ಪ್ರಧಾನಿ ನರೇಂದ್ರ ಮೋದಿಗ್ ಪನೌತಿ ಪನ್ದ್ ಪನ್ತಿನ ವಿಷಯೊಡು ರಾಹುಲ್ ಗಾಂಧಿಗ್ ಚುನಾವಣಾ ಆಯೋಗ ಗುರುವಾರ ನೋಟೀಸ್ ಕೊರ್ತುಂಡು. ಬಿಜೆಪಿ ಚುನಾವಣಾ ಆಯೋಗೊಗು ಈ ಬಗೆಟ್ ಒಯಿಲ್ ಕೊರ್ದಿತ್ತ್ಂಡ್, ಶುಕ್ರಾರ ಬಯ್ಯ 6 ಗಂಟೆದ ಉಲಯಿ ಸದು ಕೊರೊಡು ಪನ್ದ್ ರಾಹುಲ್ ಗಾಂಧಿಗ್ ಚುನಾವಣಾ ಆಯೋಗ ಪನ್ತ್ಂಡ್.
ಪನೌತಿ ಪನ್ಡ ಅನಿಷ್ಟ, ತೆಟ್ಟ್ ಕನಪಿನ ಪನ್ದ್ ಅರ್ಥೊ ಬರ್ಪುಂಡು. ಆತೇ ಅತ್ತಂದೆ ರಾಹುಲ್ ಗಾಂಧಿ ಮೋದಿಗ್ ಜೇಬ್ ಕತ್ರಿ ಪನ್ದ್ ಲಾ ಪನ್ತೆರ್, ಅಂಚ ಪನ್ಡ ಕಿಸೆ ಕಲುವೆ ಪನ್ದ್ ಅರ್ಥ ಬರ್ಪುಂಡು. ರಾಜಸ್ಥಾನೊಡು ನಡತಿನ ಓಟುದ ಪ್ರಚಾರ ಸಭೆಟ್ ಮೋದಿ ಫೈನಲ್ ಮ್ಯಾಚ್ ತೂವರೆ ಪೋಯಿನವು ಭಾರತ ಸೋಪರೆ ನೆವನ ಆಂಡ್ ಪನ್ಪಿಲೆಕ್ಕ ಪನ್ದಿತ್ತೆರ್.
pallavi shetty