ಬೆದ್ರದ ಬಾಲೆ ಶ್ರೀಯಾನ ಚಿಕಿತ್ಸೆಗ್ ನಂದಳಿಕೆ ಇಂಚರ ಸೇವಾ ಕೂಟರ್ದ್ ಪಣವುದ ಸಕಾಯ

ಬೆದ್ರ ನಿವಾಸಿ ಆಯಿನ ಲಕ್ಷ್ಮಿ ನಾರಾಯಣ ಬೊಕ್ಕ ವಿನುತಾ ದಂಪತಿಲೆನ 1.5 ವರ್ಷ ಬಾಲೆ ಶ್ರೀಯಾ ಬ್ಲಡ್ ಕ್ಯಾನ್ಸರ್ ಆದ್ ಚಿಕಿತ್ಸೆ ಪಡೆವೊಂದುಲ್ಲೆರ್.

ಈ ಬಾಲೆದ ಚಿಕಿತ್ಸೆಗ್ ನಂದಳಿಕೆದ ಇಂಚರ ಸೇವಾ ಬಳಗದಕುಲು 5ನೇ ಸೇವಾ ಯೋಜನೆಗ್ ಶ್ರೀ ಕೊಡಮಣಿತ್ತಾಯ ದೈವೊಲ್ಯ ಶಿಬರೂರು ಮುಲ್ಪ ನಿಧಿ ಸಂಗ್ರಹಣೆ ಆಯೋಜನೆ ಮಲ್ತ್ ದ್ ಒಟ್ಟಾಯಿನ 1,20,383 ರೂ. ಕಾಸ್ ದ ಚೆಕ್ ನ್ ಇನಿ ಶ್ರೀ ಕೊಡಮಣಿತ್ತಾಯ ದೈವೊಲ್ಯ ಶಿಬರೂರು ಮುಲ್ಪ ಶಿಬರೂರು ಗುತ್ತು ಉಮೇಶ್ ಎನ್ ಶೆಟ್ಟಿ ಮೆರೆನ ಮುಖೇನ ಶ್ರೀಯಾನ ಇಲ್ಲದಕ್ಲೆಗ್ ಕೊರಿಯೆರ್. ಈ ಪೊರ್ತುಡು ಈ ತಂಡದ ಅಧ್ಯಕ್ಷೆರ್ ದೀಕ್ಷಿತ್ ದೇವಾಡಿಗ ನಂದಳಿಕೆ, ಗೌರವಾಧ್ಯಕ್ಷೆರ್ ಶೈಲೇಶ್ ಕೋಟ್ಯಾನ್ ಸೂಡ, ಉಪಾಧ್ಯಕ್ಷೆರ್ ಸಂಯುಕ್ತ ಬಿ ಪರ್ಕಳ, ಸದಸ್ಯೆರ್ ಸಂತೋಷ್ ಪೂಜಾರಿ ಹೊಕ್ಕಾಡಿಗೋಳಿ, ರಕ್ಷಿತ್ ಬಂಗೇರ ಅಂಡಿಂಜೆ, ಹಿತೇಶ್ ಕಲ್ಯಾ, ಸುಶ್ಮಿತಾ ರಾಕೇಶ್, ಬೊಕ್ಕ ಜೀತು ಶಿಬರೂರು, ಸುಮಂತ್ ಇತ್ತೆರ್.