ಆಸ್ಟ್ರೇಲಿಯಾ ಕ್ರಿಕೆಟ್ ತಂಡಡ್ ಕೋಚ್ ಆದ್ 34 ವರ್ಷದ ಕಿನ್ನಿಗೋಳಿ ಮೂಲದ ಊರ್ಮಿಳಾ ರೊಸಾರಿಯೋ ಕಾರ್ಯ ನಿರ್ವಹಣೆ ಮಲ್ತೊಂದು ಉಲ್ಲೆರ್. ಊರ್ಮಿಳಾ ರೊಸಾರಿಯೋ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮ್ಯಾನೇಜರ್ ಬೊಕ್ಕ ಆಟಗಾರೆರ್ನ ಕೇರ್ ಟೇಕರ್ ಆತೆರ್.
ಮೂಲತಃ ಕಿನ್ನಿಗೋಳಿದಾರ್ ಆಯಿನ ಊರ್ಮಿಳಾನ ಪೊಪ್ಪ ಅಮ್ಮ ಐವಿ ಬೊಕ್ಕ ವಾಲೆಂಟೈನ್ ಉದ್ಯೋಗದ ನಿಮಿತ್ತ ಕತಾರ್ ದೋಹಾಡ್ ಮಸ್ತ್ ವರ್ಷರ್ದ್ ಅವ್ಲು ಉಲ್ಲೆರ್. ಊರ್ಮಿಳಾ ಕತಾರ್ಡ್ ಪುಟ್ಟುದು ಬುಲೆತ್ತಿನಾರ್. ಎಲ್ಯೆರ್ದೆ ಕ್ರಿಕೆಟ್ಡ್ ಆಸಕ್ತಿ ಇತ್ತ್ದ್ ಕತಾರ್ ಟೆನ್ನಿಸ್ ಫೆಡೆರೇಶನ್ಡ್ ಬೇಲೆ ಮಲ್ತೊಂದು ಇತ್ತೆರ್. ಬೊಕ್ಕ ಆಸ್ಟ್ರೇಲಿಯಾಡ್ ಅಡಿಟೇಲ್ ಕ್ರಿಕೆಟ್ ಟೀಂಡ್ ಮೂಜಿ ವರ್ಷದ ಕಾಲ ಮ್ಯಾನೇಜರ್ ಆದ್ ಬೇಲೆ ಮಲ್ತ್ದೆರ್. ಊರ್ಮಿಳಾ ರೊಸಾರಿಯೋ ಮೇರ್ನ ಪೊಪ್ಪ ಅಮ್ಮ ಕರಿನ ಏಳ್ ವರ್ಷರ್ದ್ ಸಕಲೇಶಪುರಡ್ ಎಸ್ಟೇಟ್ ದೆತ್ತ್ದ್ ಅವ್ಲು ವಾಸ್ತವ್ಯ ಉಲ್ಲೆರ್.
pallavi shetty