ಕಾರ್ನಾಡ್ ಹಿಮಾಯತುಲ್ ಇಸ್ಲಾಂ ಸಮಿತಿದ ಅಧ್ಯಕ್ಷೆರಾದ್ ಪುತ್ತು ಬಾವ ಆಯ್ಕೆ

ಮುಲ್ಕಿ: ಕಾರ್ನಾಡ್ ಹಿಮಾಯತುಲ್ ಇಸ್ಲಾಂ ಸಮಿತಿದ ಮಹಾಸಭೆ ಇಂಚೊಗು ಶಾಫಿ ಜುಮ್ಮಾ ಮಸೀದಿ ಆಡಳಿತ ಸಮಿತಿದ ಅಧ್ಯಕ್ಷೆರ್ ಸುಹೈಲ್ ಹೈದರ್ ಮೆರೆನ ಗುರ್ಕಾರ್ಮೆಡ್ ಸಂಸ್ಥೆದ ಕಚೇರಿಡ್ ನಡತ್ಂಡ್.

ಪೊಸ ಗುರ್ಕಾರೆಯಾದ್ ಪುತ್ತು ಬಾವ ಕಾರ್ನಾಡು ಬೊಕ್ಕ ಪ್ರಧಾನ ಕಾರ್ಯದರ್ಶಿಯಾದ್ ಎಂ ಕೆ ಹಸೈನಾ ದರ್ಗಾ ರೋಡ್ ಮೇರ್ ಆಯ್ಕೆ ಆಯೆರ್. ಬೊಕ್ಕ 23 ಸದಸ್ಯೆರೆನ್ ಆಯ್ಕೆ ಮಲ್ತೆರ್.

47ನೇ ವರ್ಷದ ದಫ್ ರಾತೀಬ್ ಲೇಸ್ ನ್ 2024 ತ್ತ ಫೆಬ್ರವರಿ 1-3 ಮುಟ್ಟ ನಡಪುನ ಬಗೆಟ್ಟ್ ತೀರ್ಮಾನ ನಡತ್ಂಡ್.

ಈ ಪೊರ್ತುಡು ಸಭೆಟ್ಟ್ ಫಾರೂಕ್ ಹಾಜಿ, ಕಾರ್ನಾಡು ಮದರಸದ ಸದರ್ ಉಸ್ತಾದ್, ಬಹುಮಾನ್ಯ ರಝಾಕ್ ಮದನಿಯೆರ್ ಇತ್ತೆರ್.