ಡಿ.4-10: ಬೆಳಗಾವಿಡ್ ಅಧಿವೇಶನ

ಬೆಳಗಾವಿದ ಸುವರ್ಣ ವಿಧಾನಸೌಧಡ್ ಡಿ.4 ರ್ದ್ 10 ದಿನ ಮುಟ್ಟ ವಿಧಾನ ಮಂಡಲದ ಚಳಿಗಾಲ ಅಧಿವೇಶನ ನಡಪರೆ ಉಂಡು ಪಂದ್ ವಿಪ ಸಭಾಪತಿ ಬಸವರಾಜ ಹೊರಟ್ಟಿ ತೆರಿಪಾದೆರ್.

ಬೆಳಗಾವಿಡ್ ಸ್ಪೀಕರ್ ಯು.ಟಿ ಖಾದರ್ ನೊಟ್ಟಿಗೆ ಜಂಟಿ ಸುದ್ದಿಗೋಷ್ಠಿಡ್ ಪಾತೆರ್ದ್, ಅನೌಪಚಾರಿಕವಾದ್ ಡಿ.4 ರ್ದ್ ಈ ಅಧಿವೇಶನ ನಡಪರೆ ಉಂಡು. ಆಂಡ ಸರ್ಕಾರ ಅಧಿಕೃತ ತಾರೀಕ್ ತೆರಿಪಾದಿಜಿ ಪಂದ್ ಪಂಡೆರ್. 10 ದಿನ ನಡಪುನ ಈ ಅಧಿವೇಶನಗ್ ತಯಾರಿ ನಡತೊಂದು ಉಂಡು. ಈ ಸರ್ತಿ ಉತ್ತರ ಕರ್ನಾಟಕದ ಬಗೆಟ್ಟ್ ಇಸೇಸ ಚರ್ಚೆ ನಡಪರೆ ಉಂಡು ಪಂದ್ ಪಂಡೆರ್.