್ತ್ರ ಪ್ರಯೋಗ ಆತ್ಂಡ್. ದಕ್ಷಿಣ ಕನ್ನಡ ಜಿಲ್ಲೆದ ಐನ್ ಜನ ಬಜರಂಗದಳ ಕಾರ್ಯಕರ್ತರೆಗ್ ಪೊಲೀಸೆರ್ ನೋಟೀಸ್ ಜಾರಿ ಮಲ್ತ್ದೆರ್.
ನೈತಿಕ ಪೊಲೀಸ್ ಗಿರಿಟ್ಟ್ ಪಾಲ್ ಪಡೆನ ಬಜರಂಗದಳ ಕಾರ್ಯಕರ್ತೆರ್ ಲತೇಶ್ ಗುಂಡ್ಯ, ಪ್ರಜ್ವಲ್, ನಿಶಾಂತ್, ಪ್ರದೀಪ್ ಬೊಕ್ಕ ದಿನೇಶ್ಗ್ ದಾಯೆ ಗಡಿಪಾರು ಮಲ್ಪೆರೆ ಬಲ್ಲಿ ಪಂದ್ ಕಾರಣ ಕೇಂದ್ ನೋಟೀಸ್ ಜಾರಿ ಆತ್ಂಡ್. ಮಾತೆರೆಗ್ ನವೆಂಬರ್ 22 ದಾನಿ ಪುತ್ತೂರು ಸಹಾಯಕ ಆಯುಕ್ತರ ಎದುರು ಹಾಜರ್ ಆವೆರೆ ಸೂಚನೆ ಕೊರ್ತೆರ್.
ಮೊಕ್ಲೆನೆಟ್ಟ್ ದಿನೇಶ್ ಬೊಕ್ಕ ಪ್ರಜ್ವಲ್ ಬಜರಂಗದಳಡ್ ಪುತ್ತೂರು ತಾಲೂಕು ಜವಾಬ್ದಾರಿ ವಹಿಸ್ದ್ ಇತ್ತೆರ್. ಲತೇಶ್ ಗುಂಡ್ಯ ಬಜರಂಗದಳದ ಪುತ್ತೂರು ಜಿಲ್ಲಾ ಸಹ ಸಂಯೋಜಕ್ ಆದಿತ್ತೆರ್. ಬಾಕಿದಕುಲು ಕಾರ್ಯಕರ್ತೆರಾದಿತ್ತೆರ್. ಈ ಐನ್ ಜನಟ್ಟ್ ಲತೇಶ್ನ್ ಬುರ್ದ್ ಒರಿನ ನಾಲ್ ಜನತ್ತ ಮಿತ್ತ್ ಒಂಜೊಂಜಿ ಕೇಸ್ಲು ಉಲ್ಲ. ಮೊಕುಲು ಕೋಮುಗಲಭೆ, ದನಸಾಗಾಟ ಹಲ್ಲೆ, ನೈತಿಕ ಪೊಲೀಸ್ ಗಿರಿ ಸೇರಿನಂಚ ಕೆಲವು ಕೇಸ್ಡ್ ಪಾಲ್ ಪಡೆನ ಆರೋಪಲು ಉಲ್ಲ. ಪುತ್ತೂರು ನಗರ ಠಾಣೆ ಬೊಕ್ಕ ಸುಳ್ಯ ಠಾಣೆರ್ದ್ ಗಡೀಪಾರ್ಗ್ ಸೂಚನೆ ಕೊರ್ತೆರ್.
ವಿಚಾರಣೆಗ್ ಹಾಜರ್ ಆಯಿನ ಬೊಕ್ಕ ಅಧಿಕೃತವಾದ್ ಒಂಜಿ ವರ್ಷದ ಕಾಲ ಗಡೀಪಾರು ಆದೇಶ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕೃಷಿವಾಣಿ ಸರಣಿ ಲೇಸ್ ದ ಸಂಚಿಕೆ ನ.16 ಕ್ಕ್ ಗುರುವಾರ ಬಯ್ಯಗ್ 6.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಕೃಷಿಕೆರ್ ಶ್ಯಾಮ ಕಾವ್ರಾಡಿ ತಮ್ಮ ಕೃಷಿ ಕಾಯಕದ ಬಗೆಟ್ಟ್ ಪಾತೆರಿಯೆರೆ ಉಲ್ಲೆರ್. ನ.17 ಕ್ಕ್ ಮಧ್ಯಾಹ್ನ 2.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಹುಬ್ಬಳ್ಳಿ: ನವೆಂಬರ್ 1ರ್ದ್ ಫೋನ್ ಪೇ ಕಂಪನಿದ ಸಹಯೋಗಡ್ ಯುಪಿಐ ಮುಖೆನ ಕಾಸ್ ದೆತ್ತೊನ್ನ ವ್ಯವಸ್ಥೆನ್ ಹುಬ್ಬಳ್ಳಿ ಗ್ರಾಮಾಂತರ 3ನೇ ಘಟಕದ ಬಸ್ಸ್ ಸುರು ಮಲ್ತ್ದ್ಂಡ್.
ಪ್ರಯಾಣಿಕೆರ್ ಫೋನ್ ಪೇ, ಗೂಗಲ್ ಪೇ ಸೇರಿನಂಚ ಒವ್ವೇ ಯುಪಿಐ ಅಪ್ಲಿಕೇಷನ್ ಮುಖೆನ ಕಾಸ್ನ್ ಪಾವತಿ ಮಲ್ಪೆರೆ ಅವಕಾಶ ಉಂಡು. ಸದ್ಯ ಯುಪಿಐ ವ್ಯವಸ್ಥೆಗ್ ಸಾರ್ವಜನಿಕೆರೆರ್ದ್ ಬೊಕ್ಕ ಸಿಬ್ಬಂದಿಲೆರ್ದ್ ನಿರೀಕ್ಷೆರ್ದ್ ಎಚ್ಚದ ಸ್ಪಂದನೆ ತಿಕ್ಕ್ದ್ಂಡ್. ಸುರುತ ಸರ್ತಿ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಬಸ್ಸುಡ್ ಯುಪಿಐ ಪಾವತಿ ವ್ಯವಸ್ಥೆ ಮಲ್ತ್ದ್ ಯಶಸ್ವಿಯಾತೆರ್. ಈ ಮುಖೆನ ಸಾರಿಗೆ ಬಸ್ಡ್ ಚಿಲ್ಲರೆ ಸಮಸ್ಯೆಗ್ ಪರಿಹಾರ ತಿಕ್ಕ್ದ್ಂಡ್.
ಬಂಟ್ವಾಳ: ತುಡರ್ ಪರ್ಬದ ಲೆಕ್ಕೊಡು ಪೆರಾಜೆ ಶ್ರೀ ವಿಷ್ಣು ಸ್ಪೋರ್ಟ್ಸ್ ಕ್ಲಬ್ ದ ಮುತಾಲಿಕೆಡ್ ಪೆರಾಜೆ ಯುವಕ ಮಂಡಲ (ರಿ.) ದ ಒಟ್ಟುಸೇರಿಗೆಡ್ 5ನೇ ವರ್ಷದ ಕಬಡ್ಡಿ ಅಂಕಣ ಪೂಜೆ ಬೊಕ್ಕ ಲೆತ್ತಿನ ಗೊಬ್ಬುಗಾರೆರೆನ ಕಬಡ್ಡಿ ಮ್ಯಾಚ್ ನಡತ್ಂಡ್.
ಈ ಲೇಸ್ ಗ್ ಬಿನ್ನೆರಾದ್ ಗ್ರಾಮ ಪಂಚಾಯತ್ ಗುರ್ಕಾರೆ, ಯುವಕ ಮಂಡಲ ಪೆರಾಜೆದ ಮಾಜಿ ಗುರ್ಕಾರೆ ಕುಶಾಲ ಎಂ.ಪೆರಾಜೆ, ಸಂತ ಫಿಲೋಮಿನಾ ಕಾಲೇಜ್ ದ ಕಬಡ್ಡಿ ಕೋಚ್, ಮಾಣಿಶ್ರೀ ಮಾಣಿ ಕೂಟದ ಮಾಜಿ ಆಟಗಾರೆ ಹಬೀಬ್ ಮಾಣಿ, ತನ್ಯಾ ಮೋಟಾರ್ಸ್ ತೊಕ್ಕೊಟ್ಟುದ ಮಾಲಕೆರ್, ಮಾಜಿ ಯುನಿವರ್ಸಿಟಿ ಕಬಡ್ಡಿ ಆಟಗಾರೆ ಗೌತಮ್, ಪೆರಾಜೆ ಗ್ರಾಮ ಪಂಚಾಯತ್ ಸದಸ್ಯೆರ್ ರಾಜರಾಮ್ ಭಟ್ ಕಾಡೂರು ಬೊಕ್ಕ ಯುವಕ ಮಂಡಲ ಪೆರಾಜೆ, ಶ್ರೀ ವಿಷ್ಣು ಸ್ಪೋರ್ಟ್ಸ್ ಕ್ಲಬ್, ಯಂಗ್ ಸ್ಕ್ವಾಡ್ ಪೆರಾಜೆದ ಮತ ಪದುಕೆರ್ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್. ಈ ಲೇಸ್ ದ ಬೊಕ್ಕ ಬೆಡಿಮರ್ದ್ ಪ್ರದರ್ಶನ, ಚೀಪೆತಿಂಡಿ ಪಟ್ಟಿಯೆರ್.
ನವಿಮುಂಬಯಿ: ಅಯ್ಯಪ್ಪ ಸ್ವಾಮಿ ಕ್ಷೇತ್ರದ ಯಾತ್ರೆದ ವೃತ ಆಚರಣೆ ಪ್ರಯುಕ್ತ ಮಾಲೆ ಧಾರಣೆ ಕಾರ್ಯಕ್ರಮ ನ.17 ದಾನಿ ಸುಕ್ರವಾರ ಕಾಂಡೆ 5 ಗಂಟೆಗ್ ಬ್ರಾಹ್ಮಿ ಮುರ್ತಡ್ ಶ್ರೀ ಶನೀಶ್ವರ ಮಂದಿರ ನೆರುಲ್ ನವಿಮುಂಬಯಿಡ್ ನಡಪೆರೆ ಉಂಡು.
ಮಾತ ಭಕ್ತಾದಿಲು ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್. ಅಂಚನೆ ಮಾಲೆ ಪಾಡುನಕುಲು ಶನೀಶ್ವರ ಮಂದಿರಡ್ ಪುದರ್ ಬರೆಪಾವೊಲಿ ಪಂದ್ ತೆರಿಪಾದೆರ್.
ಮಂಡಲ-ಮಕರವಿಳಕ್ಕು ಯಾತ್ರೆದ ನಿಲೆಟ್ಟ್ ಇನಿ (ಗುರುವಾರ) ಬಯ್ಯ 5 ಗಂಟೆಗ್ ಶಬರಿಮಲೆ ಸ್ವಾಮಿ ಅಯ್ಯಪ್ಪ ದೇವಲ್ಯದ ಬಾಕಿಲ್ ದೆಪ್ಪುಂಡು. ತೀರ್ಥಯಾತ್ರೆದ ಲೆಕ್ಕೊಡು ಮಲ್ಲ ಮಟ್ಟ್ ಡ್ ಮಾಲಾಧಾರಿಲು ಬರ್ಪಿನೆರ್ದಾವರ ಜನಕುಲೆನ ನುರ್ಪು ನಿಯಂತ್ರಣ ಮಲ್ಪರೆ ಡೈನಾಮಿಕ್ ಕ್ಯೂ ವ್ಯವಸ್ಥೆ ಮಲ್ದೆರ್. ಭಕ್ತೆರೆಗ್ ಪರ್ಪಿನ ನೀರ್, ಉಂತುನ ವ್ಯವಸ್ಥೆ, ದೇಲಂತಡೆತ ಕೈತಲ್ 132 ಶೌಚಾಲಯ, ಐಸಿಯು ಮಾತಾ ಸೇರ್ದ್ ಆಸ್ಪತ್ರೆ, ಪಾರ್ಕಿಂಗ್ ದ ವ್ಯವಸ್ಥೆಲು ತಯಾರಾದುಂಡು ಪನ್ದ್ ತೆರಿದ್ ಬೈದ್ಂಡ್.
ಪುತ್ತೂರು : ನೀಂದೊಂದಿಪ್ಪುನಗ ಹಾರ್ಟ್ ಆಟ್ಯಾಕ್ ಆದ್ ಜನವೆ ಒರಿ ತೀರಿನ ನಡಕೆ ಪುತ್ತೂರುಡು ನಡದ್ಂಡ್. ಪುತ್ತೂರುದ ದೇವಸ್ಯದ ನಿವಾಸಿ 27 ವರ್ಸದ ಸುಜಿತ್ ಮೇರ್ ತೀರಿನಾರ್.
ಸುಜಿತ್ ಮೇರ್ ಸಂಬಂದದಕಲೆನ ಇಲ್ಲದಲ್ಪ ಪೋದಿತ್ತಿನಪಗ ಅಲ್ಪನೇ ಕೈತಲ್ ತುದೆಟ್ ನೀಂದರೆ ಪೋತೆರ್, ನೀಂದೊಂದಿಪ್ಪುನಗನೇ ಹಾರ್ಟ್ ಆಟ್ಯಾಕ್ಡ್ ತೀರಿಯೆರ್. ಮೇರ್ ಪುತ್ತೂರುದ ಬೊಳುವಾರ್ ಗ್ಯಾರೇಜ್ ಡ್ ಬೇಲೆ ಮಲ್ತೊಂದಿತ್ತೆರ್. ಪರ್ಬದ ಲೆಕ್ಕೊಡು ಸಂಬಂದದಕಲೆನ ಇಲ್ಲಗ್ ಪೋದಿತ್ತೆರ್.
