ಕುಡ್ಲ ಕುಕ್ಕರ್ ಬಾಂಬ್ ಸ್ಪೋಟದ ಜಡ್ತೆದ ಅಕೇರಿಗ್ ಎತ್ತಿನ ರಾಷ್ಟ್ರೀಯ ತನಿಖಾ ದಳ, ಆರೋಪಿ ಶಾರೀಕ್ ಸೇರ್ದ್ ಐನ್ ಜನತ ಮಿತ್ತ್ ಆರೋಪಪಟ್ಟಿನ್ ಬೇಗನೆ ಸಲ್ಲಿಕೆ ಮಲ್ಪರೆ ಉಂಡು. ಈ ಕೇಸ್ ಡ್ ಸದ್ಯೊಗು ಶಾರೀಕ್, ಮುನೀರ್, ಯಾಸೀನ್, ಅರಾಫತ್ ಒಟ್ಟುಗು ಐನ್ ಜನನ್ ಅರೆಸ್ಟ್ ಮಲ್ದೆರ್.
ಈ ಆರೋಪಿಲೆನ ಮಿತ್ತ್ ಐವೊರ್ದುಲಾ ಎಚ್ಚಿನ ಸಾಕ್ಷಿಲೆನ ಹೇಳಿಕೆ ಅಂಚೆನೆ ತಾಂತ್ರಿಕ ಸಾಕ್ಷಿಲೆನ್ ಒಟ್ಟು ಮಲ್ದ್ಂಡ್. ಆರೋಪಿಲು ಕದ್ರಿ ದೇವಲ್ಯೊಗು ಬಾಂಬ್ ಪಾಡುನ ಅಟ್ಟನೆಡ್ ಇತ್ತೆರ್ ಪನ್ದ್ ತನಿಕೆಡ್ ಬೈದಿತ್ತ್ಂಡ್. ಕದ್ರಿರ್ದ್ ಬೊಕ್ಕ ಒಡಿಪುದ ಕೃಷ್ಣ ಮಠ, ಚಿಕ್ಕಮಗಳೂರುದ ಬಿಜೆಪಿ ಕಚೇರಿಲಾ ಮೊಕಲೆನ ಟಾರ್ಗೆಟ್ ಡ್ ಇತ್ತ್ಂಡ್. ಈ ಬಗೆಟ್ ಆಜಿ ತಿಂಗೊಲು ತರಬೇತಿ ದೆತೊನ್ದಿನ ಉಲ್ಲೇಖಲಾ ಉಂಡು.
Editorial