ಕುಕ್ಕೆ ಶ್ರೀ ಸುಬ್ರಹ್ಮಣ್ಯೇಶ್ವರ ಮಹಾವಿದ್ಯಾಲಯ, ಆಂತರಿಕ ಗುಣಮಟ್ಟ ಭರವಸೆ ಕೋಶ ನೆತ್ತ ಒಟ್ಟು ಸೇರಿಗೆಡ್ ನ.27 ದಾನಿ ಒಂಜಿ ದಿನದ ಅಂತರ್-ಪಿಯು ಕಾಲೇಜು ಪರ್ಬ ನಡತ್ಂಡ್.
ಲೇಸ್ ದ ಗುರ್ಕಾರ್ಮೆನ್ ಮಹಾವಿದ್ಯಾಲಯದ ಪ್ರಾಂಶುಪಾಲೆರ್ ಡಾ. ದಿನೇಶ ಪಿ. ಟಿ ವಹಿಸ್ ದ್ ಇತ್ತೆರ್. ಮಹಾವಿದ್ಯಾಲಯದ ವಿಶ್ರಾಂತ ಪ್ರಾಂಶುಪಾಲೆರ್ ಪ್ರೊ. ಉದಯ ಕುಮಾರ್ ಕೆ ಅಂತರ್ ಪಿಯು ಕಾಲೇಜು ಪರ್ಬನ್ ಉದಿಪನ ಮಲ್ತೆರ್. ಸುಮಾರು 10 ಪದವಿಪೂರ್ವ ಕಾಲೇಜ್ ದ ವಿದ್ಯಾರ್ಥಿಲು ಬೇತೆ ಬೇತೆ ಸ್ಪರ್ಧೆಡ್ ಪಾಲ್ ಪಡೆದಿತ್ತೆರ್.
ಈ ಪೊರ್ತುಡು ಆಂತರಿಕ ಗುಣಮಟ್ಟ ಭರವಶ ಕೋಶದ ಸಂಯೋಜಕೆರ್ ಲತಾ ಬಿ ಟಿ, ಸ್ಪಂದನ-2K23 ನೆತ್ತ ಸಂಯೋಜಕೆರ್ ಅಶ್ವಿನಿ ಬೊಕ್ಕ ವಿದ್ಯಾರ್ಥಿ ಸಂಯೋಜಕೆರ್ ಕೌಶಿಕ್ ಕೆ, ದೀಕ್ಷಿತ್ ಯಂ ಇತ್ತೆರ್.
ವಿದ್ಯಾರ್ಥಿನಿ ಯಜ್ಞಾ ಬಿನ್ನೆರೆನ್ ಎದ್ಕೊಂದು, ಉಪನ್ಯಾಸಕಿ ಸ್ವಾತಿ ಕೆ ಸೊಲ್ಮೆ ಸಂದಾಯ ಮಲ್ತೆರ್. ವಿದ್ಯಾರ್ಥಿನಿ ಧಾತ್ರಿ ಲೇಸ್ ದ ಸುಧಾರಿಕೆ ಮಲ್ತೆರ್.
ಪಿಯು ಪರ್ಬದ ಸಮಾರೋಪ ಸಮಾರಂಭಡ್ ಕಾಂತಾರ ಚಲನಚಿತ್ರದ ಗುರುವ ಪಾತ್ರಧಾರಿ ಸ್ವರಾಜ್ ಶೆಟ್ಟಿ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪೆಸ್ಟ್ ದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಾದ್ ಪಂತೊಲೆಡ್ ಪಾಲ್ ಪಡೆನ ಬೊಕ್ಕ ಇನಾಮು ಗೆಂದಿನ ಕಲ್ಪಾರ್ಥಿಲೆಗ್ ಸೊಲ್ಮೆ ಸಂದಾಯೆರ್.
ಅಂತರ್ ಪಿಯು ಕಾಲೇಜು ಪರ್ಬದ ಸಮಗ್ರ ಪ್ರಶಸ್ತಿನ್ ಎಸ್.ಎಸ್.ಪಿ. ಯು ಕಾಲೇಜು ಸುಬ್ರಹ್ಮಣ್ಯ ಪಡೆಯೊಂಡೆರ್. ರಡ್ಡನೇ ಸಮಗ್ರ ಪ್ರಶಸ್ತಿನ್ ಕುಮಾರಸ್ವಾಮಿ ಪಿಯು ಕಾಲೇಜು ಪಡೆಯೊಂಡೆರ್.
pallavi shetty