ಒಡಿಪು : ಮೂಡುಬೆಳ್ಳೆ ಕುಂತಳ ನಗರ ಕೆಳಪಡುಮನೆ ಸಾಯಿ ಕೃಷ್ಣ ನಿವಾಸಿ, ಕನ್ನಡ ಸೇವಾ ಸಂಘ ಪೊವಾಯಿ ನೆತ್ತ ಗುರ್ಕಾರೆ ಸಂದೇಶ್ ಆರ್ ಶೆಟ್ಟಿ ಮೂಡು ಬೆಳ್ಳೆ ಮೆರೆನ ಮುತಾಲಿಕೆಡ್ ಕುಂತಳ ನಗರ ಬಿ ಫೋರ್ ಕೂಟದ ಜವನೆರ್ ಧಾರ್ಮಿಕ ಕ್ಷೇತ್ರದ ಯಾತ್ರೆ ಮಲ್ದೆರ್.
ನ.12 ಕ್ಕ್ ಶ್ರೀ ಕಾರಿಂಜೇಶ್ವರ ದೇವಸ್ಥಾನಗ್ ಪೋದು ದೇವೆರ್ನ ದರ್ಶನ ಪಡೆಯೆರ್.
ಅವೆರ್ದ್ ಬೊಕ್ಕ ಪುತ್ತೂರು ಮಹಾಲಿಂಗೇಶ್ವರ ದೇವಸ್ಥಾನಗ್ ಪೋದು ಅಲ್ಪ ಮದ್ಯಾನ ದೇವೆರ್ನ ದರ್ಶನ ಪಡೆದ್ ಅನ್ನ ಪ್ರಸಾದ ಸ್ವೀಕಾರ ಮಲ್ತೆರ್.
ಕಡೆಕ್ಕ್ ಗೆಜ್ಜೆಗಿರಿ ನಂದನ ಬಿತ್ತಿಲ್ಗ್ ಪೋದು ಅಲ್ಪ ಕೋಟಿ ಚೆನ್ನಯೆರೆನ ಅಪ್ಪೆ ದೇಯಿ ಬೈದೆದಿನ ಸನ್ನಿಧಾನೊಗು ಪೋದು ದೇಯಿ ಬೈದೆದಿ ಸಮಾಧಿ, ಸಾಯನ ಬೈದೆರೆ ಧರ್ಮಚಾವಡಿಗ್ ಭೇಟಿ ಕೊರಿಯೆರ್. ಬೊಕ್ಕ ಜಾಗೆದ ಬಗ್ಗೆ ಹೆಚ್ಚಿನ ಪೊಲಬುನ್ ಕ್ಷೇತ್ರದ ಗುರ್ಕಾರ್ಲು ಮಲ್ತ್ ಕೊರಿಯೆರ್. ಪ್ರತಿವರ್ಷ ನಡಪುನ ಯಾತ್ರೆಡ್ 7 ಕುಟುಂಬದಕುಲು ಪಾಲ್ ಪಡೆದಿತ್ತೆರ್ . ಕನ್ನಡ ಸೇವಾ ಸಂಘ ಪೊವಾಯಿ ನೆತ್ತ ಒತ್ತು ಗುರ್ಕಾರೆ ನಾಗರಾಜ್ ಗುರುಪುರ, ಉಮೇಶ್ ಆಚಾರ್ಯ, ಪ್ರಸಾದ್ ಶೆಟ್ಟಿ ಮೊಕುಲುಲ ಯಾತ್ರೆಡ್ ಪಾಲ್ ಪಡೆಯೆರ್.
pallavi shetty