22 ಕೋಟಿ ರೂ.ಗ್ ಮಾರಾಟ ಆಂಡ್ ವಿಸ್ಕಿ ಬಾಟಲಿ

ಬ್ರಿಟನ್: ಮಕಲನ್ ಕಂಪನಿ ತಯಾರ್ ಮಲ್ತಿನ ಸಿಂಗಲ್ ಮಾಲ್ಟ್ ವಿಸ್ಕಿ 22 ಕೋಟಿ ರೂ.ಗ್ ಮಾರಾಟ ಆದ್ ದಾಖಲೆ ನಿರ್ಮಾಣ ಆಂಡ್.

ಲಂಡನ್‌ ಡ್ ಇಪ್ಪುನ ಪುಗರ್ತೆದ ಅಂತಾರಾಷ್ಟ್ರೀಯ ಎಲಂ ಸಂಸ್ಥೆ ಸೋಥೆಬೈಸ್ ನಡಪಾಯಿನ ಎಲಂಡ್ ಮಕಲನ್ ಕಂಪನಿ ತಯಾರ್ ಮಲ್ತಿನ ಸಿಂಗಲ್ ಮಾಲ್ಟ್ ವಿಸ್ಕಿ 22 ಕೋಟಿ ರೂ.ಗ್ ಮಾರಾಟ ಆದ್ ದಾಖಲೆ ನಿರ್ಮಾಣ ಮಲ್ದ್ಂಡ್.

ಸೋಥೆಬೈಸ್‌ಡ್ ವಿಸ್ಕಿನ್ ಎಲಂ ದೀದಿತ್ತೆರ್. ಉಂದು 22 ಲಕ್ಷ ಪೌಂಡ್‌ (22.48 ಕೋಟಿ ರೂ.) ಗ್ ಎಲಂ ಆದ್ ಪೊಸ ದಾಖಲೆ ಬರೆತ್ಂಡ್.

2019 ಟ್ಟ್ ಉಂದುವೇ ಕಂಪನಿ ತಯಾರ್ ಮಲ್ತಿನ ವಿಸ್ಕಿ 15 ಕೋಟಿ ರೂ. ಮಾರಾಟ ಆತ್ಂಡ್. ಆ ದಾಖಲೆನ್ ‘ದಿ ಮಕಲನ್‌ ಅದಾಮಿ 1926’ ಪುದರ್ ದ ವಿಸ್ಕಿ ಪಿರ ಹಾಕ್ ದ್ಂಡ್. ಮಕಲನ್ ಕಂಪನಿ 1926 ಟ್ಟ್ ಈ ವಿಸ್ಕಿನ್ ತಯಾರ್ ಮಲ್ದ್ಂಡ್. ಅವೆನ್ 60 ವರ್ಷ ಮುಟ್ಟ ಒರಿಪಾದಿತ್ತ್ಂಡ್.