ಮೊಂಟೆಪದವು ಶಾಲೆಡ್ ದಿನೇಶ್ ಬೊಕ್ಕ ಗೋಪಿಕಾ ಮುಕ್ಲೆನ ಮದಿಮೆದ ಕಡೀರ ವರ್ಸದ ದಿನನ್ ಪರಿಸರ ಸ್ನೇಹಿಯಾದ್ ಆಚರಣೆ ಮಲ್ದೆರ್.
ಏಪದಲೆಕ ಕೇಕ್ ಕಟ್ ಮಲ್ಪುನೆತ್ತ ಬದಲ್ ಗ್ ಮುಂಗೆ ಬೈದಿನ ಪದೆಂಗಿ, ದಾಳಿಂಬೆ, ಬಾದಾಮಿ, ನುಂಗುದಿನ ಖರ್ಜೂರ, ದ್ರಾಕ್ಷೆ ಉಂದೆಟ್ ಮಾತಾ ದಂಪತಿಲೆನ ಪುದರ್ ಬರೆದ್ ಅವೆನ್ ಒಟ್ಟು ಮಲ್ಪುನ ಮುಖೇನ ಮದಿಮೆದ ವರ್ಸೊನು ಭಾರಿ ಇಸೇಸ ರೀತಿಡ್ ಆಚರಿಣೆ ಮಲ್ತೆರ್. ತೆನಸ್ ಲೆನ್ ಇಸೇಸ ಸಿಂಗಾರ ಮಲ್ತಿನ ತಿಪ್ಪಿಡ್ ಜೋಕುಲೆಗ್ ಪಟ್ಟಿಯೆರ್. ಅಂಚೆನೆ ನುರ್ಗೆ ಬೆಂಡೆ ಬೊಕ್ಕ ಲತ್ತನೆ ಬಿತ್ತ್ ಲೆನ್ ಜೋಕುಲೆಗ್ ಪಟ್ಟಿಯೆರ್. ಪೇಪರ್ ಡ್ ಪೆನ್ ಮಲ್ಪುನೆನ್ ಕಲ್ಪಾಯೆರ್. ಬೊಕ್ಕ ಕುಸೆಲ್ದ ಲೆಕ್ಕ, ರಸಪ್ರಶ್ನೆದ ಗೊಬ್ಬುಲು ಮಾತ ಇತ್ತ್ಂಡ್. ಉಂದು ಒಟ್ಟು ಲೇಸ್ ಪರಿಸರ ಸ್ನೇಹಿ ಆದಿತ್ತ್ಂಡ್. ಈ ಲೇಸ್ ಶಾಲೆದ ಒತ್ತು ಪ್ರಾಂಶುಪಾಲೆರ್ ಸಂತೋಷ್ ಕುಮಾರ್ ಮುತಾಲಿಕೆಡ್ ನಡತ್ಂಡ್. ಪಂಚಾಯತ್ ದ ಒತ್ತು ಅಧ್ಯಕ್ಷೆರ್, sdmc ಅಧ್ಯಕ್ಷೆರ್ ನಾಗರಾಜ್ ಪದವಿನಂಗಡಿ, ನವೀನ ಅಡ್ಕಾರ್, ಜಯಪ್ರಕಾಶ್ ಎಕ್ಕೂರು ಬೊಕ್ಕ ಮಾತಾ ಕಲ್ಪಾದಿನಕ್ಲೆನ ಪಾಲ್ವಿಕೆಡ್ ಈ ಇಸೇಸ ಲೇಸ್ ನಡತ್ಂಡ್.
ವರದಿ: ಜಯಪ್ರಕಾಶ್ ಎಕ್ಕೂರು
pallavi shetty