ಸುರತ್ಕಲ್ ಗೋವಿಂದ ದಾಸ ಕಾಲೇಜ್ ಡ್ ಗುಲಾಬಿ ಆಂದೋಲನ ಅಭಿಯಾನ

ಸುರತ್ಕಲ್ : ಗೋವಿಂದ ದಾಸ ಕಾಲೇಜ್ ದ ಸುರತ್ಕಲ್ ಬೊಕ್ಕ ರಾಷ್ಟ್ರೀಯ ಸೇವಾ ಯೋಜನೆ, ದ.ಕ. ಜಿಲ್ಲಾಡಳಿತ & ಜಿಲ್ಲಾ ಪಂಚಾಯತ್, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ತಾಲೂಕ್ ಆರೋಗ್ಯಾಧಿಕಾರಿ ಕಚೇರಿ ಕುಡ್ಲ ಬೊಕ್ಕ ಜಿಲ್ಲಾ ತಂಬಾಕು ನಿಯಂತ್ರಣ ಕೋಶ ನೆತ್ತ ಒಟ್ಟುಸೇರಿಗೆಡ್ ತಂಬಾಕು ಚಟ ನಿರ್ಮೂಲ ಮಲ್ಪುನ “ಗುಲಾಬಿ ಆಂದೋಲನ ಅಭಿಯಾನ” ಡಿ.20 ಅಂಗಾರೆದಾನಿ ಗೋವಿಂದ ದಾಸ ಕಾಲೇಜ್ ಸುರತ್ಕಲ್ ಡ್ ನಡತ್ಂಡ್.

ಈ ಲೇಸ್ ದ ಮಲ್ಲ ಬಿನ್ನೆರಾಯಿನ ಗೋವಿಂದ ದಾಸ ಕಾಲೇಜ್ ದ ಆಡಳಿತಾತ್ಮಕ ನಿರ್ದೇಶಕೆರ್ ಪ್ರೊ.ರಮೇಶ್ ಕುಳಾಯಿ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ತಾಲೂಕ್ ಆರೋಗ್ಯಾಧಿಕಾರಿ ಶ್ರೀ. ಪುಂಡಲೀಕ ಲಕಾಟಿ ಮೇರ್ ಪಾತೆರ್ದ್, ಆರೋಗ್ಯಪೂರ್ಣ ಜವನೆರ್ದ್ ಸದೃಢ ಭಾರತದ ನಿರ್ಮಾಣ ಸಾಧ್ಯ, ಅಯಿಕ್ಕಾದ್ ನಮ್ಮ ಭಾರತ ವ್ಯಸನಮುಕ್ತ ಆ ವೊಡು. ಈ ನಿಟ್ಟ್ ಡ್ ಶಾಲಾ ಕಾಲೇಜ್ ಪರಿಸರಡ್ ತಂಬಾಕು ಕಡ್ಡಾಯವಾದ್ ನಿಷೇಧ ಮಲ್ಪುನ ಅನಿವಾರ್ಯ ಆತ್ಂಡ್. ಈ ಬಗೆಟ್ ಕಲ್ಪಾರ್ಥಿಲೇ ಜನ ಜಾಗೃತಿ ಪುಟ್ಟಾವೊಡು ಪಂದ್ ಪಂಡೆರ್.

ಈ ಪೊರ್ತುಡು ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಅಧಿಕಾರಿ ಡಾ. ಕಿಶೋರ್ ಕುಮಾರ್, ಜಿಲ್ಲಾ ಸರ್ವೇಕ್ಷಣಾ ಅಧಿಕಾರಿ ಡಾ. ಜಗದೀಶ್, ತಾಲೂಕ್ ಆರೋಗ್ಯ ಅಧಿಕಾರಿ ಡಾ. ಸುಜಯ್ ಭಂಡಾರಿ, ಬೊಕ್ಕ ಪ್ರಾಂಶುಪಾಲೆರ್ ಪ್ರೊ. ಕೃಷ್ಣಮೂರ್ತಿ, ಉಪ ಪ್ರಾಂಶುಪಾಲೆರ್ ಪ್ರೊ. ರಮೇಶ್ ಭಟ್ ಎಸ್.ಜಿ, ರಾ‌.ಸೇ ಯೋಜನಾಧಿಕಾರಿ ಅಕ್ಷತಾ ವಿ. ಇತ್ತೆರ್. ಎನ್.ಎಸ್.ಎಸ್. ಸ್ವಯಂ ಸೇವಕೆರ್ ಸುಮಾರ್ 40 ರ್ದ್ ಹೆಚ್ಚ ಅಂಗಡಿಲೆಗ್ ಭೇಟಿ ಕೊರ್ದು ತಂಬಾಕುರ್ದ್ ಆಪುನ ದುಷ್ಪರಿಣಾಮಲೆನ್ ತೆರಿಪಾದ್, ಅಕ್ಲೆಗ್ ಗುಲಾಬಿ ಪೂ ಕೊರ್ದು ಮನವೊಲಿಸುನ ಲೇಸ್ ಯಶಸ್ವಿಯಾದ್ ನಡತ್ಂಡ್. ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ, ತಾಲೂಕ್ ಆರೋಗ್ಯಾಧಿಕಾರಿ ಕಚೇರಿದ ಸಿ. ಆರ್. ಪ್ರದೀಪ್ ಕುಮಾರ್ ಮೇರ್ ಎದ್ಕೊನಿಯೆರ್. ಎನ್.ಎಸ್.ಎಸ್. ಯೋಜನಾಧಿಕಾರಿ ಅಕ್ಷತಾ ವಿ. ಸೊಲ್ಮೆ ಸಂದಾಯೆರ್. NSS ಕಲ್ಪಾರ್ಥಿ ಆಯಿನ ಮಾನಸ ಲೇಸ್ ಸುಧಾರಿಕೆ ಮಲ್ತೆರ್.